ಸರ್ಕಾರದ ಒತ್ತಡದಿಂದಾಗಿ ಆಕ್ಸ್‌ಫರ್ಡ್ ಯೂನಿಯನ್‌ನಲ್ಲಿ ಭಾರತ-ಪಾಕಿಸ್ತಾನ ಚರ್ಚೆಯಿಂದ ಸಚಿನ್ ಪೈಲಟ್ ಅವರನ್ನು ಹೊರತೆಗೆಯಲಾಯಿತೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ಸರ್ಕಾರದ ಒತ್ತಡದಿಂದಾಗಿ ಆಕ್ಸ್‌ಫರ್ಡ್ ಯೂನಿಯನ್‌ನಲ್ಲಿ ಭಾರತ-ಪಾಕಿಸ್ತಾನ ಚರ್ಚೆಯಿಂದ ತಮ್ಮನ್ನು ಹೊರತೆಗೆಯಲಾಯಿತು ಎಂದು ರಾಜಸ್ಥಾನ ಕಾಂಗ್ರೆಸ್ ನಾಯಕ ಸಚಿನ್ ಪೈಲಟ್ ಅವರು ಹೇಳಿದ್ದಾರೆ.

ಕಡೆನುಡಿ/Conclusion: ಈ ಹೇಳಿಕೆ ತಪ್ಪು ನಿರೂಪಣೆ ನೀಡುತ್ತದೆ. ಈ ಹೇಳಿಕೆ ನೀಡಿರುವ ವೀಡಿಯೊದಲ್ಲಿನ ಆಡಿಯೊವನ್ನು AI ಬಳಸಿ ಬದಲಾಯಿಸಲಾಗಿದೆ. ಮೂಲ ವೀಡಿಯೊದಲ್ಲಿ, ಸಚಿನ್ ಪೈಲಟ್ NSUI ರಾಜಸ್ಥಾನ ಅಧ್ಯಕ್ಷರನ್ನು ಭೇಟಿ ಮಾಡುವ ತಮ್ಮ ಪ್ರಯತ್ನದ ಬಗ್ಗೆ ಮಾತನಾಡುತ್ತಿದ್ದರು.

ರೇಟಿಂಗ್/Rating : ತಪ್ಪು ನಿರೂಪಣೆ —

******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************

ಸರ್ಕಾರದ ಒತ್ತಡದಿಂದಾಗಿ ಆಕ್ಸ್‌ಫರ್ಡ್ ಯೂನಿಯನ್ ಚರ್ಚೆಯಿಂದ ಭಾರತೀಯರು ಹೊರನಡೆದ ಬಗ್ಗೆ ಸಚಿನ್ ಪೈಲಟ್ ಹೇಳಿಕೆ ನೀಡಿದ್ದಾರೆ ಎಂದು ಕೆಲವು ಬಳಕೆದಾರರು ಹೇಳಿಕೊಳ್ಳುತ್ತಿದ್ದಾರೆ. X ಬಳಕೆದಾರ ‘Kussikhuelafn’ ಈ ಮುಂದಿನ ಶೀರ್ಷಿಕೆಯೊಂದಿಗೆ ಅಂತಹ ಹೇಳಿಕೆ ನೀಡಿದ್ದಾರೆ: “ನಿನ್ನೆಯ ನನ್ನ ವರದಿಯನ್ನು ಈಗ ಸಚಿನ್ ಪೈಲಟ್ ದೃಢಪಡಿಸಿದ್ದಾರೆ. ಭಾರತೀಯ ನಿಯೋಗವು ಮೋದಿ ಸರ್ಕಾರದ ಒತ್ತಡದಲ್ಲಿ ಹೊರನಡೆಯಿತು. ಬಿಜೆಪಿಯು ನನ್ನ ಭಾರತವನ್ನು ವಿಶ್ವ ವೇದಿಕೆಯಲ್ಲಿ ಏಕೆ ಅವಮಾನಿಸುತ್ತಿದೆ? ಜಗತ್ತಿನಾದ್ಯಂತ ಭಾರತೀಯರ ನೈತಿಕ ಮೌಲ್ಯಗಳು ಮತ್ತು ಖ್ಯಾತಿಗೆ ಹಾನಿಯುಂಟುಮಾಡಿದ್ದು ಏಕೆ?”

ಭಾರತ-ಪಾಕಿಸ್ತಾನ ಸಂಬಂಧಗಳ ಕುರಿತಾದ ಚರ್ಚೆಯಿಂದ ಅವರನ್ನು “ಸರ್ಕಾರದ ಒತ್ತಡದಿಂದಾಗಿ ಕೊನೆಯ ಕ್ಷಣದಲ್ಲಿ ಹೊರತೆಗೆಯಲಾಯಿತು” ಎಂದು ಪೈಲಟ್ ಹೇಳುವ 17 ಕ್ಷಣಗಳ ವೀಡಿಯೊ ಕ್ಲಿಪ್ ಅನ್ನು ಪೋಸ್ಟ್ ನಲ್ಲಿ ಲಗತ್ತಿಸಲಾಗಿದೆ. ಈ ಪೋಸ್ಟ್ ಗೆ 470,000 ಕ್ಕೂ ಹೆಚ್ಚು ವೀಕ್ಷಣೆಗಳು ದೊರೆತಿವೆ ಮತ್ತು ಅದನ್ನು ಕೆಳಗೆ ವೀಕ್ಷಿಸಬಹುದು –

🚨
My report from yesterday has now been confirmed by Sachin Pilot. The Indian delegation’s walkout happened under pressure from the Modi govt.

Why is the BJP humiliating my India on the world stage?
Why were the moral values and reputation of Indians damaged across the globe? https://t.co/Hb2aKoPrDz pic.twitter.com/Tev8zla5rt

— Annushi Tiwari🇮🇳 (@Kussikhuelafn) November 28, 2025

ಪೋಸ್ಟ್‌ನಲ್ಲಿ ಹಂಚಿಕೊಳ್ಳಲಾದ ವೀಡಿಯೊದ ಸಂಪೂರ್ಣ ಹೇಳಿಕೆ ಇಲ್ಲಿದೆ: “ಪಾಕಿಸ್ತಾನ-ಭಾರತ ಸಂಬಂಧಗಳ ಬಗ್ಗೆ ಮುಕ್ತವಾಗಿ ಮಾತನಾಡಲು ಈ ಚರ್ಚೆಯಲ್ಲಿ ಭಾಗವಹಿಸಲು ನಾನು ಪ್ರಾಮಾಣಿಕವಾಗಿ ಎದುರು ನೋಡುತ್ತಿದ್ದೆ. ನನ್ನ ಅಭಿಪ್ರಾಯಗಳನ್ನು ಹಂಚಿಕೊಳ್ಳಲು ನಾನು ನಿಜವಾಗಿಯೂ ಎದುರು ನೋಡುತ್ತಿದ್ದೆ. ನನ್ನನ್ನು ಈ ಕೆಲಸ ಆಯ್ಕೆ ಮಾಡಲಾಗಿದ್ದು ನನಗೆ ದೊಡ್ಡ ಗೌರವವಾಗಿತ್ತು. ಆದರೆ ಅನಿರೀಕ್ಷಿತವಾಗಿ, ಸರ್ಕಾರದ ಒತ್ತಡದಿಂದಾಗಿ ಕೊನೆಯ ಕ್ಷಣದಲ್ಲಿ ನನ್ನನ್ನು ಹೊರತೆಗೆಯಲಾಯಿತು (Sic)”..

ಸತ್ಯ ಪರಿಶೀಲನೆ

ಡಿಜಿಟಲ್ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಹೇಳಿಕೆ ಸುಳ್ಳು ಎಂದು ಕಂಡುಕೊಂಡಿತು. ಈ ದೃಶ್ಯಾವಳಿ ಹಿಂದಿನ ಬೇರೆಂದು ಘಟನೆಯದ್ದು ಮತ್ತು ಇದರ ಧ್ವನಿಮುದ್ರೆಯನ್ನು AI ಬಳಸಿ ಬದಲಾಯಿಸಲಾಗಿದೆ. ಆಕ್ಸ್‌ಫರ್ಡ್ ಯೂನಿಯನ್ ಚರ್ಚೆಯಲ್ಲಿ ಭಾರತೀಯರ ಹೊರನಡೆಯುವಿಕೆಯ ಬಗ್ಗೆ ಸಚಿನ್ ಪೈಲಟ್ ಅಂತಹ ಯಾವುದೇ ಹೇಳಿಕೆ ನೀಡಿದ್ದಾರೆ ಎಂದು ದೃಢಪಡಿಸುವ ಯಾವುದೇ ವರದಿಯಿಲ್ಲ. 

ಈ ಹೇಳಿಕೆಯ ಬಗ್ಗೆ ತಿಳಿದುಕೊಳ್ಳಲು ನಾವು ಮೊದಲು “ಸರ್ಕಾರದ ಒತ್ತಡದಿಂದಾಗಿ ಸಚಿನ್ ಪೈಲಟ್ ಭಾರತದ ಹೊರನಡೆತ” ಎಂಬ ಪದಗಳೊಂದಿಗೆ ಅಂತರ್ಜಾಲ ಹುಡುಕಾಟ ನಡೆಸಿದೆವು. ಆದರೆ ವಿಶ್ವಾಸಾರ್ಹ ಮಾಧ್ಯಮಗಳಿಂದ ನಮಗೆ ಯಾವುದೇ ವರದಿಗಳು ಸಿಗಲಿಲ್ಲ. ಇದಲ್ಲದೆ, ಸಚಿನ್ ಪೈಲಟ್ ಅವರ ಅಧಿಕೃತ ಖಾತೆಗಳನ್ನು ಪರಿಶೀಲಿಸಿದಾಗ, ಘಟನೆಗೆ ಸಂಬಂಧಿಸಿದ ಯಾವುದೇ ಮಾಹಿತಿ ನಮಗೆ ಸಿಗಲಿಲ್ಲ.

ತದನಂತರ, ಮೂಲ ಕ್ಲಿಪ್ ಅನ್ನು ಪಡೆಯಲು ನಾವು ವೀಡಿಯೊದ ವಿವಿಧ ಕೀಫ್ರೇಮ್‌ಗಳನ್ನು ಬಳಸಿ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ನಮ್ಮ ಹುಡುಕಾಟದಲ್ಲಿ ಯುಟ್ಯೂಬ್ ವಾಹಿನಿಯಲ್ಲಿ ಅಕ್ಟೋಬರ್ 5 ರಂದು ಪೋಸ್ಟ್ ಮಾಡಲಾದ ಇಂಡಿಯಾ ಟುಡೇಯ ವೀಡಿಯೊ ನಮ್ಮ ಕೈಸಿಕ್ಕಿತು, ಅದರ ಶೀರ್ಷಿಕೆ ಹೀಗಿತ್ತು: “#SachinPilot Denied #JailVisit to #NSUI #RajasthanPresident Detained After #RSSProtest | #indiatoday”.  ಇದರ ಸ್ಕ್ರೀನ್‌ಶಾಟ್ ಅನ್ನು ಕೆಳಗೆ ನೋಡಿ-

(ಕೃಪೆ: ಇಂಡಿಯಾ ಟುಡೇ)

ಮೂಲ ವೀಡಿಯೊದಲ್ಲಿ, ಸಚಿನ್ ಪೈಲಟ್ ಅವರು NSUI ರಾಜಸ್ಥಾನದ ಅಧ್ಯಕ್ಷ ವಿನೋದ್ ಜಾಖರ್ ಅವರನ್ನು ಭೇಟಿ ಮಾಡಲು ಪ್ರಯತ್ನಿಸುತ್ತಿರುವುದಾಗಿ ಮಾಧ್ಯಮಗಳೊಂದಿಗೆ ಮಾತನಾಡುತ್ತಿರುವುದನ್ನು ಕಾಣಬಹುದು, ಆ ಸಮಯದಲ್ಲಿ RSS ಕಾರ್ಯಕ್ರಮದ ವಿರುದ್ಧ ನಡೆದ ಪ್ರತಿಭಟನೆ ಮತ್ತು ನಂತರ ಲಾಠಿ ಚಾರ್ಜ್ ಆದನಂತರ ಜಾಖರ್ ಅವರನ್ನು ಬಂಧಿಸಿ ವಿವಿಧ ಆರೋಪಗಳ ಅಡಿಯಲ್ಲಿ ದೂರು ದಾಖಲಿಸಲಾಗಿತ್ತು. ಅಧಿಕಾರಿಗಳು ಜಾಖರ್ ಅವರನ್ನು ಭೇಟಿಯಾಗದಂತೆ ತಮ್ಮನ್ನು ತಡೆದರು ಎಂದು ಪೈಲಟ್ ಹೇಳುತ್ತಾ, ಆದರೆ ನ್ಯಾಯಾಲಯಗಳಲ್ಲಿ ವಿಶ್ವಾಸವಿದೆಯೆಂದೂ ವ್ಯಕ್ತಪಡಿಸಿದ್ದರು ಮತ್ತು ಮುಂದಿನ ದಿನಗಳಲ್ಲಿ ಅವರನ್ನು ಭೇಟಿಯಾಗಲು ಅನುಮತಿ ನೀಡಲಾಗುವುದು ಎಂದು ಆಶಿಸಿದ್ದರು.

ಮುಂದೆ, ನಾವು ಹೇಳಿಕೆಯಲ್ಲಿರುವ ವೀಡಿಯೊದಿಂದ ಆಡಿಯೊವನ್ನು ಹೊರತೆಗೆದು ಹೈವ್ ಮಾಡರೇಶನ್‌ನ AI ಆಡಿಯೊ ಚೆಕರ್ ನಲ್ಲಿ ಪರೀಕ್ಷಿಸಿದೆವು. ಇದು 72% AI ಹೊಂದಿರುವ AI-ರಚಿತ ಅಥವಾ ಡೀಪ್‌ಫೇಕ್ ವಿಷಯವನ್ನು ಒಳಗೊಂಡಿರುವ ಸಾಧ್ಯತೆಯಿದೆ ಎಂದು ಫಲಿತಾಂಶಗಳಲ್ಲಿ ಸಾಬೀತಾಯಿತು. ಫಲಿತಾಂಶಗಳ ಸ್ಕ್ರೀನ್‌ಶಾಟ್ ಅನ್ನು ಕೆಳಗೆ ನೋಡಿ –

ಕೊನೆಯದಾಗಿ, ವೈರಲ್ ವೀಡಿಯೊದಲ್ಲಿ ಹೇಳಿರುವಂತೆ ಭಾರತ ಮತ್ತು ಪಾಕಿಸ್ತಾನ ನಡುವಿನ ಆಕ್ಸ್‌ಫರ್ಡ್ ಯೂನಿಯನ್ ಚರ್ಚೆಯ ವಿಷಯದ ಬಗ್ಗೆ ಹೇಳುವುದಾದರೆ, ಆ ಚರ್ಚೆಯು ನಡೆಯಲಿಲ್ಲ. ಮತ್ತು ಸಚಿನ್ ಪೈಲಟ್ ಅದರ ಭಾಗವಾಗಿರಲಿಲ್ಲ. ಅದು ಸಂಪೂರ್ಣವಾಗಿ ಬೇರೆಯದೇ ಆದ ಕಾರ್ಯಕ್ರಮವಾಗಿತ್ತು.

ನವೆಂಬರ್ 27, 2025 ರಂದು ಟೈಮ್ಸ್ ಆಫ್ ಇಂಡಿಯಾ ಪ್ರಕಟಿಸಿದ ವರದಿಯ ಪ್ರಕಾರ, ಪಾಕಿಸ್ತಾನಿಗಳು ಗೈರುಹಾಜರಾದ ಕಾರಣ ಚರ್ಚೆಯನ್ನು ರದ್ದುಗೊಳಿಸಲಾಯಿತು, ಮತ್ತು ಭಾರತೀಯರು ಹೊರನಡೆದ ಕಾರಣದಿಂದಲ್ಲ.

“ಪಾಕಿಸ್ತಾನ ನಿಯೋಗ, ಸ್ಟಾಫ್ ಸಮಿತಿಯ ಜಂಟಿ ಮುಖ್ಯಸ್ಥರ ಮಾಜಿ ಅಧ್ಯಕ್ಷ ಜುಬೈರ್ ಮಹಮೂದ್ ಹಯಾತ್ ಮತ್ತು ಪಾಕಿಸ್ತಾನದ ಮಾಜಿ ವಿದೇಶಾಂಗ ಸಚಿವೆ ಹಿನಾ ರಬ್ಬಾನಿ ಖರ್ ಅವರು ಬರುತ್ತಿಲ್ಲ ಎಂದು ಹರಾಜ್ ಅವರಿಂದ ವೈಯಕ್ತಿಕ ಕರೆ ಬಂದಿತು ಎಂದು” ಹಿರಿಯ ವಕೀಲ ಜೆ ಸಾಯಿ ದೀಪಕ್ ಅವರು ಹೇಳಿರುವುದಾಗಿ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಆದ್ದರಿಂದ, ಭಾರತೀಯ ತಂಡ ಆಕ್ಸ್‌ಫರ್ಡ್‌ಗೆ ಹೋಗಲಿಲ್ಲ.

ಪಾಕಿಸ್ತಾನ ಹೈಕಮಿಷನ್ ಭಾರತ ಹಿಂದೆ ಸರಿದಿದೆ ಎಂದು ಟ್ವೀಟ್ ಮಾಡಿದ ನಂತರ, ಪಾಕಿಸ್ತಾನವು ಸುಳ್ಳಾಗಿ ವಿಜಯವನ್ನು ಘೋಷಿಸಲು ಆಕ್ಸ್‌ಫರ್ಡ್ ಯೂನಿಯನ್ ಅನುವು ಮಾಡಿಕೊಟ್ಟಿದೆ ಎಂದು ಸಾಯಿ ಆರೋಪಿಸಿದರು. ಭಾರತದ ಕಡೆಯವರು ಚರ್ಚೆಗೆ ಸಿದ್ಧರಿದ್ದರೆಂದು ಅವರು ಒತ್ತಿ ಹೇಳಿದರು ಮತ್ತು ಪಾಕಿಸ್ತಾನ ನಿಯೋಗವು ಇನ್ನೂ ಆಕ್ಸ್‌ಫರ್ಡ್‌ನಲ್ಲಿದ್ದರೆ ಭಾರತವನ್ನು ಎದುರಿಸುವಂತೆ ಸವಾಲು ಹಾಕಿದರು. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ:

 

ಹೀಗಾಗಿ, ಹೇಳಿಕೆಯಲ್ಲಿ ನೀಡಲಾದ ವೀಡಿಯೊದಲ್ಲಿನ ಆಡಿಯೊವನ್ನು AI ಬಳಸಿ ಬದಲಾಯಿಸಲಾಗಿದೆ, ಈ ವೀಡಿಯೊ ವಾಸ್ತವಾಗಿ ಸಂಪೂರ್ಣವಾಗಿ ವಿಭಿನ್ನ ಘಟನೆಗೆ ಸಂಬಂಧಿಸಿದ್ದು.

ಹೀಗಾಗಿ, ಈ ಹೇಳಿಕೆ ತಪ್ಪು ನಿರೂಪಿಸಲು ರಚಿಸಿರುವಂಥದ್ದು.

******************************************************
ಇದನ್ನೂ ಓದಿ:

ಗೌತಮ್ ಗಂಭೀರ್ ನಿಜವಾಗಿಯೂ ಭಾರತ ಪುರುಷರ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆಯೇ? ಸತ್ಯ ಪರಿಶೀಲನೆ

ಈ ವೀಡಿಯೊ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಯುವತಿಯೊಂದಿಗೆ ವಿದೇಶಕ್ಕೆ ಹೋಗುವುದನ್ನು ತೋರಿಸುತ್ತದೆಯೇ? ಸತ್ಯ ಪರಿಶೀಲನೆ