ಈ ಚಿತ್ರ ನಿಜವಾಗಿಯೂ ವರ್ಷದ ನ್ಯಾಷನಲ್ ಜಿಯಾಗ್ರಫಿಕ್ ಪ್ರಶಸ್ತಿ ವಿಜೇತ ಛಾಯಾಚಿತ್ರವೇ? ಸತ್ಯ ಪರಿಶೀಲನೆ

ಹೇಳಿಕೆ/Claim :  ಚಿತ್ರವು ಈ ವರ್ಷದ ನ್ಯಾಷನಲ್ ಜಿಯಾಗ್ರಫಿಕ್ ಪ್ರಶಸ್ತಿ ವಿಜೇತ ಛಾಯಾಚಿತ್ರ ಎಂದು ಹೇಳಲಾಗಿದೆ..

ಕಡೆನುಡಿ/Conclusion : ಹೇಳಿಕೆ ಸಂಪೂರ್ಣವಾಗಿ ಸುಳ್ಳು. ಚಿತ್ರವನ್ನು AI ಮೂಲಕ ರಚಿಸಲಾಗಿದೆ ಮತ್ತು ಇದು ಈ ವರ್ಷದ ನ್ಯಾಷನಲ್ ಜಿಯಾಗ್ರಫಿಕ್ ಪ್ರಶಸ್ತಿ ವಿಜೇತ ಛಾಯಾಚಿತ್ರವಲ್ಲ. ನ್ಯಾಷನಲ್ ಜಿಯಾಗ್ರಫಿಕ್‌ನ ಅಧಿಕೃತ “ವರ್ಷ 2025ರ ಚಿತ್ರ” ಸಂಗ್ರಹವು ವನ್ಯಜೀವ, ವಿಜ್ಞಾನ ಮತ್ತು ಮಾನವ ಕಥೆಗಳಂತಹ ವಿಷಯಗಳನ್ನು ಒಳಗೊಂಡಂತಹ, ಅವರ ಛಾಯಾಗ್ರಾಹಕರು ಸಲ್ಲಿಸಿದ ಸಾವಿರಾರು ಚಿತ್ರಗಳಿಂದ ಆಯ್ದ 25 ಚಿತ್ರಗಳನ್ನು ಒಳಗೊಂಡಿದೆ. ದಕ್ಷಿಣ ಆಫ್ರಿಕಾದ ಛಾಯಾಗ್ರಾಹಕ ವಿಮ್ ವ್ಯಾನ್ ಡೆನ್ ಹೀವರ್ ವರ್ಷದ (2025) 61ನೇ ವನ್ಯಜೀವಿ ಛಾಯಾಗ್ರಾಹಕ ಪ್ರಶಸ್ತಿಯನ್ನು ಗೆದ್ದರು. 

ರೇಟಿಂಗ್/Rating : ಸಂಪೂರ್ಣವಾಗಿ ಸುಳ್ಳು 

******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.

******************************************************

ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಒಂದು ಚಿತ್ರವು ವರ್ಷದ ನ್ಯಾಷನಲ್ ಜಿಯೋಗ್ರಾಫಿಕ್ ಪ್ರಶಸ್ತಿಯನ್ನು ಗೆದ್ದಿದೆ ಎಂದು ಹೇಳಿಕೊಂಡಿದ್ದಾರೆ. X ಬಳಕೆದಾರ ‘HiteshNath22372’ ಬೋಳು ಹದ್ದಿನ ಚಿತ್ರದೊಂದಿಗೆ ಅಂತಹ ಒಂದು ಹೇಳಿಕೆಯನ್ನು ಹಂಚಿಕೊಂಡಿದ್ದಾರೆ. ಶೀರ್ಷಿಕೆ ಹೀಗಿದೆ: “ವರ್ಷದ ನ್ಯಾಷನಲ್ ಜಿಯೋಗ್ರಾಫಿಕ್ ಪ್ರಶಸ್ತಿ ವಿಜೇತ ಛಾಯಾಚಿತ್ರ”. ವರ್ಷ 2026ಕ್ಕೆ ಸಂಬಂಧಿಸಿದಂತೆ ಇನ್ನೂ ಯಾವುದೇ ಫಲಿತಾಂಶಗಳು ಲಭ್ಯವಿಲ್ಲದ ಕಾರಣ, ಈ ಹೇಳಿಕೆಯಲ್ಲಿರುವ ಚಿತ್ರವು 2025ರ ನ್ಯಾಷನಲ್ ಜಿಯಾಗ್ರಫಿಕ್‌ನ ಪ್ರತಿಷ್ಠಿತ “ವರ್ಷದ ಚಿತ್ರ” ಪ್ರಶಸ್ತಿಯನ್ನು ಪಡೆದ ಅಧಿಕೃತ ಛಾಯಾಚಿತ್ರದ ಬಗ್ಗೆ ಮಾತನಾಡುತ್ತದೆ ಎಂದು ಅರ್ಥೈಸಿಕೊಳ್ಳಬಹುದು. ಕೆಳಗಿನ ಪೋಸ್ಟ್ ಅನ್ನು ನೋಡಿ-

National Geographic Award Winning Photograph of the Year 📷 🌕 pic.twitter.com/Fx0NQmvbAE

— Random Things (@HiteshNath22372) February 19, 2026

ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು.

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯ ಕುರಿತು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸಂಪೂರ್ಣವಾಗಿ ಸುಳ್ಳು ಎಂದು ಕಂಡುಕೊಂಡಿತು. ಈ ಚಿತ್ರವನ್ನು AI ಬಳಸಿ ರಚಿಸಲಾಗಿದೆ ಮತ್ತು ಯಾವುದೇ ನ್ಯಾಷನಲ್ ಜಿಯಾಗ್ರಫಿಕ್ “ವರ್ಷದ ಛಾಯಾಚಿತ್ರ”ದ ಮನ್ನಣೆಯನ್ನು ಪಡೆದಿಲ್ಲ. ನ್ಯಾಷನಲ್ ಜಿಯಾಗ್ರಫಿಕ್‌ನ ಅಧಿಕೃತ “ವರ್ಷ 2025ರ ಚಿತ್ರ” ಸಂಗ್ರಹವು ಸಾವಿರಾರು ಸಲ್ಲಿಕೆಗಳಿಂದ ಆಯ್ಕೆ ಮಾಡಲಾದ 25 ಛಾಯಾಚಿತ್ರಗಳನ್ನು ಒಳಗೊಳ್ಳುತ್ತದೆ. ಇದಲ್ಲದೆ, 61ನೇ ವನ್ಯಜೀವಿ ಛಾಯಾಗ್ರಾಹಕ ಪ್ರಶಸ್ತಿಯನ್ನು ದಕ್ಷಿಣ ಆಫ್ರಿಕಾದ ಛಾಯಾಗ್ರಾಹಕ ವಿಮ್ ವ್ಯಾನ್ ಡೆನ್ ಹೀವರ್ ಅವರಿಗೆ ತಮ್ಮ “ಘೋಸ್ಟ್ ಟೌನ್ ವಿಸಿಟರ್” ಚಿತ್ರಕ್ಕಾಗಿ ನೀಡಲಾಯಿತು, ಇದು ನಮೀಬಿಯಾದ ಕೊಲ್ಮಾನ್ಸ್ಕೋಪ್‌ನ ಕೈಬಿಟ್ಟ ಪಾಳುಬಿದ್ದ ವಜ್ರ ಗಣಿಗಾರಿಕೆ ಪಟ್ಟಣದಲ್ಲಿ ಕಂದು ಬಣ್ಣದ ಹೈನಾದ ಗಮನಾರ್ಹವಾದ ಚಿತ್ರ.

ಹೇಳಿಕೆಯ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು ಅದರಲ್ಲಿರುವ ಚಿತ್ರವನ್ನು ಬಳಸಿಕೊಂಡು ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ಆದರೆ, ಈ ವೈರಲ್ ಚಿತ್ರವನ್ನು ವಿಜೇತ ಎಂದು ಘೋಷಿಸುವ ಯಾವುದೇ ದೃಢೀಕೃತ ಫಲಿತಾಂಶಗಳು ಅಥವಾ ವೆಬ್‌ಪುಟಗಳು ನ್ಯಾಷನಲ್ ಜಿಯಾಗ್ರಫಿಕ್ ಪುಟದಲ್ಲಿ ಕಾಣಲಿಲ್ಲ. ಈ ಚಿತ್ರವನ್ನು ಪಿಂಟರೆಸ್ಟ್ ಬಳಕೆದಾರ ‘ಜೋಲಾಂಡಾ ಸ್ಟ್ಯಾಂಡರ್’ ‘AI ಮೂಲಕ ಮಾರ್ಪಡಿಸಲಾದ್ದು’ ಎಂಬ ಸ್ಪಷ್ಟ ಲೇಬಲ್‌ನೊಂದಿಗೆ ಅಪ್‌ಲೋಡ್ ಮಾಡಿದ್ದಾರೆ.

ಇದರ ನಂತರ, ನಿಜವಾದ ವಿಜೇತರು ಅಥವಾ ಛಾಯಾಚಿತ್ರಗಳ ಬಗ್ಗೆ ತಿಳಿದುಕೊಳ್ಳಲು ನಾವು “ವರ್ಷದ ನ್ಯಾಷನಲ್ ಜಿಯಾಗ್ರಫಿಕ್ ಪ್ರಶಸ್ತಿ ವಿಜೇತ ಛಾಯಾಚಿತ್ರ” ಎಂಬ ಪದಗಳೊಂದಿಗೆ ಅಂತರ್ಜಾಲ ಹುಡುಕಾಟವನ್ನು ನಡೆಸಿದೆವು.

ಹೇಳಿಕೆಯಲ್ಲಿ ತೋರಿಸಿರುವಂತೆ ಹದ್ದಿನ ಚಿತ್ರ ಕಾಣಿಸದಿದ್ದಾಗ, ನಾವು ವರ್ಷದ ಅಧಿಕೃತ ವನ್ಯಜೀವಿ ಛಾಯಾಗ್ರಾಹಕ ಪ್ರಶಸ್ತಿಯನ್ನು ಹುಡುಕಿದೆವು. ಯುರೋನ್ಯೂಸ್‌ನ ಲೇಖನದಿಂದ ನಮಗೆ ತಿಳಿದುಬಂದದ್ದೇನೆಂದರೆ, ‘ದಕ್ಷಿಣ ಆಫ್ರಿಕಾದ ಛಾಯಾಗ್ರಾಹಕ ವಿಮ್ ವ್ಯಾನ್ ಡೆನ್ ಹೀವರ್ ರವರು ತಮ್ಮ “ಘೋಸ್ಟ್ ಟೌನ್ ವಿಸಿಟರ್” ಎಂಬ ಛಾಯಾಚಿತ್ರಕ್ಕಾಗಿ ವರ್ಷ 2025ರ ವನ್ಯಜೀವಿ ಛಾಯಾಗ್ರಾಹಕ ಪ್ರಶಸ್ತಿ ಮತ್ತು ಅರ್ಬನ್ ವೈಲ್ಡ್‌ಲೈಫ್ ಪ್ರಶಸ್ತಿಯನ್ನು ಗೆದ್ದಿದ್ದರು.’ ಈ ಲೇಖನವು ಅತ್ಯುತ್ತಮವಾದ ಕೆಲವು ಛಾಯಾಚಿತ್ರಗಳು ಮತ್ತು ಅವುಗಳನ್ನು ವಿವರಿಸುವ ವಿವರಣೆಯನ್ನು ಒದಗಿಸುತ್ತದೆ. ಲೇಖನದಲ್ಲಿನ ಒಂದು ಫೋಟೋ ಮತ್ತು ಅದರ ಒಂದು ಭಾಗವನ್ನು ಕೆಳಗೆ ನೋಡಿ-

ನ್ಯಾಷನಲ್ ಜಿಯಾಗ್ರಫಿಕ್‌ನ ಅಧಿಕೃತ “ವರ್ಷ 2025ರ ಚಿತ್ರಗಳು” ಅವರ ಛಾಯಾಗ್ರಾಹಕರು ಸಲ್ಲಿಸಿದ ಸಾವಿರಾರು ಚಿತ್ರಗಳಿಂದ ಆಯ್ದ 25 ಚಿತ್ರಗಳನ್ನು ಒಳಗೊಂಡಿರುತ್ತದೆ, ಇವು ಜಾರ್ಜ್ ಸ್ಟೀನ್‌ಮೆಟ್ಜ್ ಅವರ “ಬಿಲ್ಡಿಂಗ್ ಎ ಪಾಪ್-ಅಪ್ ಮೆಗಾಸಿಟಿ”, ಮಿಕೈಯಾ ಕಾರ್ಟರ್ ಅವರ “ಅನದರ್ ಜಯಂಟ್ ಲೀಪ್”, ಅನಸ್ತಾಸಿಯಾ ಟೇಲರ್-ಲಿಂಡ್ ಅವರ “ಇನ್ ದಿ ಆರ್ಮ್ಸ್ ಆಫ್ ಫ್ಯಾಮಿಲಿ”, ಜಾನ್ ಸ್ಟ್ಯಾನ್‌ಮೇಯರ್ ಅವರ “ಬೆಟರ್ ಬೈ ಎ ಬಂಚ್” ಮುಂತಾದ ವನ್ಯಜೀವ, ವಿಜ್ಞಾನ ಮತ್ತು ಮಾನವ ಕಥೆಗಳಂತಹ ವಿಷಯಗಳನ್ನು ಒಳಗೊಂಡಿದೆ. ಸಂಗ್ರಹದ ಕೆಲವು ಛಾಯಾಚಿತ್ರಗಳನ್ನು ನೋಡಿ. 2025ರ ಪೂರ್ಣ ಸಂಗ್ರಹಗಳನ್ನು ಇಲ್ಲಿ ಕಾಣಬಹುದು.

ಕೊನೆಯದಾಗಿ, ಹೇಳಿಕೆಯಲ್ಲಿ ತೋರಿಸಿರುವ ಚಿತ್ರವನ್ನು ನಾವು ಡೌನ್‌ಲೋಡ್ ಮಾಡಿ ಅದನ್ನು AI ಡಿಟೆಕ್ಟರ್ ನಲ್ಲಿ ಹಾಕೊ ನೋಡಿದೆವು. ಇಡೀ ಚಿತ್ರವನ್ನು ಅಲ್ಲದಿದ್ದರೂ, ಅದರ ಗಮನಾರ್ಹ ಭಾಗವನ್ನು AI ಬಳಸಿ ರಚಿಸಲಾಗಿದೆ ಎಂದು ಫಲಿತಾಂಶಗಳು ಸಾಬೀತುಪಡಿಸಿವೆ. ಫಲಿತಾಂಶಗಳನ್ನು ಕೆಳಗೆ ನೋಡಿ-

When we checked for the 2026 awards, we learned that National Geographic Explorer Carlton Ward Jr. has been selected to receive the 2026 Eliza Scidmore Award in

ನಾವು 2026ರ ಪ್ರಶಸ್ತಿಗಳನ್ನು ಪರಿಶೀಲಿಸಿದಾಗ, ನ್ಯಾಷನಲ್ ಜಿಯಾಗ್ರಫಿಕ್ ಎಕ್ಸ್‌ಪ್ಲೋರರ್ ಕಾರ್ಲ್ಟನ್ ವಾರ್ಡ್ ಜೂನಿಯರ್ ಅವರು ತಮ್ಮ ಅಸಾಧಾರಣ ಕಥೆಗಾರಿಕಾ ಕಾರ್ಯವನ್ನು ಗುರುತಿಸಿ 2026ರ ಎಲಿಜಾ ಸ್ಕಿಡ್‌ಮೋರ್ ಪ್ರಶಸ್ತಿಯನ್ನು ಸ್ವೀಕರಿಸಲು ಆಯ್ಕೆಯಾಗಿದ್ದಾರೆ ಎಂದು ನಮಗೆ ತಿಳಿದುಬಂತು. ಇದಲ್ಲದೆ, ನಾವು ಬೆಸ್ಟ್ ಆಫ್ ದ ವರ್ಲ್ಡ್ 2026 ಫೀಚರ್ ಅನ್ನು ಪರಿಶೀಲಿಸಿದಾಗ, ನ್ಯಾಷನಲ್ ಜಿಯಾಗ್ರಫಿಕ್ ತನ್ನ #NatGeoYourShotBOTW2026 ಚ್ಯಾಲೆಂಜ್ ನಿಂದ 3,000ಕ್ಕೂ ಹೆಚ್ಚು ಇನ್ಸ್ಟಾಗ್ರಾಂ ಎಂಟ್ರಿಗಳನ್ನು ಪರಿಶೀಲಿಸಿದ್ದು, ಪ್ರಪಂಚದಾದ್ಯಂತದ ಓದುಗರಿಂದ 10 ಅತ್ಯುತ್ತಮ ಪ್ರಯಾಣ ಛಾಯಾಚಿತ್ರಗಳನ್ನು ಆಯ್ಕೆ ಮಾಡಿದೆ ಎಂದು ನಮಗೆ ತಿಳಿದುಬಂತು. ಆಯ್ಕೆಮಾಡಿದ ಚಿತ್ರಗಳು ಅಲಾಸ್ಕಾ, ಕೆನಡಾ, UAE, ಐಸ್ಲ್ಯಾಂಡ್, ಆಸ್ಟ್ರಿಯಾ, ಯುನೈಟೆಡ್ ಸ್ಟೇಟ್ಸ್, ಟರ್ಕಿ ಮತ್ತು ಸ್ಲೊವೇನಿಯಾದಾದ್ಯಂತ ಗಮನಾರ್ಹ ಸ್ಥಳಗಳನ್ನು ಎತ್ತಿ ತೋರಿಸುತ್ತವೆ, ಇವು ಪ್ರಯಾಣ ಛಾಯಾಗ್ರಹಣದ ಮೂಲಕ ಪ್ರಬಲ ಕಥೆಗಾರಿಕೆಯನ್ನು ಆಚರಿಸುತ್ತವೆ. ಆದರೆ, ಇವುಗಳಲ್ಲಿ ಯಾವುದೂ ಹೇಳಿಕೆಯಲ್ಲಿರುವ ಚಿತ್ರಕ್ಕೆ ಹೊಂದಿಕೆಯಾಗುವುದಿಲ್ಲ.

ಹುಡುಕಾಟದ ಇತರ ಫಲಿತಾಂಶಗಳು ವರ್ಲ್ಡ್ ನೇಚರ್ ಫೋಟೋಗ್ರಫಿ ಅವಾರ್ಡ್ಸ್ 2026ನ್ನು ತೋರಿಸಿವೆ, ಇದರಲ್ಲಿ ಜೋನೊ ಆಲೆನ್ ಅಗ್ರ ಬಹುಮಾನವನ್ನು ಪಡೆದರು. ದ ಗಾರ್ಡಿಯನ್ ನ ಒಂದು ಲೇಖನದಿಂದ ನಮಗೆ ತಿಳಿದುಬಂದದ್ದೇನೆಂದರೆ, ಆತ ಅಂಡರ್ವಾಟರ್ ವಿಭಾಗದಲ್ಲಿ ಚಿನ್ನ ಗೆದ್ದಿದ್ದಾರೆ ಮತ್ತು ವರ್ಷ 2026ರ ವಿಶ್ವ ಪ್ರಕೃತಿ ಛಾಯಾಗ್ರಾಹಕ ಎಂದು ಹೆಸರಿಸಲ್ಪಟ್ಟಿದ್ದಾರೆ, ಆತನಿಗೆ ಗೆಲುವು ತಂದ ಚಿತ್ರ, ಟೋಂಗಾದ ವಾವಾ’ವುನಲ್ಲಿ ಸೆರೆಹಿಡಿಯಲಾದ ಬಿಳಿ ಹಂಪ್‌ಬ್ಯಾಕ್ ವ್ಹೇಲ್ ಮರಿಯ ಗಮನಾರ್ಹ ಚಿತ್ರ. ಆದರೆ, ಇದು ಕೂಡ ಹೇಳಿಕೆಯಲ್ಲಿರುವ ಚಿತ್ರಕ್ಕೆ ಹೊಂದಿಕೆಯಾಗುವುದಿಲ್ಲ ಮತ್ತು ಈ ಪ್ರಶಸ್ತಿಯು ನ್ಯಾಷನಲ್ ಜಿಯಾಗ್ರಫಿಕ್ ಪ್ರಶಸ್ತಿಗಳಿಗಿಂತ ಭಿನ್ನವಾದುದು.

ಆದ್ದರಿಂದ, ಈ ಹೇಳಿಕೆ ಸಂಪೂರ್ಣವಾಗಿ ಸುಳ್ಳು.

******************************************************
ಇದನ್ನೂ ಓದಿ:

2,500 ಕೋಟಿ ಜನರು ಸರ್ಕಾರಿ ಸಾಲ ಪಡೆದಿದ್ದಾರೆ ಎಂದು ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಹೇಳಿದರೇ? ಸತ್ಯ ಪರಿಶೀಲನೆ

ಮಾರುತಿ ಸುಜುಕಿ ಭಾರತದಲ್ಲಿ ₹4.99 ಲಕ್ಷಕ್ಕೆ ಹೊಸ ‘ಮಿನಿ ಬಸ್’ ಬಿಡುಗಡೆ ಮಾಡಿದೆಯೇ? ಸತ್ಯ ಪರಿಶೀಲನೆ

  AI generated, AI generated image, AI generated picture, fact check in kannada, fact checking in kannada, fake news, kannada fact check, Kannada fake news, kannada false claim, National Geographic, National Geographic Award Winning Photograph of the Year, Photograph of the Year, Wim van den Heever