ಹೇಳಿಕೆ/Claim: ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿನ ಮೇಲೆ ಪ್ರತಿಭಟನಾಕಾರರು ಕಲ್ಲು ತೂರಾಟ ನಡೆಸುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ ಎನ್ನಲಾಗಿದೆ.
ಕಡೆನುಡಿ/Conclusion: ಈ ಹೇಳಿಕೆ ಸುಳ್ಳು. ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲು ದಾಳಿಗೆ ಒಳಗಾಗುತ್ತಿರುವುದನ್ನು ವೀಡಿಯೊ ತೋರಿಸುವುದಿಲ್ಲ. ಬದಲಾಗಿ, ಇದು ತಪ್ಪಾಗಿ ನಿರೂಪಿಸಲಾದ ಒಂದು ಹಳೆಯ ಕ್ಲಿಪ್ ಆಗಿದೆ. ದೃಶ್ಯಾವಳಿಯಲ್ಲಿ ಕಂಡುಬರುವ ರೈಲು WAG-12 ಎಲೆಕ್ಟ್ರಿಕ್ ಲೋಕೋಮೋಟಿವ್ನಿಂದ ಎಳೆಯಲ್ಪಡುವ ಬೇರೊಂದು ಸೇವೆಯ ರೈಲು ಎಂದು ಉತ್ತರ ರೈಲ್ವೆ ದೃಢಪಡಿಸಿದೆ.
ರೇಟಿಂಗ್/Rating: ಸುಳ್ಳು 
******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.
ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************
ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿನ ಮೇಲೆ ಪ್ರತಿಭಟನಾಕಾರರು ಕಲ್ಲು ತೂರಾಟ ನಡೆಸುತ್ತಿದ್ದರು ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ ‘MrTiwaree’ ಅಂತಹ ಪೋಸ್ಟ್ ಅನ್ನು ಈ ಮುಂದಿನ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ: “ಆಘಾತಕಾರಿ ವೀಡಿಯೊ: ಮೊದಲ ಹೈಡ್ರೋಜನ್ ರೈಲಿಗೆ 3ನೇ ದಿನದಂದು ‘ಶಿಕ್ಷಣ ಯೋಧರು’ ಕಲ್ಲೆಸೆದರು. ಇವರು ಪ್ರತಿಭಟನಾಕಾರರಲ್ಲ, 21ನೇ ಶತಮಾನದ ಭಾರತವನ್ನು ಅಕ್ಷರಶಃ ಶಿಲಾಯುಗಕ್ಕೆ ಎಳೆದೊಯ್ಯಲು ಪ್ರಯತ್ನಿಸುತ್ತಿರುವ ವಿಕಸನ ತಿರಸ್ಕೃತರು. ರೈಲ್ವೆ ಇಲಾಖೆಯು ಹಾನಿಯ ಶುಲ್ಕವನ್ನು ಅವರ ಕಾಲೇಜುಗಳಿಗೆ ವಿಧಿಸಬೇಕು, ನಿರಾಶಾದಾಯಕವಿದು.” ಇದು ಜನನಿಬಿಡ ನಿಲ್ದಾಣದ ಪ್ಲಾಟ್ಫಾರ್ಮ್ನ 36 ಕ್ಷಣಗಳ ರಾತ್ರಿಯ ವೀಡಿಯೊವನ್ನು ಒಳಗೊಂಡಿದೆ, ಆ ವೀಡಿಯೊದಲ್ಲಿ ಜನರು ರೈಲಿನ ಮೇಲೆ ಕಲ್ಲು ಎಸೆಯುತ್ತಿರುವಂತೆ ಕಾಣುತ್ತದೆ. ಪೋಸ್ಟ್ ಅನ್ನು ಕೆಳಗೆ ನೋಡಿ-
🚨 Shocking Video: First Hydrogen train gets stoned by ‘education warriors’ on day 3.
These aren’t protesters, they’re evolutionary rejects trying to drag 21st century India back to the stone age literally.
Railways should bill their colleges for damages, Pathetic. pic.twitter.com/JWQKzxKXDg
— Mr Tiwaree 💀 (@MrTiwaree) July 20, 2026
ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.
अरे तुम्हारे दुश्मनी मोदी से है या देश से… वंदे भारत के बाद अब नई हाईड्रोजन ट्रेन निशाने पर… काकरोचो द्वारा जंतर मंतर दिल्ली आते समय स्टेशन पर खडी हाईड्रोजन ट्रेन पर पथराव…
अरे आपको सरकार का विरोध करना है करो लेकिन देश की संपत्ति को नुक़सान तो मत पहुँचाओ इस विडियो में जितने… pic.twitter.com/UYNvyJiqm3— Janardan Mishra (@janardanmis) July 20, 2026
ಹಿನ್ನೆಲೆ ಏನೇಂದರೆ, ಈ ಬಳಕೆದಾರರು ಇತ್ತೀಚೆಗೆ ಜುಲೈ 20, 2026ರಂದು ದೆಹಲಿಯಲ್ಲಿ ಕಾಕ್ರೋಚ್ ಜನತಾ ಪಕ್ಷ (CJP) ನಡೆಸಿದ ಚಲೋ ಸಂಸದ್ ಮೆರವಣಿಗೆಯ ಪ್ರತಿಭಟನಾಕಾರರನ್ನು ಉಲ್ಲೇಖಿಸುತ್ತಿದ್ದಾರೆ.
ಸತ್ಯ ಪರಿಶೀಲನೆ
ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ವೈರಲ್ ಆಗಿರುವ ಈ ದೃಶ್ಯವು ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿನ ಮೇಲಿನ ದಾಳಿಯದ್ದಲ್ಲ. ಇದು ಹಳೆಯ ವೀಡಿಯೊವಾಗಿದ್ದು, ಅದನ್ನು ಜನರನ್ನು ತಪ್ಪುದಾರಿಗೆಳೆಯುವ ಹೇಳಿಕೆಯೊಂದಿಗೆ ಹಂಚಿಕೊಳ್ಳಲಾಗಿದೆ. ಉತ್ತರ ರೈಲ್ವೆಯ ಪ್ರಕಾರ, ಕ್ಲಿಪ್ನಲ್ಲಿರುವ ರೈಲು WAG-12 ಎಲೆಕ್ಟ್ರಿಕ್ ಲೋಕೋಮೋಟಿವ್ ಬಳಸಿ ಕಾರ್ಯನಿರ್ವಹಿಸುವ ವಿಭಿನ್ನ ಸೇವೆಯದ್ದಾಗಿದೆ.
ವಿವರಗಳು:
ವೀಡಿಯೊದ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು ಅದರ ವಿವಿಧ ಕೀಫ್ರೇಮ್ಗಳನ್ನು ಬಳಸಿ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ನಮಗೆ ನಿಖರವಾದ ಫಲಿತಾಂಶ ಸಿಗದಿದ್ದರೂ, ಹುಡುಕಾಟದ ಫಲಿತಾಂಶಗಳಲ್ಲಿ ನಮಗೆ ಜೂನ್ 14, 2026ರಂದು ಅಪ್ಲೋಡ್ ಮಾಡಲಾದ ಇದೇ ರೀತಿಯ ಇನ್ಸ್ಟಾಗ್ರಾಮ್ ವೀಡಿಯೊ ದೊರಕಿತು. ನಮಗೆ ದೊರಕಿದ ಈ ವೀಡಿಯೊದಲ್ಲಿ “ಬಿಹಾರದಲ್ಲಿ ವರದಿಯಾದ, ಪೊಲೀಸ್ ಮತ್ತು ರೈಲು ಕಾರ್ಯಾಚರಣೆಗಳ ಮೇಲೆ ಪರಿಣಾಮ ಬೀರಿದ” ಕಲ್ಲು ತೂರಾಟದ ಘಟನೆಯನ್ನು ತೋರಿಸಲಾಗಿದ್ದು, ಡಿಜಿಟೈ ಇಂಡಿಯಾ ಪ್ಲಾಟ್ಫಾರ್ಮ್ನಲ್ಲಿ ಹೋಲಿಕೆಗಳನ್ನು ಗಮನಿಸಿತು.
ರೈಲು ಪ್ಲಾಟ್ಫಾರ್ಮ್ನ ಹೋಲಿಕೆಗಳನ್ನು ನೋಡಲು ಇದನ್ನು ಗಮನಿಸಿ-
ಜೂನ್ 14, 2026ರಂದು ರಿಪಬ್ಲಿಕ್ ವರ್ಲ್ಡ್ ಅಪ್ಲೋಡ್ ಮಾಡಿದ ಯೂಟ್ಯೂಬ್ ಕಿರುಚಿತ್ರವನ್ನು ಸಹ ನಾವು ಗಮನಿಸಿದೆವು, ಅದರ ಶೀರ್ಷಿಕೆ ಹೀಗಿದೆ: “ಬ್ರೇಕಿಂಗ್: ರೈಲು ವಿಳಂಬದ ವಿರುದ್ಧ ವಿದ್ಯಾರ್ಥಿಗಳ ಪ್ರತಿಭಟನೆ, ಪೊಲೀಸರೊಂದಿಗೆ ಘರ್ಷಣೆ | ಪಾಟ್ನಾ | ಬಿಹಾರ”. ಬಿಹಾರದ ಪಾಟ್ನಾದಲ್ಲಿ ವಿದ್ಯಾರ್ಥಿಗಳು ಭಾರಿ ರೈಲು ವಿಳಂಬದ ವಿರುದ್ಧ ಬಲವಾದ ಪ್ರತಿಭಟನೆ ನಡೆಸಿದಾಗ ಉದ್ವಿಗ್ನತೆ ಭುಗಿಲೆದ್ದಿತು ಎಂಬುದನ್ನು ವಿವರಣೆಯು ತಿಳಿಸುತ್ತದೆ. ಪ್ರತಿಭಟನಾಕಾರರು ಪೊಲೀಸ್ ಪಡೆಗಳೊಂದಿಗೆ ಘರ್ಷಣೆಗಿಳಿದಾಗ ಪರಿಸ್ಥಿತಿ ಹದಗೆಟ್ಟಿತು. ಪ್ಲಾಟ್ಫಾರ್ಮ್ನಲ್ಲಿ ಹಲವಾರು ಹೋಲಿಕೆಗಳಿದ್ದುದರಿಂದ, ಇದು ಬೇರೊಂದು ಕೋನದಿಂದ ತೆಗೆದ ಅದೇ ವೀಡಿಯೊ ಎಂದು ಡಿಜಿಟೈ ಇಂಡಿಯಾ ಗುರುತಿಸಿತು. ಸ್ಕ್ರೀನ್ಶಾಟ್ ಅನ್ನು ಕೆಳಗೆ ನೋಡಿ. –
ನಂತರ, ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿನ ಮೇಲೆ ಪ್ರತಿಭಟನಾಕಾರರು ಕಲ್ಲು ಎಸೆದಿರುವ ಬಗ್ಗೆ ಇತ್ತೀಚಿನ ವರದಿಗಳನ್ನು ನಾವು ಹುಡುಕಿದೆವು, ಆದರೆ ಯಾವುದೇ ವಿಶ್ವಾಸಾರ್ಹ ವರದಿಗಳು ಸಿಗಲಿಲ್ಲ. TOI ವರದಿಯ ಪ್ರಕಾರ, ಪ್ರಧಾನಿ ನರೇಂದ್ರ ಮೋದಿಯವರು ಜುಲೈ 17, 2026ರಂದು ಶುಕ್ರವಾರ, ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿಗೆ ಹಸಿರು ನಿಶಾನೆ ತೋರಿದರು. “ರೈಲು ಉತ್ತರ ರೈಲ್ವೆಯ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತದೆ ಮತ್ತು ಅದರ ಪ್ರಾಥಮಿಕ ನಿರ್ವಹಣೆ ಜಿಂದ್ ನಗರದಲ್ಲಿರುತ್ತದೆ” ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.
ಉತ್ತರ ರೈಲ್ವೆ ತಮ್ಮ X ಖಾತೆಯಲ್ಲಿ ಈ ಹೇಳಿಕೆಯನ್ನು ಅಲ್ಲಗಳೆದು ಈ ಮುಂದಿನ ವಿವರ ನೀಡಿದೆ (ಕನ್ನಡದ ಅನುವಾದ): “ವೀಡಿಯೊದಲ್ಲಿ ತೋರಿಸಲಾಗಿರುವ ರೈಲು ಹೈಡ್ರೋಜನ್ ರೈಲು ಅಲ್ಲ… ಇದು WAG 12 ಲೋಕೋ ನಿಂದ ಚಾಲಿತ ರೈಲು. ಇದು ಬಹುಶಃ ಹಳೆಯ ವೀಡಿಯೊ ಆಗಿರಬಹುದು. ಹೈಡ್ರೋಜನ್ ರೈಲು ಅದರ ನಿಗದಿತ ಸಮಯದ ಪ್ರಕಾರ ಸೇವೆಗಳನ್ನು ಒದಗಿಸುತ್ತಿದೆ.”
वीडियो में दिख रही train hydrogen ट्रेन नहीं है… यह WAG 12 लोको द्वारा संचालित ट्रेन है। संभवतः यह कोई पुराना वीडियो है। Hydrogen ट्रेन अपने तय समय के अनुसार अपनी सेवाएं दे रही है pic.twitter.com/fOJB6OR4Ay
— Northern Railway (@RailwayNorthern) July 20, 2026
ಆದ್ದರಿಂದ, ಹೇಳಿಕೆ ಸುಳ್ಳು.
ಇದನ್ನೂ ಓದಿ:
ಪಾಕಿಸ್ತಾನ ಧ್ವಜ ಹೊತ್ತ ಹಡಗನ್ನು ಇರಾನ್ ಹರ್ಮಜ್ ಜಲಸಂಧಿಯಲ್ಲಿ ನಾಶಪಡಿಸಲಾಯಿತೇ? ಸತ್ಯ ಪರಿಶೀಲನೆ
ಈ ವೀಡಿಯೊದಲ್ಲಿ ಭಾರತದ ಮೊದಲ ಹೈಡ್ರೋಜನ್ ಚಾಲಿತ ರೈಲಿನ ಮೇಲೆ ಪ್ರತಿಭಟನಾಕಾರರು ಕಲ್ಲು ತೂರಾಟ ನಡೆಸುವುದನ್ನು ತೋರಿಸಲಾಗಿದೆಯೇ? ಸತ್ಯ ಪರಿಶೀಲನೆ added by Shwetha on
View all posts by Shwetha →