ಭಾರತದ ರಾಷ್ಟ್ರಗೀತೆಯ ಸಮಯದಲ್ಲಿ ನ್ಯೂಜಿಲೆಂಡ್ ಕ್ರಿಕೆಟಿಗ ಇಶ್ ಸೋಧಿ ಭಾವುಕರಾಗಿರುವುದನ್ನು ನಿಜವಾಗಿಯೂ ಈ ದೃಶ್ಯಗಳು ತೋರಿಸುತ್ತವೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim : ನ್ಯೂಜಿಲೆಂಡ್ ಕ್ರಿಕೆಟಿಗ ಇಶ್ ಸೋಧಿ ಐಸಿಸಿ ಟಿ20 ವಿಶ್ವಕಪ್ 2026ರ ಸಂದರ್ಭದಲ್ಲಿ ಭಾರತದ ರಾಷ್ಟ್ರಗೀತೆಯ ಸಮಯದಲ್ಲಿ ಭಾವುಕರಾದರು.

ಕಡೆನುಡಿ/Conclusion : ಹೇಳಿಕೆ ಸುಳ್ಳು. ಈ ಕ್ಷಣವು ಭಾರತೀಯ ಗೀತೆಯ ಸಮಯದಲ್ಲಿಯೂ ಅಲ್ಲ, ಮಾರ್ಚ್ 8, 2026 ರ ಟಿ20 ವಿಶ್ವಕಪ್ ಫೈನಲ್ ಪಂದ್ಯದ ಸಮಯವೂ ಅಲ್ಲ. ಈ ಕ್ಲಿಪ್ ಫೆಬ್ರವರಿ 14 ರಂದು ನ್ಯೂಜಿಲೆಂಡ್ ವಿರುದ್ಧ ದಕ್ಷಿಣ ಆಫ್ರಿಕಾ ಟಿ20 ವಿಶ್ವಕಪ್ ಪಂದ್ಯಕ್ಕೆ ಸಂಬಂಧಿಸಿದ್ದು, ಆಗ ನ್ಯೂಜಿಲೆಂಡ್ ಗೀತೆಯ ಸಮಯದಲ್ಲಿ ಸೋಧಿ ಭಾವುಕರಾಗಿದ್ದರು.

ರೇಟಿಂಗ್/Rating : ಸುಳ್ಳು

******************************************************

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************

ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಇಶ್ ಸೋಧಿ ಅಳುತ್ತಿರುವ ಕ್ಲಿಪ್ ಅನ್ನು ಹಂಚಿಕೊಂಡಿದ್ದಾರೆ, ಈ ಕ್ಷಣ ಭಾರತದ ರಾಷ್ಟ್ರಗೀತೆಯ ಸಮಯದಲ್ಲಿ ನಡೆದಂಥದ್ದು ಎಂದು ಹೇಳಿಕೊಂಡಿದ್ದಾರೆ. ಇನ್‌ಸ್ಟಾಗ್ರಾಮ್ ಬಳಕೆದಾರ ‘ludhianadiariesofficial’ ಅಂತಹ ಒಂದು ಪೋಸ್ಟ್ ಅನ್ನು ಈ ಮುಂದಿನ ಶೀರ್ಷಿಕೆಯ ಭಾಗದೊಂದಿಗೆ ಹಂಚಿಕೊಂಡಿದ್ದಾರೆ: “ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಐಸಿಸಿ ಪುರುಷರ ಟಿ20 ವಿಶ್ವಕಪ್‌ಗೆ ಮುಂಚಿತವಾಗಿ ಭಾರತದ ರಾಷ್ಟ್ರಗೀತೆಯ ಸಮಯದಲ್ಲಿ ಲುಧಿಯಾನ ಮೂಲದ ನ್ಯೂಜಿಲೆಂಡ್ ಕ್ರಿಕೆಟಿಗ ಇಶ್ ಸೋಧಿ ಭಾವುಕರಾಗುತ್ತಿರುವುದು ಕಂಡುಬಂತು.” ಪೋಸ್ಟ್ ಅನ್ನು ಕೆಳಗೆ ನೋಡಿ-

ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ವಿಭಿನ್ನ ಹಿನ್ನೆಲೆ ಆಡಿಯೋದೊಂದಿಗೆ ಕಾಣಬಹುದು.

Bro mirgated to New Zealand to become a cricketer, now he is the cricketer of kiwis but playing against his nation India, made him cry on the national anthem. 💔pic.twitter.com/XQojhJMgqk

— ` (@wokenupkohli) March 8, 2026

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಈ ಕ್ಲಿಪ್ ಮಾರ್ಚ್ 8, 2026ರ ಟಿ20 ಕ್ರಿಕೆಟ್ ಫೈನಲ್ ಪಂದ್ಯದ್ದಲ್ಲ ಮತ್ತು ಇದಕ್ಕೂ ಭಾರತೀಯ ರಾಷ್ಟ್ರಗೀತೆಗೂ ಯಾವುದೇ ಸಂಬಂಧವಿಲ್ಲ. ಇದು ಫೆಬ್ರವರಿ 14, 2026ರಂದು ನಡೆದ ನ್ಯೂಜಿಲೆಂಡ್ ವಿರುದ್ಧ ದಕ್ಷಿಣ ಆಫ್ರಿಕಾ ಪಂದ್ಯದಲ್ಲಿ ನಡೆದ ಘಟನೆಗೆ ಸಂಬಂಧಿಸಿದ್ದು, ಅಲ್ಲಿ ನ್ಯೂಜಿಲೆಂಡ್‌ನ ರಾಷ್ಟ್ರಗೀತೆಯ ಸಮಯದಲ್ಲಿ ಇಶ್ ಸೋಧಿ ಭಾವುಕರಾಗಿರುವುದು ಕಂಡುಬಂತು.

ಇಶ್ ಸೋಧಿ ಆಡಿದ್ದಾರೋ ಇಲ್ಲವೋ ಎಂದು ಪರಿಶೀಲಿಸಲು ನಾವು ಮೊದಲು “ಭಾರತ ವಿರುದ್ಧ ನ್ಯೂಜಿಲೆಂಡ್ ಆಟಗಾರರ ತಂಡ” ಎಂಬ ಪದಗಳೊಂದಿಗೆ ಅಂತರ್ಜಾಲದ ಹುಡುಕಾಟವನ್ನು ನಡೆಸಿದೆವು. ಕ್ರಿಕ್‌ಬಜ್‌ನಲ್ಲಿ ಪ್ರಕಟವಾದ ಅಧಿಕೃತ ‘ಪ್ಲೇಯಿಂಗ್ XI’ ಪ್ರಕಾರ, ಮುಖ್ಯ ತಂಡದಲ್ಲಿ ಇಶ್ ಸೋಧಿ ಬಗ್ಗೆ ನಮಗೆ ಯಾವುದೇ ಉಲ್ಲೇಖಗಳು ಕಂಡುಬಂದಿಲ್ಲ. ಬದಲಾಗಿ, ಆತನ ಹೆಸರನ್ನು ‘ಬೆಂಚ್’ ವಿಭಾಗದಡಿಯಲ್ಲಿ ಹಾಕಲಾಗಿತ್ತು, ಆತ ಫೈನಲ್‌ನಲ್ಲಿ ಆಡಿಲ್ಲ ಎಂಬುದನ್ನು ಇದು ಸೂಚಿಸುತ್ತದೆ. ಸ್ಕ್ರೀನ್‌ಶಾಟ್ ಕೆಳಗೆ ವೀಕ್ಷಿಸಿ –

ನಂತರ, ಆ ಕ್ಷಣದ ನೈಜ ಸಂದರ್ಭದ ಬಗ್ಗೆ ತಿಳಿಯಲು ನಾವು ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ವಿವಿಧ ಫಲಿತಾಂಶಗಳನ್ನು ಪರಿಶೀಲಿಸಿದ ನಂತರ, ಒಂದು ಪೋಸ್ಟ್‌ನಲ್ಲಿ ಇದು ಫೆಬ್ರವರಿ 14, 2026 ರಂದು ನಡೆದ ನ್ಯೂಜಿಲೆಂಡ್ ವಿರುದ್ಧ ದಕ್ಷಿಣ ಆಫ್ರಿಕಾ ಪಂದ್ಯದ ಸಮಯದಲ್ಲಿ ನಡೆದದ್ದು ಎಂದು ಉಲ್ಲೇಖಿಸಿರುವುದು ಕಂಡುಬಂತು. ಜಿಯೋಹಾಟ್‌ಸ್ಟಾರ್‌ನಲ್ಲಿ ನ್ಯೂಜಿಲೆಂಡ್ vs ದಕ್ಷಿಣ ಆಫ್ರಿಕಾದ ಅಧಿಕೃತ ರೀಪ್ಲೇ (ಫೆಬ್ರವರಿ 14, 2026 ರಿಂದ) ಪರಿಶೀಲಿಸುವ ಮೂಲಕ ನಾವು ಇದನ್ನು ದೃಢಪಡಿಸಿಕೊಂಡೆವು. (06.23 ಸಮಯಮುದ್ರೆ). ಸ್ಕ್ರೀನ್‌ಶಾಟ್ ಅನ್ನು ಕೆಳಗೆ ವೀಕ್ಷಿಸಿ –

ಆದ್ದರಿಂದ ಫೆಬ್ರವರಿ 14, 2026ರಂದು ದಕ್ಷಿಣ ಆಫ್ರಿಕಾ ವಿರುದ್ಧದ ಹಿಂದಿನ ಗುಂಪು ಹಂತದ ಪಂದ್ಯದಲ್ಲಿ ನ್ಯೂಜಿಲೆಂಡ್ ರಾಷ್ಟ್ರಗೀತೆಯ ಸಮಯದಲ್ಲಿ ಇಶ್ ಸೋಧಿ ಭಾವುಕರಾದರು ಎಂದು ದೃಶ್ಯಗಳು ತೋರಿಸುತ್ತವೆ. ರೀಪ್ಲೇಯಲ್ಲಿ, ಭಾರತದ ರಾಷ್ಟ್ರಗೀತೆಯನ್ನಲ್ಲ, ನ್ಯೂಜಿಲೆಂಡ್‌ನ ರಾಷ್ಟ್ರಗೀತೆಯನ್ನು ಸ್ಪಷ್ಟವಾಗಿ ಕೇಳಬಹುದು.

ಆದ್ದರಿಂದ, ಹೇಳಿಕೆ ಸುಳ್ಳು.

****************************************************************************************

ಇದನ್ನೂ ಓದಿ:

ಈ ಚಿತ್ರದಲ್ಲಿ ನಿಜವಾಗಿಯೂ ಅಲಾಸ್ಕಾದ ಆಗಸದಲ್ಲಿ ಬಿಳಿ ಔರೋರಾಗಳನ್ನು (ನಾರ್ದರ್ನ್ ಲೈಟ್ಸ್) ತೋರಿಸಲಾಗಿದೆಯೇ? ಸತ್ಯ ಪರಿಶೀಲನೆ

ನೈಜೀರಿಯಾದ ಎಲ್ಲಾ ಜಾಹೀರಾತುಗಳಲ್ಲಿ ಬಿಳಿಯರು ಮತ್ತು ಬ್ರಿಟಿಷ್ ಮಾಡೆಲ್ ಗಳನ್ನು ನಿಷೇಧಿಸಲಾಗಿದೆಯೇ? ಸತ್ಯ ಪರಿಶೀಲನೆ

  fact check in kannada, fact checking in kannada, fake news, Indian national anthem, Ish Sodhi, kannada fact check, Kannada fake news, kannada false claim, national anthem, new zealand, NZ vs SA, T20 World Cup