ಭಾರತವು ಮಾಲ್ಡೀವ್ಸ್‌ನಿಂದ 28 ದ್ವೀಪಗಳನ್ನು “ಖರೀದಿಸಿದೆಯೇ”? ಸತ್ಯ ಪರಿಶೀಲನೆ

ಹೇಳಿಕೆ/Claim:ಭಾರತವು ಮಾಲ್ಡೀವ್ಸ್‌ನಿಂದ 28 ದ್ವೀಪಗಳನ್ನು ಖರೀದಿಸಿತು ಮತ್ತು ಅಧ್ಯಕ್ಷ ಮುಯಿಝು ರವರು ಅವುಗಳನ್ನು ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವ ಜೈಶಂಕರ್‌ ರವರಿಗೆ ಹಸ್ತಾಂತರಿಸಿದರು.

ಕಡೆನುಡಿ/Conclusion: ತಪ್ಪುದಾರಿಗೆಳೆಯುವ ಸುದ್ದಿ. ಭಾರತ 28 ದ್ವೀಪಗಳನ್ನು ಖರೀದಿಸಿಲ್ಲ, ಆದರೆ ನೀರು ಮತ್ತು ಒಳಚರಂಡಿ ಯೋಜನೆಗಳ ಅನುಷ್ಠಾನಕ್ಕಾಗಿ ಮಾಲ್ಡೀವ್ಸ್ ಅವುಗಳನ್ನು ಭಾರತಕ್ಕೆ ಹಸ್ತಾಂತರಿಸಿದೆ.

ರೇಟಿಂಗ್: ತಪ್ಪುದಾರಿಗೆಳೆಯುವ ಸುದ್ದಿ —

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.

************************************************************************

ಮಾಲ್ಡೀವ್ಸ್‌ನಲ್ಲಿ ಸರ್ಕಾರ ಬದಲಾದಾಗಿನಿಂದ ದ್ವಿಪಕ್ಷೀಯ ಸಂಬಂಧಗಳು ಕ್ಷೀಣಿಸಿವೆ. ಆದರೆ, ಇತ್ತೀಚೆಗೆ, ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್. ಜೈಶಂಕರ್ ಅವರು ಈ ದ್ವೀಪ ರಾಷ್ಟ್ರಕ್ಕೆ ಭೇಟಿ ನೀಡಿ, ಚೀನಾ-ಪರ ನಾಯಕರಾಗಿ ಕಂಡುಬರುವ ಅಧ್ಯಕ್ಷ ಮೊಹಮ್ಮದ್ ಮುಯಿಝು ರವರ ನೇತೃತ್ವದಲ್ಲಿ ಮಾಲ್ಡೀವ್ಸ್‌ನ ಹೊಸ ಸರ್ಕಾರದೊಂದಿಗೆ ಹಲವಾರು ಒಪ್ಪಂದಗಳನ್ನು ಮಾಡಿಕೊಂಡರು

ಜೈಶಂಕರ್ ರವರ ಭೇಟಿಯ ನಂತರ, ಭಾರತವು ಈ ದ್ವೀಪಸಮೂಹ ರಾಜ್ಯದಿಂದ 28 ದ್ವೀಪಗಳನ್ನು “ಖರೀದಿಸಿದೆ” ಎಂಬ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮ ಪೋಸ್ಟ್‌ಗಳು ಹೊರಹೊಮ್ಮಿವೆ.

India bought 28 islands from Maldives. Maldives handover its 28 Islands to India. President Muizzu himself signed the agreement.

Opposition is busy polishing shoes of #HindenburgResearch meanwhile Modiji bought 28 islands from Maldives 🔥😂😂 pic.twitter.com/K7KWig8Zmj

— Priyanka M Mishra (@soulfulgirlll) August 12, 2024

ಇತರ X ಬಳಕೆದಾರರು “ಭಾರತವು ಮಾಲ್ಡೀವ್ಸ್‌ನಿಂದ 28 ದ್ವೀಪಗಳನ್ನು ಖರೀದಿಸಿದೆ. ಮಾಲ್ಡೀವ್ಸ್ 28 ದ್ವೀಪಗಳನ್ನು ಭಾರತಕ್ಕೆ ಹಸ್ತಾಂತರಿಸಿದೆ. ಅಧ್ಯಕ್ಷ ಮುಯಿಝು ಸ್ವತಃ ಒಪ್ಪಂದಕ್ಕೆ ಸಹಿ ಹಾಕಿದರು.” ಎಂದು ಹೇಳಿದ್ದಾರೆ.  ಮತ್ತೊಬ್ಬ ಬಳಕೆದಾರರು, ಈ ವರ್ಷದ ಆರಂಭದಲ್ಲಿ ಪ್ರಧಾನಿ ಮೋದಿಯವರು ಲಕ್ಷದ್ವೀಪದ ದ್ವೀಪಗಳಿಗೆ ಭೇಟಿ ನೀಡಿದ್ದನ್ನು ಉಲ್ಲೇಖಿಸಿ,: “ಲಕ್ಷದ್ವೀಪ ಸಮುದ್ರ ತೀರದಲ್ಲಿ 50 ಮೀಟರ್ ನಡಿಗೆ ಮತ್ತು ಒಂದು ಟ್ವೀಟ್ ನ ಜಾದು”, ಎಂದು ಬರೆದಿದ್ದಾರೆ.

 

 

BREAKING : Maldives handover its 28 Islands to India. President Muizzu himself signed the agreement. pic.twitter.com/yKqX34Hhv7

— Baba Banaras™ (@RealBababanaras) August 12, 2024

ಅದೇ ಹೇಳಿಕೆಯನ್ನು ಇಲ್ಲಿಯೂ ಹಂಚಿಕೊಳ್ಳಲಾಗುತ್ತಿದೆ:

Modi is the Boss!🔥

Once again, he proved it.

India took control of 28 islands from Maldives💪 pic.twitter.com/UHgPourg5t

— Amar Prasad Reddy (@amarprasadreddy) August 12, 2024

FACT CHECK:

ಭಾರತವು ದ್ವೀಪಗಳನ್ನು ಖರೀದಿಸಿರುವುದು ಹಿಂದೆಂದೂ ಕೇಳಿರದ ವಿಷಯವಾದ ಕಾರಣ, ಡಿಜಿಟೈ ಇಂಡಿಯಾ ತಂಡವು  ಸಂಬಂಧಿತ ಮಾಹಿತಿಗಾಗಿ, ತ್ವರಿತ ಗೂಗಲ್ ಹುಡುಕಾಟವನ್ನು ನಡೆಸಿತು ಮತ್ತು ಈ ಹೇಳಿಕೆಯು ತಪ್ಪುದಾರಿಗೆಳೆಯುವಂಥದ್ದು ಎಂದು ಕಂಡುಕೊಂಡಿತು. ಮಾಲ್ಡೀವ್ಸ್ ಚೀನಾಕ್ಕೆ ಹತ್ತಿರವಾಗುತ್ತಿರುವುದು ಕಂಡುಬಂದಾಗ, ಮೂರು ದಿನಗಳ ಭೇಟಿ ನಿರ್ಣಾಯಕ ಘಟ್ಟಕ್ಕಿಳಿಯಿತು ಎಂದು ಜೈಶಂಕರ್ ಅವರ ಭೇಟಿಯ ಸುದ್ದಿ ವರದಿಗಳು ಬಹಿರಂಗಪಡಿಸುತ್ತವೆ.

ವಾಸ್ತವಿಕವಾಗಿ, ಭಾರತವು ಈ ಹಿಂದೆ ಮಾಲ್ಡೀವ್ಸ್ ಸರ್ಕಾರದೊಂದಿಗೆ ಮಾತುಕತೆ ನಡೆಸಿದ್ದು, ಈ 28 ದ್ವೀಪಗಳಲ್ಲಿ ಹಲವಾರು ನೀರು ಮತ್ತು ಒಳಚರಂಡಿ ಯೋಜನೆಗಳನ್ನು ಜಾರಿಗೆ ತರಲು ಮುಂದಾಗಿತ್ತು. ಭಾರತದ ವಿದೇಶಾಂಗ ಸಚಿವರ ಭೇಟಿಯು ಈ ಯೋಜನೆಗಳನ್ನು ಖಚಿತಗೊಳಿಸಿತು ಮತ್ತು ಅದರನುಸಾರ, ಆತಿಥೇಯ ಸರ್ಕಾರವು ದ್ವೀಪ ರಾಷ್ಟ್ರದ ತೀವ್ರ ಅಗತ್ಯಗಳನ್ನು ಪೂರೈಸಲು ನೀರಿನ ಯೋಜನೆಗಳ ಅನುಷ್ಠಾನಕ್ಕಾಗಿ ದ್ವೀಪಗಳನ್ನು ಹಸ್ತಾಂತರಿಸಿದೆ.

ಜೈಶಂಕರ್ ರವರು ತಮ್ಮ ಟ್ವೀಟ್‌ಗಳಲ್ಲಿಯೂ ಈ ಯೋಜನೆಯನ್ನು ಘೋಷಿಸುವ ಮೂಲಕ, ಸುದ್ದಿ ವರದಿಗಳನ್ನು ದೃಢೀಕರಿಸಿದ್ದಾರೆ:

India Maldives Friendship is people – centric. Please see.

🇮🇳 🇲🇻 pic.twitter.com/qTKWndXQdN

— Dr. S. Jaishankar (@DrSJaishankar) August 11, 2024

Concluded a productive visit to Maldives!

Living up to the message of our ties: ‘Imagined by Maldives, Delivered by India’.
🇮🇳 🇲🇻

Some highlights: pic.twitter.com/RmdM3WLSoj

— Dr. S. Jaishankar (@DrSJaishankar) August 12, 2024

ಮಾಲ್ಡೀವ್ಸ್‌ನಲ್ಲಿ ಅಧ್ಯಕ್ಷ ಮುಯಿಝು ರವರೊಂದಿಗೆ ಜೈ ಶಂಕರ್ ರವರು ನೀರು ಮತ್ತು ಒಳಚರಂಡಿ ಜಾಲವನ್ನು ಉದ್ಘಾಟಿಸಿದರು ಎಂದು ಸುದ್ದಿ ವರದಿ ಹೇಳುತ್ತದೆ. ಈ ಯೋಜನೆಯು ಮಾಲ್ಡೀವ್ಸ್‌ನ 28 ದ್ವೀಪಗಳ ನಡುವೆ ಸಂಪರ್ಕ ಕಲ್ಪಿಸುತ್ತದೆ ಮತ್ತು ಅವುಗಳನ್ನು ಇಂಡಿಯನ್ ಎಕ್ಸಿಮ್ ಬ್ಯಾಂಕ್‌ನಿಂದ ಸಾಲ ಪಡೆದು ನಿರ್ಮಿಸಲಾಗಿದೆ. ಇದರ ಜೊತೆಗೆ,  ಮಾನಸಿಕ ಆರೋಗ್ಯ ಮತ್ತು ಬೀದಿ ದೀಪಗಳಂತಹ ಇತರ ಸಮುದಾಯ-ಕೇಂದ್ರಿತ ಯೋಜನೆಗಳನ್ನು ಭಾರತವು ಕೈಗೊಂಡಿದೆ.

ಮಾಲ್ಡೀವ್ಸ್ ಅಧ್ಯಕ್ಷ ಮುಯಿಝು ರವರು ಕೂಡ ಈ ಕಾರ್ಯಕ್ರಮದ ಬಗ್ಗೆ ಟ್ವೀಟ್ ಮಾಡಿದ್ದು, ದ್ವಿಪಕ್ಷೀಯ ಸಂಬಂಧಗಳನ್ನು ಬಲಪಡಿಸಿದ್ದಕ್ಕಾಗಿ ಭಾರತ ಸರ್ಕಾರಕ್ಕೆ ಧನ್ಯವಾದಗಳನ್ನು ತಿಳಿಸಿದ್ದಾರೆ.

 

It was a pleasure to meet @DrSJaishankar today and join him in the official handover of water and sewerage projects in 28 islands of the Maldives. I thank the Government of India, especially Prime Minister @narendramodi for always supporting the Maldives. Our enduring partnership… pic.twitter.com/fYtFb5QI6Q

— Dr Mohamed Muizzu (@MMuizzu) August 10, 2024

ಹೀಗಾಗಿ, ನೀರು ಮತ್ತು ಒಳಚರಂಡಿ ಯೋಜನೆಗಳನ್ನು ಕಾರ್ಯಗತಗೊಳಿಸಲು ಈ ದ್ವೀಪಗಳನ್ನು ಹಸ್ತಾಂತರಿಸಲಾಗಿರುವುದರಿಂದ, ಈ 28 ದ್ವೀಪಗಳನ್ನು ಭಾರತವು ಖರೀದಿಸಿದೆ ಎಂಬ ಹೇಳಿಕೆ ಸುಳ್ಳಾಗಿದೆ. 

ಇದನ್ನೂ ಓದಿ:

ಈ ಚಿತ್ರವು ರಾಜಸ್ಥಾನದ 5000 ವರ್ಷ ಹಳೆಯ ದೇವಾಲಯವನ್ನು ತೋರಿಸುತ್ತದೆಯೇ? ಸತ್ಯ ಪರಿಶೀಲನೆ

ಎನ್‌ಡಿಎ ಸರ್ಕಾರ ರಚನೆಯ ಮುನ್ನ ನಿತೀಶ್ ಕುಮಾರ್ ಇಂಡಿಯಾ ಬ್ಲಾಕ್ ನಾಯಕರನ್ನು ಭೇಟಿ ಮಾಡಿದರೇ? ಸತ್ಯ ಪರಿಶೀಲನೆ