ಬೇಬಿಮಾನ್ಸ್ಟರ್ ಬ್ಯಾಂಡ್‌ನಿಂದ ರಾಮಿ ನಿರ್ಗಮಿಸುತ್ತಿರುವುದನ್ನು YG ಎಂಟರ್‌ಟೈನ್‌ಮೆಂಟ್ ಘೋಷಿಸಿದೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim : ಬೇಬಿಮಾನ್ಸ್ಟರ್ ನಿಂದ ರಾಮಿ ನಿರ್ಗಮಿಸುತ್ತಿರುವುದನ್ನು YG ಎಂಟರ್‌ಟೈನ್‌ಮೆಂಟ್ ಘೋಷಿಸಿದೆ ಮತ್ತು ತಂಡವು ಆರು ಸದಸ್ಯರೊಂದಿಗೆ ಮುಂದುವರಿಯುತ್ತದೆ.

ಕಡೆನುಡಿ/Conclusion : ಹೇಳಿಕೆ ಸುಳ್ಳು. ಮಾರ್ಚ್ 24, 2026 ರವರೆಗೆ YG ಎಂಟರ್‌ಟೈನ್‌ಮೆಂಟ್ ರಾಮಿ ನಿರ್ಗಮಿಸುವ ಬಗ್ಗೆ ಯಾವುದೇ ಅಧಿಕೃತ ಘೋಷಣೆಯನ್ನು ಮಾಡಿಲ್ಲ. ರಾಮಿ ಮೇ 2025ರಿಂದ ಆರೋಗ್ಯ ಸಂಬಂಧಿತ ವಿರಾಮದಲ್ಲಿದ್ದಾರೆ ಮತ್ತು ಆಕೆ ತಂಡ ಬಿಡುವ ಬಗ್ಗೆ YG ಎಂಟರ್‌ಟೈನ್‌ಮೆಂಟ್ ಯಾವುದೇ ಸೂಚನೆಯನ್ನು ಬಿಡುಗಡೆ ಮಾಡಿಲ್ಲ.

ರೇಟಿಂಗ್/Rating : ಸುಳ್ಳು

******************************************************

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.

******************************************************

YG ಎಂಟರ್‌ಟೈನ್‌ಮೆಂಟ್ ಹುಡುಗಿಯರ ಬ್ಯಾಂಡ್ ಬೇಬಿಮಾನ್ಸ್ಟರ್ ನ ಗಾಯಕಿ ರಾಮಿ ಬ್ಯಾಂಡ್ ಬಿಟ್ಟಿದ್ದಾರೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿದ್ದಾರೆ.  “YG ಎಂಟರ್‌ಟೈನ್‌ಮೆಂಟ್  ಬೇಬಿಮಾನ್ಸ್ಟರ್ ನಿಂದ ರಾಮಿ ನಿರ್ಗಮಿಸುವುದನ್ನು ಘೋಷಿಸಿದೆ. ತಂಡವು ಆರು ಸದಸ್ಯರೊಂದಿಗೆ ಮುಂದುವರಿಯುತ್ತದೆ” ಎಂಬ ಶೀರ್ಷಿಕೆಯೊಂದಿಗೆ ದೃಢೀಕೃತ X ಬಳಕೆದಾರ ‘thekpop2Of’ ಈ ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ. ಪೋಸ್ಟ್‌ನಲ್ಲಿ ಎರಡು ಚಿತ್ರಗಳಿವೆ – ಏಳು ಸದಸ್ಯರ ಬೇಬಿಮಾನ್ಸ್ಟರ್ ತಂಡದ ಪ್ರಚಾರ ಚಿತ್ರ ಮತ್ತು ರಾಮಿಯ ಸೋಲೋ ಕ್ಲೋಸ್-ಅಪ್. ಈ ಪೋಸ್ಟ್ ಗೆ 22,000ಕ್ಕೂ ಹೆಚ್ಚು ವೀಕ್ಷಣೆಗಳು ದೊರಕಿವೆ ಮತ್ತು ಅದನ್ನು ಕೆಳಗೆ ಕಾಣಬಹುದು-

YG Ent. announces RAMI departure from BABYMONSTER. The group will continue with six members.#YG #BABYMONSTER pic.twitter.com/PN3SaAy89v

— THE K-POP2 (@thekpop2Of) March 23, 2026

ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ ಮತ್ತು ಅದನ್ನು ಇಲ್ಲಿ ಕಾಣಬಹುದು.

ಬೇಮಾನ್ ಎಂದೂ ಕರೆಯಲ್ಪಡುವ ಬೇಬಿಮಾನ್‌ಸ್ಟರ್, YG ಎಂಟರ್‌ಟೈನ್‌ಮೆಂಟ್ ರಚಿಸಿದ ದಕ್ಷಿಣ ಕೊರಿಯಾದ ಹುಡುಗಿಯರ ತಂಡವಾಗಿದೆ. ಈ ತಂಡದಲ್ಲಿ ಏಳು ಸದಸ್ಯರಿದ್ದಾರೆ: ರುಕಾ, ಫರಿಟಾ, ಆಸಾ, ಅಹಿಯೋನ್, ರಾಮಿ, ರೋರಾ ಮತ್ತು ಚಿಕಿಟಾ.

ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಮಾರ್ಚ್ 24, 2026ರ ಹೊತ್ತಿಗೆ, YG ಎಂಟರ್‌ಟೈನ್‌ಮೆಂಟ್ ರಾಮಿಯ ನಿರ್ಗಮನವನ್ನು ದೃಢೀಕರಿಸುವ ಯಾವುದೇ ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿಲ್ಲ. ಆಕೆ ಮೇ 2025ರಿಂದ ಆರೋಗ್ಯ ಸಂಬಂಧಿತ ವಿರಾಮದಲ್ಲಿದ್ದಾರೆ.

ವಿವರಗಳು:

ಸುದ್ದಿಯನ್ನು ದೃಢೀಕರಿಸಲು ನಾವು ಮೊದಲು YG ಎಂಟರ್‌ಟೈನ್‌ಮೆಂಟ್ ಗ್ರೂಪ್ ಬಿಡುಗಡೆ ಮಾಡಿದ ಯಾವುದೇ ಅಧಿಕೃತ ಪ್ರಕಟಣೆ ಅಥವಾ ಹೇಳಿಕೆಯನ್ನು ಹುಡುಕಿದೆವು. YGಯ ಅಧಿಕೃತ X ಖಾತೆ ಮತ್ತು ಬೇಬಿಮಾನ್ಸ್ಟರ್ ಖಾತೆಯಲ್ಲಿ ಮಾರ್ಚ್ 2026ರಲ್ಲಿ ರಾಮಿಯ ನಿರ್ಗಮನ ಅಥವಾ ತಂಡ ಬಿಡುವ ಬಗ್ಗೆ ಯಾವುದೇ ಪೋಸ್ಟ್‌ಗಳಿಲ್ಲ. ರಾಮಿಯವರ ನಿರ್ಗಮನದ ಬಗ್ಗೆ ಮಾಧ್ಯಮಗಳು ಸಹ ಯಾವುದೇ ವಿಶ್ವಾಸಾರ್ಹ ವರದಿಗಳನ್ನು ನೀಡಿಲ್ಲ.

ಇದರ ನಂತರ, ರಾಮಿ ಮೇ 2025ರಿಂದ ಆರೋಗ್ಯ ಸಂಬಂಧಿತ ವಿರಾಮದಲ್ಲಿದ್ದಾರೆ ಎಂದು ನಮಗೆ ತಿಳಿದುಬಂದಿತು. ಕೊರಿಯಾಬೂ ಪ್ರಕಾರ, “ಮೇ 9, 2025ರಂದು, ಬೇಬಿಮಾನ್ಸ್ಟರ್‌ನ ರಾಮಿ ತಮ್ಮ ಆರೋಗ್ಯಕ್ಕೆ ಗಮನ ನೀಡಲು ವಿರಾಮಕ್ಕಾಗಿ ತೆರಳುತ್ತಾರೆಂದು ಘೋಷಿಸಲಾಯಿತು.” ಅಭಿಮಾನಿಗಳು ತಂಡದ ಮತ್ತು ರಾಮಿಯ ಭವಿಷ್ಯದ ಬಗ್ಗೆ ಊಹೆ ಮಾಡಿದ್ದಾರೆ ಆದರೆ ಯಾವುದೇ ದೃಢೀಕೃತ ನಿರ್ಗಮನ ಅಥವಾ ಬಿಡುವ ಬಗೆಗಿನ ಘೋಷಣೆ ಇಲ್ಲ. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-

ನಂತರ, ಮೇ 9, 2025ರಂದು ರಾಮಿಯ ಆರೋಗ್ಯ ಸಂಬಂಧಿತ ಸಮಸ್ಯೆಗಳ ಕುರಿತು YG ಎಂಟರ್‌ಟೈನ್‌ಮೆಂಟ್‌ನ ಅಧಿಕೃತ ಅಪ್ಡೇಟನ್ನು ನಾವು ನೋಡಿದೆವು. ಅಪ್ಡೇಟ್ ನಲ್ಲಿ “ರಾಮಿ ನಿರಂತರ ಚಿಕಿತ್ಸೆ ಮತ್ತು ಆರೈಕೆಯಲ್ಲಿರುವಾಗಲೇ ತನ್ನ ಚಟುವಟಿಕೆಗಳನ್ನು ಮುಂದುವರೆಸಿದ್ದಾರೆ… ಆದರೆ, ಆಕೆಯ ಸ್ಥಿತಿ ಗಮನಾರ್ಹವಾಗಿ ಸುಧಾರಿಸಿಲ್ಲ, ಮತ್ತು ಇತ್ತೀಚೆಗೆ, ವೈದ್ಯಕೀಯ ತಂಡದವರು ಆಕೆ ಎಲ್ಲಾ ಚಟುವಟಿಕೆಗಳನ್ನು ಸ್ಥಗಿತಗೊಳಿಸುವಂತೆ ಸಲಹೆ ನೀಡಿದ್ದಾರೆ” ಎಂದು ಹೇಳಲಾಗಿದೆ. ಆಕೆಯ ಆರೋಗ್ಯವು ಹೆಚ್ಚು ಪ್ರಮುಖವಾಗಿದ್ದು ಆಕೆ ಸಾಕಷ್ಟು ವಿಶ್ರಾಂತಿ ತೆಗೆದುಕೊಳ್ಳುವಂತೆ ಸೂಚಿಸಲಾಗಿದೆ ಎಂಬುದನ್ನು ಅಪ್ಡೇಟ್ ಒತ್ತಿಹೇಳುತ್ತದೆ. ಇದರ ಸ್ಕ್ರೀನ್‌ಶಾಟ್ ಅನ್ನು ಕೆಳಗೆ ನೋಡಿ-

ಆರು ಸದಸ್ಯರ ಕುರಿತಾಗಿ ಉಲ್ಲೇಖಿಸಿ, ಅಧಿಕೃತ YG ಕುಟುಂಬದ ವೆಬ್‌ಸೈಟ್ ಜುಲೈ 1, 2025ರಂದು ಬಿಡುಗಡೆಯಾದ ಅವರ ‘ಹಾಟ್ ಸಾಸ್’ ಹಾಡಿನ ಕುರಿತು ಸೂಚನೆಯನ್ನು ಪೋಸ್ಟ್ ಮಾಡಿತ್ತು. ಈ ಹಾಡಿನಲ್ಲಿ ಕೇವಲ ಆರು ಸದಸ್ಯರು ಮಾತ್ರ ಇದ್ದರು ಏಕೆಂದರೆ  “ರಾಮಿ ಇನ್ನೂ ಚೇತರಿಸಿಕೊಳ್ಳಲು ಸಾಕಷ್ಟು ಸಮಯ ಬೇಕಾಗುತ್ತದೆ. ಈ ನಿರ್ಧಾರವು ಕಲಾವಿದರ ಆರೋಗ್ಯಕ್ಕೆ ಆದ್ಯತೆ ನೀಡುತ್ತಿರುವುದರಿಂದ, ನಾವು ನಿಮ್ಮ ಬೆಂಬಲವನ್ನು ಕೋರುತ್ತೇವೆ” YG ಹೇಳಿತ್ತು. ಈ ಅವಧಿಯಲ್ಲಿ ಆಕೆಯ ಮತ್ತು ಬೇಬಿಮಾನ್ಸ್ಟರ್ ನ  ಚಟುವಟಿಕೆಗಳನ್ನು ಬೆಂಬಲಿಸುವುದರ ಬಗ್ಗೆಯೂ ಸೂಚನೆಯಲ್ಲಿ ಒತ್ತು ನೀಡಲಾಗಿತ್ತು, ಆದರೆ ರಾಮಿಯ ನಿರ್ಗಮನದ ಬಗ್ಗೆ ಏನೂ ಇರಲಿಲ್ಲ.

ಕೊನೆಯದಾಗಿ, ಬೇಬಿಮಾನ್ಸ್ಟರ್ ನ ಯಾವುದೇ ಇತ್ತೀಚಿನ ಹಾಡು ಅಥವಾ ಆಲ್ಬಮ್‌ಗಾಗಿ ಹುಡುಕಾಟ ನಡೆಸಿದಾಗ 2026ರ ಯೋಜನೆಗಳನ್ನು ವಿವರಿಸುವ ಬ್ಯಾಂಡ್‌ವ್ಯಾಗನ್ ಲೇಖನವು ನಮಗೆ ದೊರಕಿತು.

ಬೇಬಿಮಾನ್ಸ್ಟರ್ ಮೇ 2026ರ ಆರಂಭದಲ್ಲಿ ತಮ್ಮ ಮೂರನೇ ಮಿನಿ ಆಲ್ಬಮ್ ಚೂಮ್ ಅನ್ನು ಬಿಡುಗಡೆ ಮಾಡುತ್ತದೆ. ಇದರ ಜೊತೆಗೆ, ಅವರು ಜೂನ್‌ನಲ್ಲಿ ತಮ್ಮ 2026ರ ವರ್ಲ್ಡ್ ಟೂರ್ ಅನ್ನು ಪ್ರಾರಂಭಿಸಲು ಕೂಡ ಸಜ್ಜಾಗಿದ್ದಾರೆ, ಈ ಮೂಲಕ ಉತ್ತರ ಅಮೆರಿಕಾ ದಾಟಿ ದಕ್ಷಿಣ ಅಮೆರಿಕಾ, ಯುರೋಪ್ ಮತ್ತು ಆಸ್ಟ್ರೇಲಿಯಾವನ್ನು ಸೇರಿಸಿಕೊಳ್ಳಲಿದ್ದಾರೆ. ಇದು ಅವರ ಅತಿದೊಡ್ಡ ಜಾಗತಿಕ ಪ್ರವಾಸವಾಗಲಿದೆ. ಆದರೆ, ಈ ಪುನರಾಗಮನ ಯೋಜನೆಗಳು ರಾಮಿಯ ಭಾಗವಹಿಸುವಿಕೆಯನ್ನು ದೃಢೀಕರಿಸದೆ ಅಥವಾ ನಿರಾಕರಿಸದೆಯೇ ಗುಂಪು ಚಟುವಟಿಕೆಗಳನ್ನು ಉಲ್ಲೇಖಿಸುತ್ತವೆ. ಲೇಖನದ ಒಂದು ಭಾಗವನ್ನು ಕೆಳಗೆ ನೋಡಿ-

ಎಲ್ಲಾ ಅಪ್ಡೇಟ್ ಗಳಲ್ಲಿ, YG ಎಂಟರ್‌ಟೈನ್‌ಮೆಂಟ್ ತಮ್ಮ ಚಟುವಟಿಕೆಗಳು ಮತ್ತು 2026ರ ವಿಶ್ವ ಪ್ರವಾಸದ ಬಗ್ಗೆ ಯೋಜನೆಗಳನ್ನು ನೀಡಿದೆ. ರಾಮಿಯ ನಿರ್ಗಮನದ ಬಗ್ಗೆ ಎಲ್ಲಿಯೂ ಉಲ್ಲೇಖಿಸಲಾಗಿಲ್ಲ.

ಈಗ, ಬೇಬಿಮಾನ್ಸ್ಟರ್ ಬ್ಯಾಂಡ್‌ನಿಂದ ರಾಮಿ ನಿರ್ಗಮಿಸುತ್ತಿದ್ದಾರೆ ಎಂದು YG ಎಂಟರ್‌ಟೈನ್‌ಮೆಂಟ್‌ನಿಂದ ಯಾವುದೇ ದೃಢೀಕರಣವಿಲ್ಲ.

ಆದ್ದರಿಂದ, ಈ ಹೇಳಿಕೆ ಸುಳ್ಳು.

ಇದನ್ನೂ ಓದಿ:

ಈ ವೈರಲ್ ವೀಡಿಯೊ ನಿಜವಾಗಿಯೂ 2026ರಲ್ಲಿ ಹೊಸ ರೋಬೋಟಿಕ್ ಸಾರಿಗೆ ವಿಧಾನವನ್ನು ತೋರಿಸುತ್ತದೆಯೇ? ಸತ್ಯ ಪರಿಶೀಲನೆ

ಹೆಚ್ಚುವರಿ 10% ಸುಂಕದಿಂದಾಗಿ ಭಾರತವು ಅಮೆರಿಕಕ್ಕೆ 28% ಸುಂಕವನ್ನು ಪಾವತಿಸಲಿದೆಯೇ? ಸತ್ಯ ಪರಿಶೀಲನೆ

  BABYMONSTERS, fact check in kannada, fact checking in kannada, fake news, girl band, kannada fact check, Kannada fake news, kannada false claim, Korean girl band, Music, Rami departure, YG Entertainment