ಹೇಳಿಕೆ/Claim: ಚಿತ್ರವು ಹೊಸ ಪೋರ್ಚುಗಲ್ ರಾಷ್ಟ್ರೀಯ ತಂಡದ 2026 ವಿಶ್ವಕಪ್ ಪೂರ್ವ-ಪಂದ್ಯದ ಜ್ಯಾಕೆಟ್ ಅನ್ನು ತೋರಿಸುತ್ತದೆ ಎಂದು ಹೇಳಲಾಗಿದೆ.
ಕಡೆನುಡಿ/Conclusion: ಈ ಹೇಳಿಕೆ ಸುಳ್ಳು. ಚಿತ್ರಗಳನ್ನು AI ಬಳಸಿ ರಚಿಸಲಾಗಿದೆ ಮತ್ತು ಯಾವುದೇ ಅಧಿಕೃತ ಪೋರ್ಚುಗಲ್ ರಾಷ್ಟ್ರೀಯ ತಂಡದಿಂದ ಉಡುಪುಗಳ ಕುರಿತು ಅಂತಹ ಯಾವುದೇ ಅಧಿಕೃತ ಘೋಷಣೆ ಅಸ್ತಿತ್ವದಲ್ಲಿಲ್ಲ. ಇದಲ್ಲದೆ, ಜ್ಯಾಕೆಟ್ ನೈಕಿ ಲೋಗೋವನ್ನು ಒಳಗೊಂಡಿದೆ, ಆದರೆ ಪೋರ್ಚುಗಲ್ ನೈಕಿ ಜೊತೆಗಿನ ಪಾಲುದಾರಿಕೆಯನ್ನು ಕೊನೆಗೊಳಿಸಿ ಜನವರಿ 1, 2025ರಿಂದ ಪೂಮಾದೊಂದಿಗೆ ದೀರ್ಘಾವಧಿಯ ಒಪ್ಪಂದಕ್ಕೆ ಸಹಿ ಹಾಕಿತ್ತು.
ರೇಟಿಂಗ್/Rating: ಸುಳ್ಳು
ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಚಿತ್ರಗಳನ್ನು ಹಂಚಿಕೊಂಡಿದ್ದು, ಪೋರ್ಚುಗಲ್ ರಾಷ್ಟ್ರೀಯ ಫುಟ್ಬಾಲ್ ತಂಡವು FIFA ವಿಶ್ವಕಪ್ 2026ರ ಮೊದಲು ಹೊಸ ಜ್ಯಾಕೆಟ್ಗಳನ್ನು ಬಿಡುಗಡೆ ಮಾಡಿದೆ ಎಂದು ಹೇಳಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ ‘futaspor’ ಅಂತಹ ಪೋಸ್ಟ್ ಅನ್ನು ಈ ಮುಂದಿನ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ (ಕನ್ನಡದ ಅನುವಾದ): “ಪೋರ್ಚುಗಲ್ ರಾಷ್ಟ್ರೀಯ ತಂಡವು 2026ರ ವಿಶ್ವಕಪ್ಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಪಂದ್ಯ-ಪೂರ್ವ ಜ್ಯಾಕೆಟ್ ಅನ್ನು ಪರಿಚಯಿಸಿತು.” ಪೋಸ್ಟ್ಗೆ ಎರಡು ಚಿತ್ರಗಳನ್ನು ಲಗತ್ತಿಸಲಾಗಿದೆ, ಅದರಲ್ಲಿ ಕ್ರಿಸ್ಟಿಯಾನೊ ರೊನಾಲ್ಡೊ ಮತ್ತು ಪೋರ್ಚುಗಲ್ ಆಟಗಾರರು ಹೊಸ ಜ್ಯಾಕೆಟ್ ಧರಿಸಿರುವುದನ್ನು ತೋರಿಸಲಾಗಿದೆ, ಇದು ಪ್ರಮುಖವಾಗಿ ಕಾಣುವ ನೈಕಿ ಸ್ವೂಶ್ ಲೋಗೋವನ್ನು ಹೊಂದಿದೆ. ಪೋಸ್ಟ್ ಅನ್ನು ಕೆಳಗೆ ನೋಡಿ-
ಇತರ ಬಳಕೆದಾರರು ಇದೇ ರೀತಿಯ ಪೋಸ್ಟ್ಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು
ಸತ್ಯ ಪರಿಶೀಲನೆ
ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಚಿತ್ರಗಳು AI- ರಚಿತವಾಗಿರುವಂತೆ ಕಂಡುಬರುತ್ತವೆ ಮತ್ತು ಅಂತಹ ಜ್ಯಾಕೆಟ್ ಬಗ್ಗೆ ಪೋರ್ಚುಗಲ್ ರಾಷ್ಟ್ರೀಯ ತಂಡವು ಯಾವುದೇ ಅಧಿಕೃತ ಘೋಷಣೆಯನ್ನು ಮಾಡಿಲ್ಲ. ಇದಲ್ಲದೆ, ಪೋರ್ಚುಗಲ್ ನೈಕಿ ಜೊತೆಗಿನ ತನ್ನ ದೀರ್ಘಕಾಲದ ಪಾಲುದಾರಿಕೆಯನ್ನು ಕೊನೆಗೊಳಿಸಿ ಜನವರಿ 1, 2025ರಂದು ಪೂಮಾ ಜೊತೆ ಹೊಸ ಒಪ್ಪಂದವನ್ನು ಪ್ರಾರಂಭಿಸಿದ್ದರೂ ಸಹ, ಚಿತ್ರಗಳಲ್ಲಿ ತೋರಿಸಿರುವ ಜ್ಯಾಕೆಟ್ ನೈಕಿ ಲೋಗೋವನ್ನೇ ಹೊಂದಿದೆ.
ವಿವರಗಳು:
ಈ ವಿಷಯದ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು “ಪೋರ್ಚುಗಲ್ ಫುಟ್ಬಾಲ್ ಹೊಸ ಜ್ಯಾಕೆಟ್ 2026” ಎಂಬ ಪದಗಳೊಂದಿಗೆ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ಆದರೆ, ಅಂತಹ ಸುದ್ದಿಯನ್ನು ದೃಢೀಕರಿಸುವ ಯಾವುದೇ ಸುದ್ದಿ ಮಾಧ್ಯಮಗಳು ಅಥವಾ ಪೋರ್ಚುಗಲ್ ತಂಡದ ಅಧಿಕೃತ ಪೋಸ್ಟ್ಗಳು ನಮಗೆ ಕಂಡುಬಂದಿಲ್ಲ. ಬದಲಾಗಿ, ಜೂನ್ 7, 2026ರಂದು ಪ್ರಕಟವಾದ ESPN ಲೇಖನವು ನಮ್ಮ ಕೈಸಿಕ್ಕಿತು, ಅದು FIFA ವಿಶ್ವಕಪ್ 2026ಕ್ಕಾಗಿ ಪೋರ್ಚುಗಲ್ನ ಅಧಿಕೃತ ಹೋಮ್ ಆಂಡ್ ಅವೇ ಜರ್ಸಿಯನ್ನು ಪ್ರದರ್ಶಿಸುತ್ತದೆ.
ಎರಡೂ ಜರ್ಸಿ ಸ್ಕ್ರೀನ್ಶಾಟ್ ಗಳನ್ನು ಕೆಳಗೆ ನೋಡಿ-
ಇದರ ನಂತರ, ಪೂಮಾ ಪೋರ್ಚುಗಲ್ನ ಅಧಿಕೃತ ಪಾಲುದಾರರಾಗಿದ್ದಾರೆ, ಹೇಳಿಕೆಯಲ್ಲಿ ಲೋಗೋ ಕಾಣುತ್ತಿರುವ ನೈಕಿಯಲ್ಲ ಎಂದು ನಾವು ಗಮನಿಸಿದೆವು. ಮತ್ತಷ್ಟು ಹುಡುಕಿದಾಗ, ನವೆಂಬರ್ 27, 2024ರಂದು ಪ್ರಕಟವಾದ ನ್ಯೂ ಯಾರ್ಕ್ ಟೈಮ್ಸ್ ವರದಿಯು ನಮಗೆ ದೊರಕಿತು, ಅದರಲ್ಲಿ “ಪೋರ್ಚುಗಲ್ ಫುಟ್ಬಾಲ್ ಫೆಡರೇಶನ್ (FPF) ನೈಕಿ ಜೊತೆಗಿನ ತಮ್ಮ 27 ವರ್ಷಗಳ ಪಾಲುದಾರಿಕೆಯನ್ನು ಕೊನೆಗೊಳಿಸುತ್ತಾ ಪೂಮಾ ಜೊತೆಗಿನ ಹೊಸ ದೀರ್ಘಾವಧಿಯ ಒಪ್ಪಂದಕ್ಕೆ ಸಹಿ ಹಾಕಿದೆ, ” ಎಂದು ಹೇಳಿದೆ. ಈ ಒಪ್ಪಂದವು “ಜನವರಿ 1, 2025ರಿಂದ ಜಾರಿಗೆ ಬರುತ್ತದೆ” ಮತ್ತು “ಪೂಮಾ ಪೋರ್ಚುಗಲ್ ಪುರುಷರ ಮತ್ತು ಮಹಿಳಾ ರಾಷ್ಟ್ರೀಯ ತಂಡಗಳಿಗಾಗಿ ಕಿಟ್ಗಳನ್ನು ಉತ್ಪಾದಿಸುತ್ತದೆ” ಎಂದು ಕೂಡ ವರದಿಯು ಗಮನಿಸುತ್ತದೆ.
ಕೊನೆಯದಾಗಿ, ನಾವು ಹೇಳಿಕೆಯಲ್ಲಿರುವ ಚಿತ್ರವನ್ನು ಡೌನ್ಲೋಡ್ ಮಾಡಿ, ಅದರ ಸತ್ಯಾಸತ್ಯತೆಯನ್ನು ಪರಿಶೀಲಿಸಲು ಹೈವ್ ಮಾಡರೇಶನ್ನ AI ಡಿಟೆಕ್ಟರ್ ನಲ್ಲಿ ಹಾಕಿ ನೋಡಿದೆವು. ಚಿತ್ರವನ್ನು AI ಬಳಸಿ ರಚಿಸಲಾಗಿದೆ ಮತ್ತು ಅದು ಅಧಿಕೃತವಲ್ಲ ಎಂಬುದನ್ನು ಫಲಿತಾಂಶಗಳು ಸಾಬೀತುಪಡಿಸಿವೆ. ಫಲಿತಾಂಶಗಳ ಸ್ಕ್ರೀನ್ಶಾಟ್ ಅನ್ನು ಕೆಳಗೆ ನೋಡಿ-
ಆದ್ದರಿಂದ, ಈ ಹೇಳಿಕೆ ಸುಳ್ಳು.
ಇದನ್ನೂ ಓದಿ:
ಈ ಚಿತ್ರವು ಪೋರ್ಚುಗಲ್ನ ಹೊಸ ಪೂರ್ವ-ವಿಶ್ವ ಕಪ್ 2026 ತಂಡದ ಜ್ಯಾಕೆಟ್ ಅನ್ನು ನಿಜವಾಗಿಯೂ ತೋರಿಸುತ್ತದೆಯೇ? ಸತ್ಯ ಪರಿಶೀಲನೆ added by Shwetha on
View all posts by Shwetha →