ಓನ್ಲಿ ಫ್ಯಾನ್ಸ್ CEO ನಿಧನದ ನಂತರ ದುಬೈ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim : ಓನ್ಲಿ ಫ್ಯಾನ್ಸ್ CEO ನಿಧನದ ನಂತರ ದುಬೈ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದೆ.

ಕಡೆನುಡಿ/Conclusion : ಈ ಹೇಳಿಕೆ ಸಂಪೂರ್ಣವಾಗಿ ಸುಳ್ಳು. ಲಿಯೊನಿಡ್ ರಾಡ್ವಿನ್ಸ್ಕಿ (ಓನ್ಲಿ ಫ್ಯಾನ್ಸ್ ಮಾಲೀಕರು/ CEO) ಮಾರ್ಚ್ 23, 2026ರಂದು 43 ವರ್ಷದ ವಯಸ್ಸಿನಲ್ಲಿ ಕ್ಯಾನ್ಸರ್ ನಿಂದ ನಿಧನರಾದರು. ಆದರೆ, ದುಬೈ ಅವರಿಗಾಗಿ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದೆ ಎಂದು ಸಾಬೀತುಪಡಿಸಲು ಯಾವುದೇ ಪುರಾವೆಗಳು ಅಥವಾ ವಿಶ್ವಾಸಾರ್ಹ ವರದಿಗಳಿಲ್ಲ.

ರೇಟಿಂಗ್/Rating : ಸಂಪೂರ್ಣವಾಗಿ ಸುಳ್ಳು

******************************************************
ಇತ್ತೀಚೆಗೆ ನಿಧನರಾದ ಓನ್ಲಿ ಫ್ಯಾನ್ಸ್ CEO ಲಿಯೊನಿಡ್ ರಾಡ್ವಿನ್ಸ್ಕಿ ಅವರಿಗಾಗಿ ದುಬೈ ಶೋಕಾಚರಣೆಯ ಅವಧಿಯನ್ನು ಘೋಷಿಸಿದೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ ‘jacksonhinkle’ ಅಂತಹ ಪೋಸ್ಟ್ ಅನ್ನು “ಬ್ರೇಕಿಂಗ್: ಓನ್ಲಿ ಫ್ಯಾನ್ಸ್ CEO ನಿಧನದ ನಂತರ ದುಬೈ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದೆ” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ. ಇದು ಎರಡು ಚಿತ್ರಗಳನ್ನು ಒಳಗೊಂಡಿದೆ: ಲಿಯೊನಿಡ್ ರಾಡ್ವಿನ್ಸ್ಕಿಯವರ ಭಾವಚಿತ್ರ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ ಅಧ್ಯಕ್ಷ ಮತ್ತು ಅಬುಧಾಬಿಯ ಆಡಳಿತಗಾರ ಶೇಖ್ ಮೊಹಮ್ಮದ್ ಬಿನ್ ಜಾಯೆದ್ ಅಲ್ ನಹ್ಯಾನ್ ಅವರ ಭಾವಚಿತ್ರ. ಈ ಪೋಸ್ಟ್ ಸುಮಾರು 2.7 ಮಿಲಿಯ ವೀಕ್ಷಣೆಗಳನ್ನು ಗಳಿಸಿದೆ ಮತ್ತು ಅದನ್ನು ಕೆಳಗೆ ನೋಡಬಹುದು –

🚨🇦🇪🇮🇱 BREAKING: Dubai has announced 40 days of mourning following the death of the OnlyFans CEO pic.twitter.com/dtiYBxu5sL

— Jackson Hinkle 🇺🇸 (@jacksonhinklle) March 23, 2026

ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಓನ್ಲಿಫ್ಯಾನ್ಸ್‌ನ ಮಾಲೀಕರು ಮತ್ತು CEO ಲಿಯೊನಿಡ್ ರಾಡ್ವಿನ್ಸ್ಕಿ ಮಾರ್ಚ್ 23, 2026ರಂದು 43ನೇ ವಯಸ್ಸಿನಲ್ಲಿ ಕ್ಯಾನ್ಸರ್‌ನಿಂದ ನಿಧನರಾದರು ಎಂದು ವರದಿಗಳು ಹೇಳುತ್ತವೆ. ಆದರೆ, ಆತನ ಗೌರವಾರ್ಥವಾಗಿ ದುಬೈ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದೆ ಎಂದು ಸೂಚಿಸುವ ಯಾವುದೇ ಪರಿಶೀಲಿಸಿದ ಮೂಲಗಳು ಅಥವಾ ವಿಶ್ವಾಸಾರ್ಹ ಪುರಾವೆಗಳಿಲ್ಲ.

“ಲಿಯೊನಿಡ್ ರಾಡ್ವಿನ್ಸ್ಕಿ, ಓನ್ಲಿಫ್ಯಾನ್ಸ್ CEO ನಿಧನರಾಗಿದ್ದಾರೆ” ಎಂಬ ಪದಗಳೊಂದಿಗೆ ನಾವು ಮೊದಲು ಅಂತರ್ಜಾಲ ಹುಡುಕಾಟವನ್ನು ನಡೆಸಿದೆವು. ಮಾರ್ಚ್ 23, 2026ರಂದು ರಾಯಿಟರ್ಸ್ ಪ್ರಕಟಿಸಿದ ಒಂದು ವರದಿ ಸೇರಿದಂತೆ ಹಲವಾರು ವರದಿಗಳು ಇದನ್ನು ದೃಢಪಡಿಸಿವೆ. “ಲಿಯೊನಿಡ್ ರಾಡ್ವಿನ್ಸ್ಕಿ… ಕ್ಯಾನ್ಸರ್ ನಿಂದ 43ನೇ ವಯಸ್ಸಿನಲ್ಲಿ ನಿಧನರಾದರು ಎಂದು ಕಂಪನಿ ಸೋಮವಾರ ತಿಳಿಸಿದೆ” ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

BBC ಮತ್ತು ಇತರ ಸುದ್ದಿ ಸಂಸ್ಥೆಗಳು ಗಂಟೆಗಳಲ್ಲಿ ಇದೇ ರೀತಿ ವರದಿ ಮಾಡಿದವು ಮತ್ತು ಆತ 2018ರಲ್ಲಿ ಓನ್ಲಿಫ್ಯಾನ್ಸ್ ಅನ್ನು ಖರೀದಿಸಿದ ಬಗ್ಗೆ ಉಲ್ಲೇಖಿಸಿದವು. “ಕ್ಯಾನ್ಸರ್ ಜೊತೆಗಿನ ದೀರ್ಘ ಹೋರಾಟದ ನಂತರ ಶಾಂತಿಯುತವಾಗಿ ನಿಧನರಾದರು” ಎಂಬ ಹೇಳಿಕೆಯನ್ನು ವರದಿಯಲ್ಲಿ ಉಲ್ಲೇಖಿಸಲಾಗಿದೆ, ಆದಾಗ್ಯೂ, ಆತನ ಮರಣದ ಬಗ್ಗೆ 40 ದಿನಗಳ ಶೋಕಾಚರಣೆಯನ್ನು ಘೋಷಿಸಿದ ಬಗ್ಗೆ ಯಾವುದೇ ಉಲ್ಲೇಖಗಳಿಲ್ಲ.

ಎಮಿರೇಟ್ಸ್ ನ್ಯೂಸ್ ಏಜೆನ್ಸಿ ಮುಖಪುಟ ಮತ್ತು ಇತ್ತೀಚಿನ ಸುದ್ದಿಗಳಲ್ಲಿ ರಾಡ್ವಿನ್ಸ್ಕಿ, ಓನ್ಲಿಫ್ಯಾನ್ಸ್ ಅಥವಾ ಯಾವುದೇ ಹೊಸ ರಾಷ್ಟ್ರೀಯ ಶೋಕಾಚರಣೆಯ ಅವಧಿಯ ಬಗ್ಗೆ ಉಲ್ಲೇಖವಿಲ್ಲ. ಇತ್ತೀಚಿನ WAM ಮುಖ್ಯಾಂಶಗಳು UAE ಮತ್ತು ಇಂಡೋನೇಷಿಯನ್ ಸಹಕಾರ, UAE ಮತ್ತು ಸರ್ಬಿಯಾದ ದ್ವಿಪಕ್ಷೀಯ ಸಂಬಂಧಗಳು ಮತ್ತು UAE ಅಧ್ಯಕ್ಷರು ಹಮದ್ ಸಯೀದ್ ಅಲ್ ಬಲುಶಿಗೆ ಭೇಟಿ ನೀಡಿರುವುದು ಸೇರಿದಂತೆ ವ್ಯಾಪಕ ಶ್ರೇಣಿಯ ವಿಷಯಗಳನ್ನು ಒಳಗೊಂಡಿದೆ. ಇದರ ಸ್ಕ್ರೀನ್‌ಶಾಟ್ ಅನ್ನು ಕೆಳಗೆ ನೋಡಬಹುದು-

ನಂತರ, “ದುಬೈ 40 ದಿನಗಳ ಶೋಕಾಚರಣೆ ಓನ್ಲಿಫ್ಯಾನ್ಸ್” ಅಥವಾ “ರಾಡ್ವಿನ್ಸ್ಕಿಯ ಶೋಕಾಚರಣೆಯಲ್ಲಿ UAE” ಎಂಬ ಅಂತರ್ಜಾಲ ಹುಡುಕಾಟಗಳು ಯಾವುದೇ ಪರಿಶೀಲಿಸಿದ ಫಲಿತಾಂಶಗಳನ್ನು ನೀಡಿಲ್ಲ. ದುಬೈ ಸರ್ಕಾರ, ಪ್ರಧಾನಿ ಶೇಖ್ ಮೊಹಮ್ಮದ್ ರವರ ಕಚೇರಿ ಅಥವಾ ಯಾವುದೇ ಅಧಿಕೃತ ಪತ್ರಿಕೆಯಿಂದ ಯಾವುದೇ ಹೇಳಿಕೆಗಳು ಬಂದಿಲ್ಲ. ರಾಡ್ವಿನ್ಸ್ಕಿಯ ಮರಣಕ್ಕೆ ಸಂಬಂಧಿಸಿದಂತೆ ಧ್ವಜಗಳನ್ನು ಅರ್ಧಕ್ಕಿಳಿಸಿರುವುದು, ಅಧಿಕೃತ ತೀರ್ಪುಗಳು ಅಥವಾ ಶೋಕಾಚರಣೆಯ ಬ್ಯಾನರ್‌ಗಳನ್ನು ತೋರಿಸುವ ಯಾವುದೇ ದೃಶ್ಯಗಳು ದುಬೈಯಲ್ಲಿ ಕಂಡು ಬಂದಿಲ್ಲ.

ಹೀಗಾಗಿ, ಈ ಹೇಳೀಕೆ ಸಂಪೂರ್ಣವಾಗಿ ಸುಳ್ಳು.

ಇದನ್ನೂ ಓದಿ:

ಇರಾನ್ ನೌಕಾ ಹಡಗಿನ ಸ್ಥಳದ ಬಗ್ಗೆ ಭಾರತವು ಇಸ್ರೇಲ್‌ಗೆ ಮಾಹಿತಿ ನೀಡಿದೆ ಎಂದು ಜನರಲ್ ಉಪೇಂದ್ರ ದ್ವಿವೇದಿ ಒಪ್ಪಿಕೊಂಡಿದ್ದಾರೆಯೇ? ಸತ್ಯ ಪರಿಶೀಲನೆ

ಈ ಚಿತ್ರದಲ್ಲಿ ನಿಜವಾಗಿಯೂ ಅಲಾಸ್ಕಾದ ಆಗಸದಲ್ಲಿ ಬಿಳಿ ಔರೋರಾಗಳನ್ನು (ನಾರ್ದರ್ನ್ ಲೈಟ್ಸ್) ತೋರಿಸಲಾಗಿದೆಯೇ? ಸತ್ಯ ಪರಿಶೀಲನೆ

  40 days mourning, dubai, fact check in kannada, fact checking in kannada, fake news, kannada fact check, Kannada fake news, kannada false claim, Leonid Radvinsky, OnlyFans, OnlyFans CEO