ಹೇಳಿಕೆ/Claim: ಇರಾನ್ ಯುದ್ಧವು ಮೂಲತಃ ಅಮೆರಿಕದ ಶತಮಾನದ ಅಂತ್ಯ ಎಂದು ಫ್ರೆಂಚ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಹೇಳಿದ್ದಾರೆ.
ಕಡೆನುಡಿ/Conclusion: ಹೇಳಿಕೆ ಸುಳ್ಳು. “ಈ ಯುದ್ಧ” (US-ಇರಾನ್ ಯುದ್ಧ) ಅಮೆರಿಕದ ಶತಮಾನದ ಅಂತ್ಯವನ್ನು ಸೂಚಿಸುತ್ತದೆ ಎಂದು ಇಮ್ಯಾನುಯೆಲ್ ಮ್ಯಾಕ್ರನ್ ಹೇಳಿದ್ದಕ್ಕೆ ಯಾವುದೇ ವಿಶ್ವಾಸಾರ್ಹ ಪುರಾವೆಗಳಿಲ್ಲ. US ನೇತೃತ್ವದ ದಾಳಿಯ ಅಂಶಗಳನ್ನು ಮ್ಯಾಕ್ರನ್ ಪದೇ ಪದೇ ಟೀಕಿಸುತ್ತಾ, ರಾಜತಾಂತ್ರಿಕತೆಗೆ ಕರೆ ನೀಡಿರುವುದು ನಿಜವಾದರೂ, ಅವರು ಅಂತಹ ಹೇಳಿಕೆಯನ್ನು ನೀಡಿಲ್ಲ.
ರೇಟಿಂಗ್/Rating: ಸುಳ್ಳು
ಫ್ರೆಂಚ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಅವರು ಇರಾನ್ ಯುದ್ಧವನ್ನು ಅಮೆರಿಕದ ಶತಮಾನದ ಅಂತ್ಯ ಎಂದು ಹೇಳಿದ್ದಾರೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ ‘_InfoGram_’ ಅಂತಹ ಪೋಸ್ಟ್ ಅನ್ನು “ಬ್ರೇಕಿಂಗ್: ಈ ಯುದ್ಧವು ಮೂಲತಃ ಅಮೆರಿಕದ ಶತಮಾನದ ಅಂತ್ಯ ಎಂದು ಫ್ರಾನ್ಸ್ ಹೇಳಿದೆ” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ಈ ಪೋಸ್ಟ್ ನಲ್ಲಿ ಫ್ರೆಂಚ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಅವರ ಛಾಯಾಚಿತ್ರ ಮತ್ತು U.S. ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ತೋರಿಸುತ್ತಿರುವ 52-ಕ್ಷಣಗಳ ವೀಡಿಯೊವನ್ನು ಕಾಣಬಹುದು. ಪೋಸ್ಟ್ ಇರಾನ್ ಯುದ್ಧದ ಮಧ್ಯೆ U.S. ಜಾಗತಿಕ ಪ್ರಾಬಲ್ಯದ ಕುಸಿತವನ್ನು ಸೂಚಿಸುವ ಅಧಿಕೃತ ಫ್ರೆಂಚ್ ಹೇಳಿಕೆಯನ್ನು ಸೂಚಿಸುತ್ತದೆ ಎನ್ನುವಂತೆ ತೋರಿಸಲಾಗಿದೆ, ಇದು 4.5 ಮಿಲಿಯಕ್ಕಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಗಳಿಸಿದೆ.
BREAKING: 🇫🇷 France just said that this war is basically the end of the American century. pic.twitter.com/uzqKNnAxeA
— InfoGram (@_InfoGram_) May 17, 2026
ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
COMMENT:
France says the current war could mark “the end of the American century.” pic.twitter.com/OLheuvgMLu— Flux Charts (@FluxCharts) May 19, 2026
ಸತ್ಯ ಪರಿಶೀಲನೆ
ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಇರಾನ್ ಸಂಘರ್ಷವು “ಅಮೆರಿಕದ ಶತಮಾನದ ಅಂತ್ಯ”ವನ್ನು ಸೂಚಿಸುತ್ತದೆ ಎಂದು ಇಮ್ಯಾನುಯೆಲ್ ಮ್ಯಾಕ್ರನ್ ಹೇಳಿಕೊಂಡಿದ್ದಾರೆ ಎಂಬುದಕ್ಕೆ ಯಾವುದೇ ವಿಶ್ವಾಸಾರ್ಹ ಪುರಾವೆಗಳಿಲ್ಲ. ಮ್ಯಾಕ್ರನ್ US ನೇತೃತ್ವದ ಮಿಲಿಟರಿ ವಿಧಾನದ ಅಂಶಗಳನ್ನು ಪದೇ ಪದೇ ಟೀಕಿಸಿದರು ಮತ್ತು ವಿಷಯವನ್ನು ದೊಡ್ಡದಾಗಿಸುವ ಬದಲು ರಾಜತಾಂತ್ರಿಕತೆಗೆ ಒತ್ತಾಯಿಸಿದರು, ಆದರೆ ಆತ ಎಂದಿಗೂ ಇಂತಹ ಒಂದು ಹೇಳಿಕೆಯನ್ನು ನೀಡಲಿಲ್ಲ.
ಇನ್ನಷ್ಟು ತಿಳಿದುಕೊಳ್ಳಲು ನಾವು “ಅಮೆರಿಕದ ಶತಮಾನದ ಅಂತ್ಯದ ಕುರಿತು ಮ್ಯಾಕ್ರನ್ ಹೇಳಿಕೆಗಳು” ಎಂಬ ಪದಗುಚ್ಛದೊಂದಿಗೆ ಮೊದಲು ಅಂತರ್ಜಾಲದ ಹುಡುಕಾಟವನ್ನು ನಡೆಸಿದೆವು. ಮಾಧ್ಯಮಗಳಲ್ಲಿ ವ್ಯಾಪಕ ಹುಡುಕಾಟಗಳ ನಂತರವೂ ಅಂತಹ ಹೇಳಿಕೆ ಅಥವಾ ಟೀಕೆ ನಮಗೆ ಕಂಡುಬಂದಿಲ್ಲ. ಯಾವುದೇ ಅಧಿಕೃತ ಫ್ರೆಂಚ್ ಹೇಳಿಕೆ ಅಥವಾ ಪ್ರತಿಲಿಪಿಯು ಈ ಹೇಳಿಕೆಗೆ ಹೊಂದಿಕೆಯಾಗುವುದಿಲ್ಲ ಮತ್ತು ಮ್ಯಾಕ್ರನ್ ಈ ರೀತಿಯ ಯಾವುದೇ ಹೇಳಿಕೆಯನ್ನು ಪೋಸ್ಟ್ ಮಾಡಿಲ್ಲ. ಪೋಸ್ಟ್ ನಲ್ಲಿರುವ ವಿಷಯವು ಸಾಧಾರಣ ವೀಡಿಯೊ ಆಗಿದ್ದು, ಇದು ಯಾವುದೇ ಹೇಳಿಕೆಯ ದೃಶ್ಯಾವಳಿಯಲ್ಲ.
ಇರಾನ್ ಯುದ್ಧದಲ್ಲಿ ಟ್ರಂಪ್ ಅವರ ನಿಲುವನ್ನು ಮ್ಯಾಕ್ರನ್ ಟೀಕಿಸಿದ್ದಾರೆ ಮತ್ತು ಏಪ್ರಿಲ್ 2, 2026ರಂದು ಪ್ರಕಟವಾದ BBC ವರದಿಯಲ್ಲಿ ದಕ್ಷಿಣ ಕೊರಿಯಾಕ್ಕೆ ಭೇಟಿ ನೀಡಿದ ಸಂದರ್ಭದ ಅವರ ಹೇಳಿಕೆಗಳನ್ನು ದಾಖಲಿಸಲಾಗಿದೆ. ಯುದ್ಧಕ್ಕೆ “ಗಂಭೀರ” ಕಾರ್ಯತಂತ್ರದ ಅಗತ್ಯವಿದೆಯೇ ಹೊರತು “ಹಿಂದಿನ ದಿನ [ಅವರು] ಹೇಳಿರುವುದಕ್ಕೆ ಪ್ರತಿದಿನ ವಿರುದ್ಧವಾಗಿ ಮಾತಾಡುವ” ನಾಯಕರಲ್ಲ ಎಂದು ಮ್ಯಾಕ್ರನ್ ಹೇಳಿದ್ದಾರೆ ಎಂದು ವರದಿ ಉಲ್ಲೇಖಿಸುತ್ತದೆ. ಇರಾನ್ ಯುದ್ಧದ ಕುರಿತು ವಾಷಿಂಗ್ಟನ್ನ ಮಿಶ್ರ ಸಂದೇಶದ ಕುರಿತು ಆತ ಡೊನಾಲ್ಡ್ ಟ್ರಂಪ್ ಅವರನ್ನು ಗುರಿಯಾಗಿಸಿಕೊಂಡು, “ಇದು ಪ್ರದರ್ಶನವಲ್ಲ” ಎಂದು ಹೇಳಿರುವಂತಿತ್ತು. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-
ಇದರ ನಂತರ ಇಮ್ಯಾನುಯೆಲ್ ಮ್ಯಾಕ್ರನ್ “ಎಲ್ಲಾ ಪಕ್ಷಗಳು ಹರ್ಮಜ್ ಜಲಸಂಧಿಯನ್ನು ಪೂರ್ಣವಾಗಿ, ತಕ್ಷಣ ಮತ್ತು ಬೇಷರತ್ತಾಗಿ ಮರುತೆರೆಯಲು” ಕರೆ ನೀಡಿದರು ಎಂದು ಹೇಳಿರುವ ಏಪ್ರಿಲ್ 17, 2026ರ ಆಲ್ ಜಜೀರಾ ವರದಿಯು ನಮಗೆ ದೊರಕಿತು. “ಜಲಸಂಧಿಯನ್ನು ಖಾಸಗೀಕರಣಗೊಳಿಸಬಹುದಾದ” ಅಥವಾ ಹಡಗುಗಳ ಮೇಲೆ ಸುಂಕಗಳನ್ನು ವಿಧಿಸಬಹುದಾದ “ಯಾವುದೇ ನಿರ್ಬಂಧಗಳು ಅಥವಾ ಒಪ್ಪಂದಗಳ ವ್ಯವಸ್ಥೆಯನ್ನು” ಕೂಡ ಆತ ವಿರೋಧಿಸಿದರು. ಯುದ್ಧವು ಅಮೇರಿಕದ ಶತಮಾನದ ಅಂತ್ಯವಾಗಿದೆ ಎಂಬ ಬಗ್ಗೆ ನಮಗೆ ಯಾವುದೇ ಹೇಳಿಕೆಗಳು ಕಂಡುಬಂದಿಲ್ಲ. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-
ಏಪ್ರಿಲ್ 25, 2026ರಂದು ಪ್ರಕಟವಾದ ರಾಯಿಟರ್ಸ್ ವರದಿಯ ಪ್ರಕಾರ, ನಡೆಯುತ್ತಿರುವ US-ಇರಾನ್ ಸಂಘರ್ಷದ ಮಧ್ಯೆ ಇಮ್ಯಾನುಯೆಲ್ ಮ್ಯಾಕ್ರನ್ ಹಾರ್ಮುಜ್ ಜಲಸಂಧಿಯನ್ನು ಸಂಪೂರ್ಣವಾಗಿ ಪುನಃ ತೆರೆಯಲು ಒತ್ತಾಯಿಸುತ್ತಿದ್ದಾರೆ ಎನ್ನಲಾಗಿದೆ. “ಭೂರಾಜಕೀಯ ಅನಿಶ್ಚಿತತೆಯಿಂದ ಉಂಟಾಗುವ ಭೀತಿಯು ಕೊರತೆಗಳಿಗೆ ಕಾರಣವಾಗಬಹುದು” ಎಂದು ಮ್ಯಾಕ್ರನ್ ಎಚ್ಚರಿಸಿದರು ಮತ್ತು ಅಂತಾರಾಷ್ಟ್ರೀಯ ಕಾನೂನಿಗೆ ಅನುಸಾರವಾಗಿ “ಸುಂಕರಹಿತ” ಸಂಚರಣೆಯ ಸ್ವಾತಂತ್ರ್ಯವನ್ನು ಪುನಃಸ್ಥಾಪಿಸಬೇಕು ಎಂದು ಒತ್ತಿ ಹೇಳಿದರು. ದೇಶಗಳನ್ನು “ಭೂರಾಜಕೀಯದ ಬಲಿಪಶುಗಳು” ಮತ್ತು “ಈ ಯುದ್ಧದ ಬಲಿಪಶುಗಳು” ಎಂದು ಆತ ಬಣ್ಣಿಸಿದರು ಕೂಡ, ಆದರೆ ಯುದ್ಧವು ಅಮೇರಿಕದ ಶತಮಾನದ ಅಂತ್ಯವಾಗಿರುವ ಬಗ್ಗೆ ಏನನ್ನೂ ಹೇಳಲಿಲ್ಲ. ಈ ವಿಭಾಗದ ಸ್ಕ್ರೀನ್ಶಾಟ್ ಅನ್ನು ಕೆಳಗೆ ನೋಡಿ-
ಕೊನೆಯದಾಗಿ, US-ಇರಾನ್ ಯುದ್ಧದ ಕುರಿತು ಫ್ರೆಂಚ್ ಅಧ್ಯಕ್ಷ ಮ್ಯಾಕ್ರನ್ ರವರ ಇತ್ತೀಚಿನ ಹೇಳಿಕೆಗಳು ಮತ್ತು ಟೀಕೆಗಳನ್ನು ನಾವು ಹುಡುಕಿದೆವು. ಮೇ 6, 2026ರಂದು ಪ್ರಕಟವಾದ ರಾಯಿಟರ್ಸ್ ವರದಿಯ ಪ್ರಕಾರ ಫ್ರೆಂಚ್ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಅವರು ಬುಧವಾರ ಇರಾನಿನ ಅಧ್ಯಕ್ಷ ಮಸೂದ್ ಪೆಜೆಶ್ಕಿಯಾನ್ ಅವರೊಂದಿಗೆ ಹೆಚ್ಚಿನ ಮಾತುಕತೆ ನಡೆಸಿರುವುದಾಗಿ ಹೇಳಿದ್ದಾಗಿ ಉಲ್ಲೇಖಿಸಲಾಗಿದೆ.. ಜಲಸಂಧಿಯ ಮೂಲಕ “ಸುರಕ್ಷಿತ ಸಾಗಣೆ”ಯನ್ನು ಖಚಿತಪಡಿಸಿಕೊಳ್ಳಲು ಅಂತಾರಾಷ್ಟ್ರೀಯ ಕಾರ್ಯಾಚರಣೆಗಾಗಿ ಫ್ರಾನ್ಸ್ ಮತ್ತು ಬ್ರಿಟನ್ನ ಯೋಜನೆಗಳನ್ನು ಪರಿಗಣಿಸುವಂತೆ ಮ್ಯಾಕ್ರನ್ ಇರಾನ್ ಅನ್ನು ಪ್ರೋತ್ಸಾಹಿಸಿದರು ಮತ್ತು ಡೊನಾಲ್ಡ್ ಟ್ರಂಪ್ ಅವರೊಂದಿಗೆ ಈ ವಿಷಯವನ್ನು ಚರ್ಚಿಸಲು ಬಯಸುವುದಾಗಿಯೂ ಹೇಳಿದರು.
ಯುದ್ಧವು ಅಮೇರಿಕದ ಶತಮಾನದ ಅಂತ್ಯ ಎಂದು ಇಮ್ಯಾನುಯೆಲ್ ಮ್ಯಾಕ್ರನ್ ಹೇಳಿದ್ದಾರೆ ಎಂದು ಸೂಚಿಸುವ ಯಾವುದೇ ಮಾತುಗಳು, ಸಂಬಂಧಿತ ಹೇಳಿಕೆಗಳು ಅಥವಾ ಯಾವುದೇ ಮಾಧ್ಯಮ ವರದಿಗಳು ಡಿಜಿಟೈ ಇಂಡಿಯಾಗೆ ದೊರೆತಿಲ್ಲ.
ಆದ್ದರಿಂದ, ಈ ಹೇಳಿಕೆ ಸುಳ್ಳು.
ಇದನ್ನೂ ಓದಿ:
ಇರಾನ್ ಯುದ್ಧವು ಮೂಲತಃ ಅಮೆರಿಕದ ಶತಮಾನದ ಅಂತ್ಯ ಎಂದು ಇಮ್ಯಾನುಯೆಲ್ ಮ್ಯಾಕ್ರನ್ ನಿಜವಾಗಿಯೂ ಹೇಳಿದ್ದಾರೆಯೇ? ಸತ್ಯ ಪರಿಶೀಲನೆ added by Shwetha on
View all posts by Shwetha →