ಸರ್ಬಿಯಾವನ್ನು ಕ್ರಿಶ್ಚಿಯನ್ ರಾಷ್ಟ್ರವೆಂದು ಘೋಷಿಸಲು ಒಂದು ಮಿಲಿಯ ಕ್ರೈಸ್ತರು ಬೀದಿಗಿಳಿದರೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ಸೆರ್ಬಿಯಾದ ಬೀದಿಗಳಲ್ಲಿ 1 ಮಿಲಿಯಕ್ಕಿಂತಲೂ ಹೆಚ್ಚು ಕ್ರೈಸ್ತರು ನೆರೆದು, ರಾಷ್ಟ್ರವನ್ನು ಕ್ರಿಶ್ಚಿಯನ್ ದೇಶವೆಂದು ಘೋಷಿಸಿದರು

ಕಡೆನುಡಿ/Conclusion: ಹೇಳಿಕೆ ಸುಳ್ಳು. ಈ ದೃಶ್ಯವು ಮಾರ್ಚ್ 15, 2025 ರಂದು ಭ್ರಷ್ಟಾಚಾರದ ವಿರುದ್ಧ ಮತ್ತು ಧರ್ಮಕ್ಕೆ ಸಂಬಂಧವಿಲ್ಲದ ರ‍್ಯಾಲಿಯನ್ನು ಚಿತ್ರಿಸುತ್ತದೆ. ನವೆಂಬರ್ 1, 2024 ರಂದು ನೋವಿ ಸಾಡ್ ರೈಲ್ವೆ ನಿಲ್ದಾಣದ ಛಾವಣಿ ಕುಸಿದು  15 ಜನ ಅನುನೀಗಿದ ಘಟನೆಯ ಸಂತ್ರಸ್ತರಿಗೆ ಗೌರವ ಸಲ್ಲಿಸಲು ಭಾಗಿಗಳು ದೀಪಗಳನ್ನು ಹಿಡಿದು 15 ನಿಮಿಷಗಳ ಮೌನವನ್ನು ಆಚರಿಸಿದರು.

ರೇಟಿಂಗ್/Rating : ಸಂಪೂರ್ಣವಾಗಿ ಸುಳ್ಳು-

********************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************

ಸರ್ಬಿಯಾವನ್ನು ಕ್ರಿಶ್ಚಿಯನ್ ದೇಶವೆಂದು ಘೋಷಿಸಲು ಒಂದು ಮಿಲಿಯಕ್ಕಿಂತಲೂ ಹೆಚ್ಚು ಕ್ರೈಸ್ತರು ಬೀದಿಗಳಲ್ಲಿ ನೆರೆದಿದ್ದಾರೆ ಎಂಬ ಹೇಳಿಕೆಗಳನ್ನು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹಂಚಿಕೊಂಡಿದ್ದಾರೆ. ಡಿಸೆಂಬರ್ 10, 2025 ರಂದು ಸರ್ಬಿಯಾವನ್ನು “ಕ್ರಿಶ್ಚಿಯನ್ ದೇಶ” ಎಂದು ಘೋಷಿಸಲು ಒಂದು ಮಿಲಿಯ ಕ್ರೈಸ್ತರು ಬೆಲ್‌ಗ್ರೇಡ್ ಬೀದಿಗಳಲ್ಲಿ ತುಂಬಿ ಪ್ರತಿಭಟನಾಕಾರರು ಈ “ಆಧ್ಯಾತ್ಮಿಕ ದಂಗೆಯಲ್ಲಿ” “ಕ್ರೈಸ್ತ ಧರ್ಮ ಮೇಲುಗೈ ಸಾಧಿಸುತ್ತದೆ” ಎಂದು ಘೋಷಣೆ ಕೂಗಿದರು ಎಂದು ದೃಢೀಕೃತ X ಬಳಕೆದಾರ ‘TheBritLad’ ಒಂದು ಪೋಸ್ಟ್ ಅನ್ನು ಹಂಚಿಕೊಂಡಿದ್ದಾರೆ.

ಪೋಸ್ಟ್‌ನಲ್ಲಿ ಸೆಲ್ ಫೋನ್ ದೀಪಗಳಿಂದ ಬೆಳಗಿದ ರಾತ್ರಿಯ ಜನಸಮೂಹದ ವೀಡಿಯೊ ಸೇರಿದೆ, “ಬೆಲ್‌ಗ್ರೇಡ್‌ನಲ್ಲಿ 1.370.000 ಜನರನ್ನು ಪ್ರತಿಭಟಿಸಿ” ಮತ್ತು ಸರ್ಬಿಯನ್ ಧ್ವಜವನ್ನು ಹೊಂದಿರುವ ಪಠ್ಯವನ್ನು ಆವರಿಸಲಾಗಿದೆ. ಇದು 62,000 ಕ್ಕೂ ಹೆಚ್ಚು ಲೈಕ್‌ಗಳು ಮತ್ತು 1.2 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ, ಅದನ್ನು ಕೆಳಗೆ ನೋಡಬಹುದು-

🚨HOLY SH*T: Over 1 MILLION Christians flood the streets of Serbia, boldly declaring the nation a CHRISTIAN COUNTRY.

These Anti-government protesters declare: “Christianity will prevail.”

A full-scale spiritual uprising is happening. pic.twitter.com/fMQOcS6MIi

— The British Patriot (@TheBritLad) December 10, 2025

Another user shared the same claim on Dec 13, 2025 which can be seen here:

🚨Over 1.3 MILLION Christians flood the streets of Serbia, pushing back on the government while declaring the nation a Christian Country.

👏🏼👏🏼👏🏼👏🏼👏🏼👏🏼👏🏼 pic.twitter.com/rfRc9rRFlc

— Sean Feucht (@seanfeucht) December 13, 2025

ಇತರ ಬಳಕೆದಾರರು ಸಹ ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅದನ್ನು ಇಲ್ಲಿ ನೋಡಬಹುದು.

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯನ್ನು ತನಿಖೆ ಮಾಡಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಈ ದೃಶ್ಯಗಳು ಮಾರ್ಚ್ 15, 2025 ರಂದು ನಡೆದ ರ‍್ಯಾಲಿಯನ್ನು ತೋರಿಸುತ್ತವೆ, ನವೆಂಬರ್ 1, 2024 ರಂದು ಸರ್ಬಿಯಾದ ನೋವಿ ಸಾಡ್ ರೈಲ್ವೆ ನಿಲ್ದಾಣದ ಕಾಂಕ್ರೀಟ್ ಮೇಲ್ಛಾವಣಿ ಕುಸಿದು 15 ಜನರು ಸಾವನ್ನಪ್ಪಿದ ಘಟನೆಯನ್ನು ಪ್ರತಿಭಟಿಸಲು ಇದನ್ನು ಆಯೋಜಿಸಲಾಗಿತ್ತು.

ಮಾರ್ಚ್ 2025 ರವರೆಗೆ ಕಳೆದ ನಾಲ್ಕು ತಿಂಗಳುಗಳಲ್ಲಿ ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳ ನೇತೃತ್ವದಲ್ಲಿ ಹಲವಾರು ಶಾಂತಿಯುತ ಪ್ರತಿಭಟನೆಗಳು ಸರ್ಬಿಯಾದಾದ್ಯಂತ 400 ನಗರಗಳು ಮತ್ತು ಪಟ್ಟಣಗಳಲ್ಲಿ ನಡೆದಿವೆ. ಸರ್ಬಿಯಾವನ್ನು ಕ್ರಿಶ್ಚಿಯನ್ ದೇಶವೆಂದು ಘೋಷಿಸಲು ಪ್ರತಿಭಟನೆ ನಡೆದಿದೆ ಎಂಬುದಕ್ಕೆ ಯಾವುದೇ ಪುರಾವೆ ಅಥವಾ ವಿಶ್ವಾಸಾರ್ಹ ಆಧಾರಗಳಿಲ್ಲ.

ವಿವರಗಳು:

ಈ ಹೇಳಿಕೆಯ ಬಗ್ಗೆ ತಿಳಿದುಕೊಳ್ಳಲು ನಾವು ಮೊದಲು ವೀಡಿಯೊದ ವಿವಿಧ ಕೀಫ್ರೇಮ್‌ಗಳ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ಹುಡುಕಾಟದಲ್ಲಿ ನಮಗೆ ಮಾರ್ಚ್ 16, 2025 ರಂದು TRT ವರ್ಲ್ಡ್‌ ಹಾಕಿದ ಫೇಸ್‌ಬುಕ್ ಪೋಸ್ಟ್‌ಗೆ ನಮ್ಮನ್ನು ಕರೆದೊಯ್ಯಿತು, ಅದರ ಶೀರ್ಷಿಕೆ ಹೀಗಿತ್ತು: “ಶನಿವಾರ, ಮಾರ್ಚ್ 15 ರಂದು, ಸಾವಿರಾರು ಜನರು ಬೆಲ್‌ಗ್ರೇಡ್‌ನ ಮಧ್ಯಭಾಗದಲ್ಲಿ “15 ಕ್ಕೆ 15” ಪ್ರತಿಭಟನೆಗಾಗಿ ಒಟ್ಟಾದರು, ಇದು ಹಲವಾರು ವರ್ಷಗಳಲ್ಲಿ ನಡೆದ ಸೆರ್ಬಿಯಾದ ಅತಿದೊಡ್ಡ ಸರ್ಕಾರಿ ವಿರೋಧಿ ರ‍್ಯಾಲಿಗಳಲ್ಲಿ ಒಂದಾಗಿದೆ.” ವೀಡಿಯೊವನ್ನು ಕೆಳಗೆ ನೋಡಬಹುದು.

ಇದರ ನಂತರ, ಸರಿಯಾದ ಮಾಹಿತಿಯನ್ನು ಪಡೆಯಲು ನಾವು “ಮಾರ್ಚ್ 15 ಪ್ರತಿಭಟನೆಗಳು ಬೆಲ್‌ಗ್ರೇಡ್” ಎಂಬ ಪದಗುಚ್ಛದೊಂದಿಗೆ ಅಂತರ್ಜಾಲ ಹುಡುಕಾಟವನ್ನು ನಡೆಸಿದೆವು. ಮಾರ್ಚ್ 16, 2025 ರಂದು ಪ್ರಕಟವಾದ BBC ವರದಿಯ ಪ್ರಕಾರ, “ಶನಿವಾರ (ಮಾರ್ಚ್ 15, 2025) ರೈಲ್ವೆ ನಿಲ್ದಾಣದ ಕಾಂಕ್ರೀಟ್ ಛಾವಣಿ ಕುಸಿದು 15 ಜನರ ಮರಣಹೊಂದಿದ ಘಟನೆಯ ವಿರುದ್ಧ ಪ್ರತಿಭಟಿಸಲು ಲಕ್ಷಾಂತರ ಜನರು ಸೆರ್ಬಿಯಾದ ರಾಜಧಾನಿಯಲ್ಲಿ ಬಂದಿಳಿದ್ದರು.” ಪ್ರತಿಭಟನೆಯಲ್ಲಿ 325,000ಕ್ಕೂ ಹೆಚ್ಚು ಜನರು ಹಾಜರಿದ್ದರು ಎಂದು ಸ್ವತಂತ್ರ ವರದಿಗಾರರು ಅಂದಾಜಿಸಿದ್ದಾರೆ ಎಂದು ವರದಿ ಹೇಳುತ್ತದೆ. ವರದಿಯ ಒಂದು ಭಾಗವನ್ನು ಕೆಲಗೆ ನೋಡಿ. –

CNN ವರ್ಲ್ಡ್‌ನ ಮತ್ತೊಂದು ವರದಿಯೂ ಇದನ್ನು ದೃಢಪಡಿಸುತ್ತಾ, “ನವೆಂಬರ್‌ನಲ್ಲಿ ಸರ್ಬಿಯಾದ ಉತ್ತರದಲ್ಲಿರುವ ರೈಲು ನಿಲ್ದಾಣದಲ್ಲಿ ಕಾಂಕ್ರೀಟ್ ಛಾವಣಿ ಕುಸಿದು 15 ಜನರು ಸಾವನ್ನಪ್ಪಿದ ನಂತರ ಭುಗಿಲೆದ್ದ ರಾಷ್ಟ್ರವ್ಯಾಪಿ ಭ್ರಷ್ಟಾಚಾರ ವಿರೋಧಿ ಚಳವಳಿಯ ಭಾಗವಾಗಿ ಈ ರ‍್ಯಾಲಿ ನಡೆಯಿತು” ಎಂದು ಹೇಳಿದೆ. ಈ ವರದಿಯು ಮುಂದುವರೆದು, “ಶನಿವಾರದ ರ‍್ಯಾಲಿಯನ್ನು “15 ಕ್ಕೆ 15″ ಎಂದು ಕರೆಯಲಾಯಿತು, ಇದು ಪ್ರತಿಭಟನೆಯ ದಿನಾಂಕ ಮತ್ತು ನವೆಂಬರ್ 1 ರಂದು ನೋವಿ ಸಾಡ್ ನಗರದಲ್ಲಿ ಮರಣಹೊಂದಿದ ಜನರ ಸಂಖ್ಯೆಯನ್ನು ಉಲ್ಲೇಖಿಸುತ್ತದೆ” ಎಂದು ಉಲ್ಲೇಖಿಸಿದೆ. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-

ನೋವಿ ಸಾಡ್ ಕುಸಿತದ ನಂತರದ ಭ್ರಷ್ಟಾಚಾರಕ್ಕೆ ಸಂಬಂಧಿಸಿದಂತೆ ಸರ್ಕಾರದ ಹೊಣೆಗಾರಿಕೆಯನ್ನು ಒತ್ತಾಯಿಸುವ ಈ ರ‍್ಯಾಲಿಯನ್ನು ವಿದ್ಯಾರ್ಥಿಗಳು ಮುನ್ನಡೆಸಿದರು ಎಂದು ಪೀಸ್ ಹ್ಯುಮಾನಿಟಿಯ ವರದಿಯಿಂದ ನಮಗೆ ತಿಳಿದುಬಂತು. ಪ್ರತಿಭಟನೆಯು “ಕ್ರಿಶ್ಚಿಯನ್ ದಂಗೆ” ಎಂಬುದಕ್ಕೆ ನಮಗೆ ಯಾವುದೇ ಪುರಾವೆಗಳು ಸಿಗಲಿಲ್ಲ. ಪ್ರತಿಭಟನೆಗಳು ನವೆಂಬರ್ 2024 ರಲ್ಲಿ ಅಧ್ಯಕ್ಷ ಅಲೆಕ್ಸಾಂಡರ್ ವುಸಿಕ್ ರವರ ಅಡಿಯಲ್ಲಿ ಮೂಲಸೌಕರ್ಯ ವೈಫಲ್ಯಗಳು ಮತ್ತು ಸರ್ವಾಧಿಕಾರತ್ವದ ಮೇಲೆ ಕೇಂದ್ರೀಕೃತವಾಗಿ ಪ್ರಾರಂಭವಾದವು, ಅವುಗಳಲ್ಲಿ ಯಾವುದೇ ಧಾರ್ಮಿಕ ಪಠಣಗಳಿರಲಿಲ್ಲ.

ಆದ್ದರಿಂದ, ಹೇಳಿಕೆ ಸುಳ್ಳು.

******************************************************
ಇದನ್ನೂ ಓದಿ:

ಈ ವೀಡಿಯೊ ನಿಜವಾಗಿಯೂ ಇಂಡೋನೇಷ್ಯಾ ಅಕ್ರಮ ಮೀನುಗಾರಿಕೆಗಾಗಿ 31 ಚೀನೀ ಹಡಗುಗಳನ್ನು ನಾಶಪಡಿಸುವುದನ್ನು ತೋರಿಸುತ್ತದೆಯೇ? ಸತ್ಯ ಪರಿಶೀಲನೆ

1000 ವರ್ಷ ಹಳೆಯ ವೆಸ್ಟ್‌ಮಿನಿಸ್ಟರ್ ಆಬಿಯಲ್ಲಿ ಬ್ರಿಟಿಷ್ ಧ್ವಜದ ಬದಲಿಗೆ ಪಾಕಿಸ್ತಾನದ ಧ್ವಜ ಬಂದಿದೆಯೇ? ಸತ್ಯ ಪರಿಶೀಲನೆ