ನೇಪಾಳಿ ಹಿಂದೂಗಳು ಉಡುಗೊರೆಗಳೊಂದಿಗೆ ಅಯೋಧ್ಯೆಗೆ ತಲುಪಿದರೆಂದು ತಪ್ಪಾಗಿ ಹೇಳಿ ಹಳೆಯ ವೀಡಿಯೊವನ್ನು ಹಂಚಿಕೊಳ್ಳಲಾಗಿದೆ; ಸತ್ಯ ಪರಿಶೀಲನೆ

ಹೇಳಿಕೆ/Claim: ನೇಪಾಳದಲ್ಲಿ ಸೀತಾ ಮಾತೆಯ ಮನೆಯಿಂದ ಅಯೋಧ್ಯೆಯ ಭಗವಾನ್ ರಾಮ ಮಂದಿರದವರೆಗಿನ ಭವ್ಯ ಮೆರವಣಿಗೆಯಲ್ಲಿ ಭಗವಾನ ರಾಮ ಮತ್ತು ಸೀತಾ ಮಾತೆಗೆ ಮದುವೆಯ ಉಡುಗೊರೆಯನ್ನು ಒಯ್ಯಲಾಗುತ್ತಿದೆ ಎಂದು ಒಂದು ವೀಡಿಯೊ ಹೇಳಿತು.

ಕಡೆನುಡಿ/Conclusion: ಸುಳ್ಳು. ಜುಲೈ 2023 ರಲ್ಲಿ ಧೀರೇಂದ್ರ ಕೃಷ್ಣ ಶಾಸ್ತ್ರಿಯವರ ‘ಭಗವತ್ ಕಥಾ‘ಗಾಗಿ 3-ಕಿಲೋಮೀಟರ್–ಉದ್ದದ ಕಲಶ ಯಾತ್ರೆಯಲ್ಲಿ ಸಾವಿರಾರು ಮಹಿಳೆಯರ ಹಳೆಯ ವೀಡಿಯೊವನ್ನು ಜನವರಿ 2024 ರಲ್ಲಿ ಅಯೋಧ್ಯೆಗೆ ನೇಪಾಳ ಭಕ್ತರ ಯಾತ್ರೆ ಎಂದು ಹಂಚಿಕೊಳ್ಳಲಾಯಿತು.

ರೇಟಿಂಗ್:ತಪ್ಪು ನಿರೂಪಣೆ —

ಸತ್ಯ ಪರಿಶೀಲನೆ ವಿವರಗಳು

ಜನವರಿ 22, 2024 ರಂದು ಅಯೋಧ್ಯೆಯ ರಾಮಮಂದಿರದಲ್ಲಿ ನಡೆದ ‘ಪ್ರಾಣ ಪ್ರತಿಷ್ಠೆ‘ ಕಾರ್ಯಕ್ರಮವು ಸಮೀಪಿಸುತ್ತಿದ್ದಂತೆ, ಹಲವಾರು ಸುಳ್ಳು ವೀಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡಲಾರಂಭಿಸಿದವು ಮತ್ತು ಅಂತಹ ಒಂದು ವೀಡಿಯೊದಲ್ಲಿ ‘ಜೈ ಶ್ರೀ ರಾಮ್‘ ಎಂದು ಘೋಷಣೆ ಕೂಗುವ ದೊಡ್ಡ ಮೆರವಣಿಗೆಯನ್ನು ತೋರಿಸಲಾಗಿದೆ. ನೇಪಾಳದ ಭಕ್ತರು ಈ ಕಾರ್ಯಕ್ರಮಕ್ಕೆ ಭಾರತಕ್ಕೆ ಆಗಮಿಸುತ್ತಿದ್ದಾರೆ ಎಂಬ ಹೇಳಿಕೆಯೊಂದಿಗೆ ಇದನ್ನು ಹಂಚಿಕೊಳ್ಳಲಾಗಿತ್ತು.

ವೀಡಿಯೊ ನೋಡಿ:

Wedding gift for Bhagwan #Ram and Maa Sita is being carried out in a grand procession from Maa Sita’s home in #Nepal to Bhagwan #RamMandir in #Ayodhya 🚩🚩🚩#RamMandirPranPratishta #AyodhyaSriRamTemple #NationalYouthDay #MumbaiGetsAtalSetu #AtalSetu #SwamiVivekananda #Hanuman pic.twitter.com/D0c5IEdHTA

— Abhishek Sharma (@sabhi1901) January 12, 2024

ಜನವರಿ 22, 2024 ರಂದು ‘ಪ್ರಾಣ ಪ್ರತಿಷ್ಠೆ‘ಯನ್ನು ನಿಗದಿಪಡಿಸಲಾಗಿತ್ತು ಮತ್ತು ಎರಡು ಲಕ್ಷಕ್ಕೂ ಹೆಚ್ಚು ಭಕ್ತರು ಅಯೋಧ್ಯೆಯಲ್ಲಿ ಸಮಾರಂಭವನ್ನು ವೀಕ್ಷಿಸುವ ನಿರೀಕ್ಷೆಯಿತ್ತು. ಇಂತಹ ಸಂದರ್ಭದಲ್ಲಿ, ವೈರಲ್ ಸಂದೇಶವು ದೇಶದ ಅನೇಕ ವೀಕ್ಷಕರನ್ನು ಆಕರ್ಷಿಸಿತು.

ಪೋಸ್ಟ್‌ನ ಶೀರ್ಷಿಕೆ ಹೀಗಿದೆ: “ನೇಪಾಳದಲ್ಲಿ ಸೀತಾ ಮಾತೆಯ ಮನೆಯಿಂದ ಅಯೋಧ್ಯೆಯ ಭಗವಾನ್ ರಾಮ ಮಂದಿರದವರೆಗಿನ ಭವ್ಯವಾದ ಮೆರವಣಿಗೆಯಲ್ಲಿ ಭಗವಾನ ರಾಮ ಮತ್ತು ಸೀತಾ ಮಾತೆಗೆ ಮದುವೆಯ ಉಡುಗೊರೆಯನ್ನು ಒಯ್ಯಲಾಗುತ್ತಿದೆ“. ಅದೇ ವೀಡಿಯೊದೊಂದಿಗೆ ಹಂಚಿಕೊಳ್ಳಲಾಗುತ್ತಿರುವ ಮತ್ತೊಂದು ಸಂದೇಶವು ಈ ಶೀರ್ಷಿಕೆಯನ್ನು ಹೊಂದಿದೆ: “ಬ್ರಾಹ್ಮಣ‘ ಅಲ್ಲ ‘ಕ್ಷತ್ರಿಯ‘ ಅಲ್ಲ ‘ವೈಶ್ಯ‘ ಅಲ್ಲ ‘ಶೂದ್ರ‘ ಅಲ್ಲ #RamMandirPranPratishtaಕ್ಕಾಗಿ ನೇಪಾಳದಿಂದ ಅಯೋಧ್ಯೆಗೆ ಆಗಮಿಸುತ್ತಿರುವ ಹಿಂದೂಗಳ ಮಹಾಸಾಗರವಷ್ಟೇ” .

ವೀಡಿಯೊವನ್ನು ಇಲ್ಲಿ ಮತ್ತು ಇಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗಿದೆ.

FACT CHECK

ವೀಡಿಯೊ ಪರಿಚಿತವಾಗಿರುವಂತೆ ಮತ್ತು ಅನೇಕ ಸಂದರ್ಭಗಳಲ್ಲಿ ಹಂಚಿಕೊಳ್ಳಲಾಗಿರುವಂತೆ ಕಂಡದ್ದರಿಂದ ಡಿಜಿಟೈ ಇಂಡಿಯಾ ತಂಡವು ಅದನ್ನು ಸತ್ಯ ಪರಿಶೀಲನೆಗೆ ಕೈಗೆತ್ತಿಕೊಂಡಿತು. ನಾವು ವೀಡಿಯೊವನ್ನು ಪ್ರಮುಖ ಫ್ರೇಮ್‌ಗಳಾಗಿ ವಿಂಗಡಿಸಿ ಅವುಗಳನ್ನು ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟದಲ್ಲಿ ಹುಡುಕಿದೆವು. ದೇವಮಾನವ ಧೀರೇಂದ್ರ ಕೃಷ್ಣ ಶಾಸ್ತ್ರಿಯವರ ಭಕ್ತರ ಮೆರವಣಿಗೆಗೆ ಸಂಬಂಧಿಸಿದಂತೆ ಜುಲೈ 9, 2023 ರಂದು ಪೋಸ್ಟ್ ಮಾಡಲಾದ ಟ್ವಿಟ್ಟರ್ ಸಂದೇಶದಲ್ಲಿದ್ದ ವೀಡಿಯೊವೊಂದು ದೊರಕಿತು.

“ನೋಯ್ಡಾದಲ್ಲಿ ಬಾಗೇಶ್ವರ್ ಧಾಮ್ ಸರ್ಕಾರ್ ಕಲಶ ಯಾತ್ರಾ” ಎಂದು ಕರೆಯಲ್ಪಡುವ ಇದನ್ನು ವ್ಯಾಪಕವಾಗಿ ಹಂಚಿಕೊಳ್ಳಲಾಗಿತ್ತು. ಗೂಗಲ್‌ನಲ್ಲಿ ಹೆಚ್ಚಿನ ಹುಡುಕಾಟ ನಡೆಸಿದಾಗ ಈ ಘಟನೆಯು “ಜೈತ್‌ಪುರ ಗ್ರೇಟರ್ ನೋಯ್ಡಾ ಶೋಭಾ ಯಾತ್ರೆ ಮತ್ತು ಕಲಶ ಯಾತ್ರೆ” ಎಂದು ತಿಳಿದುಬಂತು. ವೀಡಿಯೊವನ್ನು ಇಲ್ಲಿ ನೋಡಿ:

In Greater Noida Bageshwar government started and 11000 women took out Kalash Yatra जय श्री राम 🚩बागेश्वर धाम की जय🚩#BageshwarDhamSarkar #bageshwardham pic.twitter.com/WgtSgbogH4

— Nirpakh Post (@PostNirpakh) July 9, 2023

ಈ ಕಾರ್ಯಕ್ರಮವು ಇಲ್ಲಿ ಮತ್ತು ಇಲ್ಲಿ ವರದಿಯಾಗಿತ್ತು. ಗ್ರೇಟರ್ ನೋಯ್ಡಾದಲ್ಲಿ ದಿವ್ಯ ದರ್ಬಾರ್ ಆಚರಣೆಯ ಮೊದಲು ದೊಡ್ಡ ಕಲಶ ಯಾತ್ರೆಯನ್ನು ಆಯೋಜಿಸಲಾಗಿತ್ತು ಎಂದು ವರದಿಗಳು ತಿಳಿಸಿವೆ. 3 ಕಿಲೋಮೀಟರ್ ಉದ್ದದ ಈ ಕಲಶ ಯಾತ್ರೆಯಲ್ಲಿ ಸಾವಿರಾರು ಜನರು ಮುಖ್ಯವಾಗಿ ಮಹಿಳೆಯರು ಪಾಲ್ಗೊಂಡಿದ್ದರು. ಜುಲೈ 10 ಮತ್ತು ಜುಲೈ 16 ರ ನಡುವೆ ಧೀರೇಂದ್ರ ಕೃಷ್ಣ ಶಾಸ್ತ್ರಿಯವರಿಂದ ‘ಭಗವತ್ ಕಥಾ’ ನಡೆಯಿತು.

ಆದ್ದರಿಂದ, ಜುಲೈ 2023 ರ ಹಳೆಯ ವೀಡಿಯೊವನ್ನು ನೇಪಾಳದ ಭಕ್ತರು ಜನವರಿ 22, 2024 ರಂದು ರಾಮಮಂದಿರ ಪ್ರಾಣ ಪ್ರತಿಷ್ಠಾನ ಕಾರ್ಯಕ್ರಮಕ್ಕಾಗಿ ಉಡುಗೊರೆಗಳನ್ನು ತರುತ್ತಿದ್ದಾರೆ ಎಂದು ತಪ್ಪಾಗಿ ಹಂಚಿಕೊಳ್ಳಲಾಗಿದೆ.

ಇದನ್ನೂ ಓದಿ:

ತಮಿಳುನಾಡಿನಲ್ಲಿ BHEL ತಿರುಚ್ಚಿ ಘಟಕವು ರಾಮ ಮಂದಿರಕ್ಕಾಗಿ ಈ ಬೃಹತ್ ಗಂಟೆಗಳನ್ನು ತಯಾರಿಸಿದೆಯೇ? ಸತ್ಯ ಪರಿಶೀಲನೆ

ಅಯೋಧ್ಯೆ ರಾಮಮಂದಿರ ಕಾರ್ಯಕ್ರಮದ ಭಾಗವಾಗಿರುವ 25,000 ಹವನ ಕುಂಡಗಳನ್ನು ವೀಡಿಯೊ ತೋರಿಸುತ್ತದೆ: ಸತ್ಯ ಪರಿಶೀಲನೆ