ಇರಾನ್ USS ಜೆರಾಲ್ಡ್ ಆರ್.ಫೋರ್ಡ್ ಮೇಲೆ 17 ದಿಕ್ಕುಗಳಿಂದ ದಾಳಿ ಮಾಡಿದೆ ಎಂದು ಟ್ರಂಪ್ ಹೇಳಿದರೇ? ಸತ್ಯ ಪರಿಶೀಲನೆ

ಹೇಳಿಕೆ/Claim : ಇರಾನ್ USS ಜೆರಾಲ್ಡ್ ಆರ್.ಫೋರ್ಡ್ ಮೇಲೆ 17 ದಿಕ್ಕುಗಳಿಂದ ದಾಳಿ ಮಾಡಿದೆ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.

ಕಡೆನುಡಿ/Conclusion : ಈ ಹೇಳಿಕೆ ಸುಳ್ಳು. ಟ್ರಂಪ್ ಅಂತಹ ಹೇಳಿಕೆ ನೀಡಿಲ್ಲ ಮತ್ತು ಅದನ್ನು ಸಾಬೀತುಪಡಿಸಲು ಯಾವುದೇ ವಿಶ್ವಾಸಾರ್ಹ ಪುರಾವೆಗಳಿಲ್ಲ. ಜನವರಿ 2026ರಲ್ಲಿ ವೆನೆಜುವೆಲಾ ವಿರುದ್ಧದ U.S. ಸೇನಾ ಕಾರ್ಯಾಚರಣೆ ನಿಜವಾದ ಸಂದರ್ಭ, ಇದು ವೆನೆಜುವೆಲಾದ ಪಡೆಗಳ ದೃಷ್ಟಿಕೋನದಿಂದ ಘಟನೆಗಳನ್ನು ವಿವರಿಸುತ್ತದೆ.

ರೇಟಿಂಗ್/Rating : ಸುಳ್ಳು

******************************************************

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.

******************************************************

ಇರಾನ್ 17 ದಿಕ್ಕುಗಳಿಂದ USS ಜೆರಾಲ್ಡ್ ಆರ್. ಫೋರ್ಡ್ ಮೇಲೆ ನಡೆಸಿದ ದಾಳಿಯನ್ನು US ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಒಪ್ಪಿಕೊಂಡಿದ್ದಾರೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಳ್ಳುತ್ತಿದ್ದಾರೆ. ದೃಢೀಕೃತ X ಬಳಕೆದಾರ ‘_GlobeObserver’ ಅಂತಹ ಒಂದು ಪೋಸ್ಟ್ ಅನ್ನು ಈ ಮುಂದಿನ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ: USS ಜೆರಾಲ್ಡ್ ಆರ್. ಫೋರ್ಡ್ ಬಗ್ಗೆ ಟ್ರಂಪ್: “ಇರಾನ್ 17 ದಿಕ್ಕುಗಳಿಂದ ದಾಳಿ ಮಾಡಿತು. ನಾವು ನಮ್ಮ ಜೀವಗಳನ್ನು ಉಳಿಸಿಕೊಳ್ಳಲು ಓಡಿಹೋದೆವು. ಎಲ್ಲವೂ ಮುಗಿದಿತ್ತು.” ಇದರಲ್ಲಿ ಟ್ರಂಪ್ ಮಾತನಾಡುವ 39 ಕ್ಷಣಗಳ ವೀಡಿಯೊ ಕ್ಲಿಪ್ ಮತ್ತು USS ಜೆರಾಲ್ಡ್ ಆರ್. ಫೋರ್ಡ್ ವಿಮಾನವಾಹಕ ನೌಕೆಯ ಫೋಟೋ  ಕೂಡ ಇದೆ. ಈ ಪೋಸ್ಟ್ ಗೆ 3 ಮಿಲಿಯಕ್ಕಿಂತಲೂ ಹೆಚ್ಚು ವೀಕ್ಷಣೆಗಳು ದೊರಕಿವೆ, ಅದನ್ನು ಕೆಳಗೆ ನೋಡಬಹುದು –

🚨 Trump on USS Gerald R. Ford:

“Iran attacked from 17 directions. We fled to save our lives. It was all over.” pic.twitter.com/23WRH8ejxT

— Globe Observer (@_GlobeObserver) March 28, 2026

ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯ ಕುರಿತು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಡೊನಾಲ್ಡ್ ಟ್ರಂಪ್ ಆ ಹೇಳಿಕೆ ನೀಡಿದ್ದಾರೆ ಎಂಬುದಕ್ಕೆ ಯಾವುದೇ ವಿಶ್ವಾಸಾರ್ಹ ಪುರಾವೆಗಳಿಲ್ಲ ಮತ್ತು ಯಾವುದೇ ವಿಶ್ವಾಸಾರ್ಹ ಮೂಲಗಳು ಅದನ್ನು ಬೆಂಬಲಿಸುವುದಿಲ್ಲ. ವೀಡಿಯೊದ ನಿಜವಾದ ಹಿನ್ನೆಲೆ ಜನವರಿ 2026ರಲ್ಲಿ ವೆನೆಜುವೆಲಾ ವಿರುದ್ಧ ನಡೆಸಲಾದ US ಮಿಲಿಟರಿ ಕಾರ್ಯಾಚರಣೆಗೆ ಸಂಬಂಧಿಸಿರುವಂಥದ್ದು.

ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು ಹೇಳಿಕೆಯಲ್ಲಿರುವ ವೀಡಿಯೊದ ವಿವಿಧ ಕೀಫ್ರೇಮ್‌ಗಳಿಂದ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ಹುಡುಕಾಟದಲ್ಲಿ ನಮಗೆ ಮಾರ್ಚ್ 28, 2026ರಂದು ಶ್ವೇತ ಭವನವು ಅಪ್‌ಲೋಡ್ ಮಾಡಿದ ಪೂರ್ಣ ಯೂಟ್ಯೂಬ್ ವೀಡಿಯೊ ದೊರಕಿತು, ಅದರ ಶೀರ್ಷಿಕೆ- “ಅಧ್ಯಕ್ಷ ಟ್ರಂಪ್ ಭವಿಷ್ಯದ ಹೂಡಿಕೆ ಉಪಕ್ರಮದಲ್ಲಿ ಮಾತನಾಡಿದರು”. ಪೂರ್ಣ ವೀಡಿಯೊ ಸುಮಾರು 1 ಗಂಟೆ 18 ನಿಮಿಷಗಳಷ್ಟು ಉದ್ದವಾಗಿದ್ದು, ವಿವರಣೆಯಲ್ಲಿ ಈ ಕಾರ್ಯಕ್ರಮವು ಫ್ಲೋರಿಡಾದ ಮಯಾಮಿಯಲ್ಲಿ ನಡೆಯಿತು ಎಂದು ಹೇಳಲಾಗಿದೆ.

20:47 ಸಮಯ ಮುದ್ರೆಯಲ್ಲಿ, 21:27 ರವರೆಗಿನ, ಹೇಳಿಕೆಯಲ್ಲಿ ಹಂಚಿಕೊಳ್ಳಲಾದ ದೃಶ್ಯಗಳ ಭಾಗ ನಮಗೆ ದೊರಕಿತು. ಈ ನಿರ್ದಿಷ್ಟ ಭಾಗದ ಪೂರ್ಣ ಅನುವಾದ ಹೀಗಿದೆ: “ಬೆಳಿಗ್ಗೆ 1:00 ಗಂಟೆಗೆ, ಪ್ರತಿ 32 ಕ್ಷಣಗಳಿಗೊಮ್ಮೆ ಒಂದು ವಿಮಾನ, ಅತಿ ವೇಗದ ವಿಮಾನ, ವಿಮಾನವಾಹಕ ನೌಕೆಯ ಡೆಕ್‌ನಿಂದ ಹೊರಬರುತ್ತಿರುವುದನ್ನು ನಾವು ಗಮನಿಸಿದಾಗ ಸಮಸ್ಯೆ ಇದೆ ಎಂದು ನಮಗೆ ತಿಳಿಯಿತು. ಅದು ವಾಸ್ತವವಾಗಿ ವಿಶ್ವದ ಅತಿದೊಡ್ಡ ವಿಮಾನ ವಾಹಕ. ಮತ್ತು ಪ್ರತಿ 32 ಕ್ಷಣಗಳಿಗೊಮ್ಮೆ… ಬೂಮ್, ಬೂಮ್, ಬೂಮ್. ಬೆಳಿಗ್ಗೆ 1:00 ಗಂಟೆ ಸಮಯವಾಗಿತ್ತು. ಹಾಗಾಗಿ ನಾವು, ‘ಸರಿ, ನಾವು ತೊಂದರೆಯಲ್ಲಿದ್ದೇವೆ ಎಂದನಿಸುತ್ತದೆ’ ಎಂದು ಹೇಳಿದೆವು. ಆದರೆ ಅವರು ನಮಗಾಗಿ ಸಿದ್ಧರಾಗಿದ್ದರು, ಜಾನಿ ಮತ್ತು ನಾವು ಸಿದ್ಧರಾಗಿದ್ದೆವು. ನಾವು ಸಿದ್ಧರಾಗಿದ್ದೇವೆ ಎಂದು ಆತ ಹೇಳಿದ. ಆಗ ಅವರು ನಮ್ಮನ್ನು ಹೊಡೆದರು. ಅವರು 17 ವಿಭಿನ್ನ ಕೋನಗಳಿಂದ ಬಂದರು. ಅವರು ಇಲ್ಲಿದ್ದರು, ಅವರು ಅಲ್ಲಿದ್ದರು… ನಾವು ಜೀವ ಉಳಿಸಿಕೊಳ್ಳಲು ಓಡಿದೆವು. ಎಲ್ಲಾ ಮುಗಿಯಿತು.”

ಟ್ರಂಪ್ ಅಧ್ಯಕ್ಷ ನಿಕೋಲಸ್ ಮಡುರೊ ಅವರನ್ನು ಸೆರೆಹಿಡಿದ ವೆನೆಜುವೆಲಾದ ಮೇಲೆ ಅಮೆರಿಕದ ದಾಳಿಯ ಬಗ್ಗೆ ಚರ್ಚಿಸುತ್ತಿದ್ದಾರೆ ಎಂಬುದು ಮೇಲಿನ ಅನುವಾದದಿಂದ ಸ್ಪಷ್ಟವಾಗುತ್ತದೆ. ಆತ “ವಿಶ್ವದ ಅತಿದೊಡ್ಡ ವಿಮಾನವಾಹಕ ನೌಕೆ”ಯ ಡೆಕ್‌ನಿಂದ ಪ್ರತಿ 32 ಕ್ಷಣಗಳಿಗೆ U.S. ವಿಮಾನಗಳು ಹಾರುವುದನ್ನು ವಿವರಿಸುತ್ತಾರೆ, ಇದು ಪ್ರಾಯಶಃ USS ಜೆರಾಲ್ಡ್ ಆರ್. ಫೋರ್ಡ್ ನ ಉಲ್ಲೇಖ. “ನಾವು” ಮತ್ತು “ಅವರು” ಎಂಬ ಪದಗಳು ಇರಾನ್‌ನಿಂದ ಪಲಾಯನ ಮಾಡುತ್ತಿರುವ U.S. ಪಡೆಗಳಿಗೆ ಸಂಬಂಧಿಸಿದ್ದಲ್ಲ, ಬದಲಾಗಿ U.S. ದಾಳಿಗೊಳಗಾದ ವೆನೆಜುವೆಲಾದ ರಕ್ಷಕರನ್ನು ಉಲ್ಲೇಖಿಸುತ್ತವೆ.

ಮುಂದೆ, ಹೆಚ್ಚಿನ ಮಾಹಿತಿಗಾಗಿ ನಾವು “USS ಜೆರಾಲ್ಡ್ ಆರ್. ಫೋರ್ಡ್ ವೆನೆಜುವೆಲಾ ದಾಳಿ” ಎಂಬ ಪದಗಳೊಂದಿಗೆ ಅಂತರ್ಜಾಲ ಹುಡುಕಾಟವನ್ನು ನಡೆಸಿದೆವು. BBC ವರದಿಯ ಪ್ರಕಾರ, “USS ಜೆರಾಲ್ಡ್ ಆರ್. ಫೋರ್ಡ್ ಎಂಬ ವಿಮಾನವಾಹಕ ನೌಕೆಯು ಡಿಸೆಂಬರ್ 15ರಂದು ವೆನೆಜುವೆಲಾದ ಕರಾವಳಿ ಭಾಗದ ಉತ್ತರಕ್ಕೆ ಸುಮಾರು 280 ಮೈಲುಗಳು (450 ಕಿಮೀ) ದೂರದಲ್ಲಿ ಕಂಡುಬಂದಿತು.” “ಸಂಪೂರ್ಣ ಮಾದಕವಸ್ತು ನಿಷೇಧಕ್ಕೆ ಅನುಗುಣವಾಗಿಲ್ಲದ ಪಡೆಗಳ ಮಟ್ಟವು” USS ಜೆರಾಲ್ಡ್ ಆರ್. ಫೋರ್ಡ್ ನ ನಿಯೋಜನೆಯು ವೆನೆಜುವೆಲಾದ ವಿರುದ್ಧ ವಿಶಾಲವಾದ ಮಿಲಿಟರಿ ಕ್ರಮಕ್ಕೆ ಸಂಭಾವ್ಯ ಸಿದ್ಧತೆಯನ್ನು ಸೂಚಿಸುತ್ತದೆ ಎಂಬ ಕಳವಳವನ್ನು ಹುಟ್ಟುಹಾಕಿತು ಎಂದು ತಜ್ಞರು ಗಮನಿಸಿದರು. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-

ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊ ಮತ್ತು ಆತನ ಪತ್ನಿಯನ್ನು ಅಮೆರಿಕ ವಶಪಡಿಸಿಕೊಂಡ ನಂತರದ NBC ನ್ಯೂಸ್‌ನ ಮತ್ತೊಂದು ವರದಿಯು USS ಜೆರಾಲ್ಡ್ ಆರ್.ಫೋರ್ಡ್ ಪಾತ್ರದ ಬಗ್ಗೆ ಹೆಚ್ಚಿನ ಮಾಹಿತಿ ನೀಡುತ್ತದೆ. ವೆನೆಜುವೆಲಾ ವಿರುದ್ಧ ತಿಂಗಳುಗಳ ಯೋಜನೆ ಮತ್ತು ಉಲ್ಬಣಗೊಳ್ಳುತ್ತಿರುವ ಕಾರ್ಯಾಚರಣೆಗಳೊಂದಿಗೆ ಹೊಂದಿಕೆಯಾಗುವ “ಮಿಲಿಟರಿ ನಿರ್ಮಾಣದ ಭಾಗವಾಗಿ… ಕೆರಿಬಿಯನ್‌ಗೆ ನುಗ್ಗಿದ್ದು ” ಹೇಗೆ ಒತ್ತಡದಾಯಕ ಪಾತ್ರವನ್ನು ವಹಿಸಿತು ಎಂಬುದನ್ನು ವರದಿಯು ಉಲ್ಲೇಖಿಸುತ್ತದೆ. “ಅಲ್ಲಿನ ಬಹಳಷ್ಟು ಹಡಗುಗಳಲ್ಲಿ” ಒಂದಾಗಿದ್ದ ಅದರ ಉಪಸ್ಥಿತಿಯು ಕರಾವಳಿಯಿಂದ ಆಚೆಗೆ ಇರಿಸಲಾದ ನೌಕಾ ನೌಕಾಪಡೆಯ ಬೆನ್ನೆಲುಬಾಗಿ ನಿಂತಿತು. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-

ಇದರ ನಂತರ, USS ಜೆರಾಲ್ಡ್ ಆರ್.ಫೋರ್ಡ್ ಮೇಲಿನ ಇರಾನಿನ ದಾಳಿಗಳನ್ನು ಹುಡುಕಿದಾಗ ಯಾವುದೇ ವಿಶ್ವಾಸಾರ್ಹ ವರದಿಗಳು ದೊರಕಿಲ್ಲ.

ಇದಲ್ಲದೆ, ಹೇಳಿಕೆಯಲ್ಲಿ “ಇರಾನ್” ಎಂದು ಸೇರಿಸಲಾಗಿದೆ, ಆದರೆ ಟ್ರಂಪ್ ತಮ್ಮ ಭಾಷಣದಲ್ಲಿ ಅದನ್ನು ಉಲ್ಲೇಖಿಸಿಲ್ಲ, ಬದಲಿಗೆ ಆತ ವೆನೆಜುವೆಲಾ ಮತ್ತು ವಿಶ್ವದ ಅತಿದೊಡ್ಡ ವಿಮಾನವಾಹಕ ನೌಕೆ (USS ಜೆರಾಲ್ಡ್ ಆರ್.ಫೋರ್ಡ್) ಬಗ್ಗೆ ಮಾತನಾಡುತ್ತಿದ್ದರು.

ಆದ್ದರಿಂದ, ಹೇಳಿಕೆ ಸುಳ್ಳು.

ಇದನ್ನೂ ಓದಿ:

ಬೇಬಿಮಾನ್ಸ್ಟರ್ ಬ್ಯಾಂಡ್‌ನಿಂದ ರಾಮಿ ನಿರ್ಗಮಿಸುತ್ತಿರುವುದನ್ನು YG ಎಂಟರ್‌ಟೈನ್‌ಮೆಂಟ್ ಘೋಷಿಸಿದೆಯೇ? ಸತ್ಯ ಪರಿಶೀಲನೆ

ಕ್ರಿಕೆಟಿಗ ಸಂಜು ಸ್ಯಾಮ್ಸನ್ ಅವರನ್ನು ನಿಜವಾಗಿಯೂ ಕೇರಳ ಪೊಲೀಸ್ ನಲ್ಲಿ DSPಯಾಗಿ ನೇಮಿಸಲಾಗಿದೆಯೇ? ಸತ್ಯ ಪರಿಶೀಲನೆ

  donald trump, fact check in kannada, fact checking in kannada, fake news, Iran-US war, kannada fact check, Kannada fake news, kannada false claim, USS Gerald R.Ford, Venezuela