ತಮ್ಮ ನಾಗರಿಕರಲ್ಲಿ ಐಡಿ ಕಾರ್ಡ್‌ಗಳು ಮತ್ತು ವಾಲೆಟ್‌ಗಳನ್ನು ಬದಲಾಯಿಸಲು ಸ್ವೀಡನ್ ನಿಜವಾಗಿಯೂ ಮೈಕ್ರೋಚಿಪ್‌ಗಳನ್ನು ಅಳವಡಿಸಿದೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ಐಡಿಗಳು, ಕ್ರೆಡಿಟ್ ಕಾರ್ಡ್‌ಗಳು, ಕೀಗಳು ಮತ್ತು ವಾಲೆಟ್‌ಗಳನ್ನು ಬದಲಾಯಿಸುವ ಸಲುವಾಗಿ ಸ್ವೀಡನ್ ಸಾವಿರಾರು ಜನರಲ್ಲಿ ಮೈಕ್ರೋಚಿಪ್‌ಗಳನ್ನು ಅಳವಡಿಸುತ್ತಿದೆ.

ಕಡೆನುಡಿ/Conclusion: ಹೇಳಿಕೆ ದಾರಿತಪ್ಪಿಸುವಂತಿದೆ. 2015ರಲ್ಲಿ ಮೊದಲು ಪ್ರಾರಂಭವಾದಾಗಿನಿಂದ 3,000ಕ್ಕೂ ಹೆಚ್ಚು ಸ್ವೀಡನ್ನರು ಸ್ವಯಂಪ್ರೇರಣೆಯಿಂದ ಮೈಕ್ರೋಚಿಪ್ ಇಂಪ್ಲಾಂಟ್‌ಗಳನ್ನು ಪಡೆದಿದ್ದಾರೆ. ಆದರೆ, ಸ್ವೀಡಿಷ್ ಸರ್ಕಾರವು ಅವುಗಳನ್ನು ಅಳವಡಿಸುವುದಿಲ್ಲ ಅಥವಾ ಕಡ್ಡಾಯಗೊಳಿಸುವುದಿಲ್ಲ, ಬದಲಿಗೆ ಹಾಗೆ ಮಾಡುವುದು ಖಾಸಗಿ ಬಯೋಹ್ಯಾಕಿಂಗ್ ಕಂಪನಿಗಳು.

ರೇಟಿಂಗ್/Rating: ದಾರಿತಪ್ಪಿಸುವಂತಿದೆ

******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.

******************************************************

ಸ್ವೀಡನ್ ತನ್ನ ನಾಗರಿಕರ ಕೈಯಲ್ಲಿ ಮೈಕ್ರೋಚಿಪ್‌ಗಳನ್ನು ಅಳವಡಿಸಲು ಪ್ರಾರಂಭಿಸಿದೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ, ‘BGatesIsaPyscho’ ಅಂತಹ ಫೋಟೋವನ್ನು “ಹೀಗೆ ಶುರುವಾಯಿತು” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ಫೋಟೋದ ಮೇಲೆ ಹಾಕಲಾದ ಪಠ್ಯ ಹೀಗಿದೆ: “ಐಡಿಗಳು, ಕ್ರೆಡಿಟ್ ಕಾರ್ಡ್‌ಗಳು, ಕೀಗಳು ಮತ್ತು ವಾಲೆಟ್‌ಗಳನ್ನು ಬದಲಾಯಿಸುವ ಸಲುವಾಗಿ ಸ್ವೀಡನ್ ಸಾವಿರಾರು ಜನರಲ್ಲಿ ಮೈಕ್ರೋಚಿಪ್‌ಗಳನ್ನು ಅಳವಡಿಸಿದೆ.” ಈ ಪೋಸ್ಟ್ ಗೆ 2.8 ಮಿಲಿಯಕ್ಕಿಂತಲೂ ಹೆಚ್ಚು ವೀಕ್ಷಣೆಗಳು ದೊರಕಿವೆ ಮತ್ತು ಅದನ್ನು ಕೆಳಗೆ ನೋಡಬಹುದು.

And so it begins. pic.twitter.com/DTfRAVCr9M

— Concerned Citizen (@BGatesIsaPyscho) May 3, 2026

ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ. ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.

Sweden just implanted microchips into 5000 people’s hands.

No more wallet, keys, or ID needed.

This is the full story: pic.twitter.com/ozqzhWAghg

— Uncover AI (@uncover_ai) May 9, 2026

ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ದಾರಿತಪ್ಪಿಸುವಂತಿದೆ ಎಂದು ಕಂಡುಕೊಂಡಿತು. 2015ರಲ್ಲಿ ತಂತ್ರಜ್ಞಾನವನ್ನು ಪರಿಚಯಿಸಿದಾಗಿನಿಂದ, ಸ್ವೀಡನ್‌ನಲ್ಲಿ 3,000ಕ್ಕೂ ಹೆಚ್ಚು ಜನರು ಪಾವತಿಗಳು, ತುರ್ತು ಸಂಪರ್ಕ ವಿವರಗಳು ಮತ್ತು ಪ್ರವೇಶದಂತಹ ಅನುಕೂಲಕ್ಕಾಗಿ ಸ್ವಯಂಪ್ರೇರಣೆಯಿಂದ ಮೈಕ್ರೋಚಿಪ್ ಇಂಪ್ಲಾಂಟ್‌ಗಳನ್ನು ಪಡೆಯಲು ಆಯ್ಕೆ ಮಾಡಿಕೊಂಡಿದ್ದಾರೆ. ಆದರೆ, ಈ ಇಂಪ್ಲಾಂಟ್‌ಗಳನ್ನು ಸ್ವೀಡಿಷ್ ಸರ್ಕಾರವು ನಿರ್ವಹಿಸುವುದಿಲ್ಲ ಅಥವಾ ಕಡ್ಡಾಯವಾಗಿಸಿಲ್ಲ, ಬದಲಿಗೆ ಅವುಗಳನ್ನು ಖಾಸಗಿ ಬಯೋಹ್ಯಾಕಿಂಗ್ ಕಂಪನಿಗಳು ನೀಡಲಾಗುತ್ತದೆ.

ವಿವರಗಳು:

ಈ ವಿಷಯದ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು “ನಾಗರಿಕರಲ್ಲಿ ಸ್ವೀಡನ್ ಮೈಕ್ರೋಚಿಪ್‌ಗಳನ್ನು ಅಳವಡಿಸುತ್ತದೆ” ಎಂಬ ಪದಗಳನ್ನು ಬಳಸಿ ಅಂತರ್ಜಾಲದ ಹುಡುಕಾಟವನ್ನು ನಡೆಸಿದೆವು. ಹುಡುಕಾಟದಲ್ಲಿ ನಮಗೆ NPR ವರದಿ ದೊರಕಿತು, “ಸಾವಿರಾರು ಜನರ ಕೈಗಳಲ್ಲಿ ಮೈಕ್ರೋಚಿಪ್‌ಗಳನ್ನು ಸೇರಿಸಲಾಗಿದೆ” ಎಂದು ಅದು ಹೇಳುತ್ತದೆ. ವರದಿಯು “4,000ಕ್ಕೂ ಹೆಚ್ಚು ಸ್ವೀಡನ್ನರು ಈ ತಂತ್ರಜ್ಞಾನವನ್ನು ಅಳವಡಿಸಿಕೊಂಡಿದ್ದಾರೆ, ಬಯೋಹ್ಯಾಕ್ಸ್ ಇಂಟರ್ನ್ಯಾಷನಲ್ ಎಂಬ ಒಂದು ಕಂಪನಿ ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಹೊಂದಿದೆ” ಎಂದು ಉಲ್ಲೇಖಿಸುತ್ತದೆ.

ಆದರೆ, ವೈರಲ್ ಪೋಸ್ಟ್ ಸೂಚಿಸುವಂತೆ ಇದನ್ನು ಸ್ವೀಡನ್ ಸರ್ಕಾರವು ಕಾರ್ಯಗತಗೊಳಿಸಿಲ್ಲ ಅಥವಾ ಸರ್ಕಾರಿ ಕಾರ್ಯಕ್ರಮವಾಗಿ ಪರಿಚಯಿಸಿಲ್ಲ. NPR ವರದಿಯು “ಚಿಪ್ಪಿಂಗ್ ಸಂಸ್ಥೆಯನ್ನು ಐದು ವರ್ಷಗಳ ಹಿಂದೆ ಮಾಜಿ ವೃತ್ತಿಪರ ಬಾಡಿ ಪಿಯರ್ಸರ್ ಜೋವನ್ ಓಸ್ಟರ್ಲಂಡ್ ಪ್ರಾರಂಭಿಸಿದ್ದರು” ಎಂದು ಸ್ಪಷ್ಟವಾಗಿ ಹೇಳುತ್ತದೆ. “ಚಿಪ್ ಅನ್ನು ಬಳಸುವುದು ಎಂದರೆ ನೀವು ಪ್ರತಿದಿನ ವಾಸಿಸುವ ಹೈಪರ್-ಸಂಪರ್ಕಿತ ಪರಿಸರವನ್ನು ಸುವ್ಯವಸ್ಥಿತಗೊಳಿಸಬಹುದು” ಎಂಸೂ ಸಹ ಓಸ್ಟರ್ಲಂಡ್ ಹೇಳಿದರು. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಬಹುದು –

2015ರಲ್ಲಿ ಮೊದಲು ಪರಿಚಯಿಸಲಾದ ನಂತರ ಸುಮಾರು “ಸಾವಿರಾರು ಸ್ವೀಡನ್ನರು ಮೈಕ್ರೋಚಿಪ್ ಅನ್ನು ಹಾಕಿಕೊಂಡಿದ್ದಾರೆ” ಎಂದು ವಿಶ್ವ ಆರ್ಥಿಕ ವೇದಿಕೆಯ ಮತ್ತೊಂದು ವರದಿ ಹೇಳುತ್ತದೆ. ಸ್ವೀಡನ್‌ನ ಸರ್ಕಾರಿ ಸ್ವಾಮ್ಯದ ರೈಲ್ವೆ ಕಂಪನಿ SJಯು, “ರೈಲಿನಲ್ಲಿರುವಾಗ ರೈಲು ಶುಲ್ಕವನ್ನು ಸಂಗ್ರಹಿಸಲು ಬಯೋಮೆಟ್ರಿಕ್ ಚಿಪ್‌ಗಳೊಂದಿಗೆ ಪ್ರಯಾಣಿಕರ ಕೈಗಳನ್ನು ಸ್ಕ್ಯಾನ್ ಮಾಡಲು ಪ್ರಾರಂಭಿಸಿತು” ಎಂದು ವರದಿ ಹೇಳುತ್ತದೆ.

ಸ್ವೀಡಿಷ್ ಬಯೋಹ್ಯಾಕಿಂಗ್ ಗುಂಪು ಬಯೋನಿಫೈಕೆನ್ “ಇಂಪ್ಲಾಂಟ್ ಪಾರ್ಟಿಗಳನ್ನು” ಆಯೋಜಿಸಿದೆ ಮತ್ತು ಯುನೈಟೆಡ್ ಸ್ಟೇಟ್ಸ್‌ನ ತ್ರೀ ಸ್ಕ್ವೇರ್ ಮಾರ್ಕೆಟ್‌ನ ಉದ್ಯೋಗಿಗಳು ತಿಂಡಿಗಳನ್ನು ಖರೀದಿಸುವುದು, ಕಂಪ್ಯೂಟರ್‌ಗಳಿಗೆ ಲಾಗಿನ್ ಆಗುವುದು ಮತ್ತು ಕಚೇರಿ ಉಪಕರಣಗಳನ್ನು ಬಳಸುವಂತಹ ಕಾರ್ಯಗಳಿಗಾಗಿ ಚಿಪ್‌ಗಳನ್ನು ಸ್ವಯಂಪ್ರೇರಣೆಯಿಂದ ಬಳಸಿದ್ದಾರೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಆದರೆ, ಸ್ವೀಡಿಷ್ ಸರ್ಕಾರವು ನಾಗರಿಕರಲ್ಲಿ ಮೈಕ್ರೋಚಿಪ್‌ಗಳನ್ನು ಅಳವಡಿಸುತ್ತಿದೆ ಎಂಬುದಕ್ಕೆ ವರದಿಯಲ್ಲಿ ಯಾವುದೇ ಪುರಾವೆಗಳಿಲ್ಲ. ಕೆಳಗಿನ ವರದಿಯ ಒಂದು ಭಾಗವನ್ನು ಇಲ್ಲಿ ನೋಡಿ-

‘ದ ಕಾನ್ವರ್ಸೇಷನ್’ ಕೂಡ ತಮ್ಮ ವರದಿಯಲ್ಲಿ ಈ ಬಗ್ಗೆ ಬರೆದಿದ್ದು, “ಹಲವು ಜನರಿಗೆ, ತಮ್ಮ ದೇಹದಲ್ಲಿ ಮೈಕ್ರೋಚಿಪ್ ಅನ್ನು ಹೊತ್ತೊಯ್ಯುವ ವಿಷಯವು ಪ್ರಾಯೋಗಿಕಕ್ಕಿಂತ ಹೆಚ್ಚು ಕಾಲ್ಪನಿಕ ಜಗತ್ತಿನ ವಿಷಯವೆಂದು ತೋರುತ್ತದೆ” ಎಂದು ಹೇಳಿದೆ. ಅವರು ಡೆಜೀನ್ ಅವರ “ಸ್ವೀಡಿಷ್ ರೈಲು ಕಂಪನಿಯು ಕಾಗದದ ಟಿಕೆಟ್‌ಗಳ ಬದಲಿಗೆ ಎಂಬೆಡೆಡ್ ಮೈಕ್ರೋಚಿಪ್‌ಗಳನ್ನು ಬಳಸುತ್ತದೆ” ಎಂಬ ಶೀರ್ಷಿಕೆಯ ಯೂಟ್ಯೂಬ್ ವೀಡಿಯೊವನ್ನು ಎಂಬೆಡ್ ಮಾಡಿದ್ದಾರೆ. ಮೈಕ್ರೋಚಿಪ್‌ಗಳನ್ನು ಓದುವ ಈ ತಂತ್ರಜ್ಞಾನವನ್ನು ರೈಲ್ವೆ ಕಂಪನಿ SJ ಅಳವಡಿಸಿಕೊಂಡಿರುವುದನ್ನು ವೀಡಿಯೊ ತೋರಿಸುತ್ತದೆ.

ಆದಾಗ್ಯೂ, ವರದಿಯಲ್ಲಿ ಸರ್ಕಾರಿ ಕಾರ್ಯಕ್ರಮ ಅಥವಾ ನಾಗರಿಕರ ಮೇಲೆ ಪೂರ್ಣ ಪ್ರಮಾಣದ ಅನುಷ್ಠಾನದ ಬಗ್ಗೆ ಏನನ್ನೂ ಉಲ್ಲೇಖಿಸಲಾಗಿಲ್ಲ.

ಆದ್ದರಿಂದ, ಹೇಳಿಕೆ ದಾರಿ ತಪ್ಪಿಸುವಂತಿದೆ.

ಇದನ್ನೂ ಓದಿ:

ಅಗ್ನಿ-6 ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಗೋಮೂತ್ರದಿಂದ ತೊಳೆಯಲಾಗುತ್ತಿದೆ ಎಂದು DRDO ಅಧ್ಯಕ್ಷರು ನಿಜವಾಗಿಯೂ ಹೇಳಿದರೇ? ಸತ್ಯ ಪರಿಶೀಲನೆ

  biohacking, fact check in kannada, fact checking in kannada, fake news, kannada fact check, Kannada fake news, kannada false claim, microchips in humans, microchips in humans hands, Sweden, Sweden microchips