ಹೇಳಿಕೆ/Claim : 5ನೇ ಮಹಡಿಯಿಂದ ಬೀಳುವ 3 ವರ್ಷದ ಮಗುವನ್ನು ಜಪಾನ್ನಲ್ಲಿ ರಕ್ಷಿಸಲಾಗಿದೆ ಎಂದು ವೀಡಿಯೊ ತೋರಿಸಿದೆ ಎನ್ನಲಾಗಿದೆ.
ಕಡೆನುಡಿ/Conclusion : ಹೇಳಿಕೆಯು ದಾರಿತಪ್ಪಿಸುವಂತಿದೆ. ಈ ವೀಡಿಯೊ ವಾಸ್ತವವಾಗಿ ಚೀನಾದಲ್ಲಿ 5ನೇ ಮಹಡಿಯ ಫ್ಲಾಟ್ನಿಂದ ಬೀಳುತ್ತಿದ್ದ 2 ವರ್ಷದ ಬಾಲಕಿಯನ್ನು ರಕ್ಷಿಸಲಾಗಿದೆ ಎಂದು ತೋರಿಸುತ್ತದೆ. ವೀಡಿಯೊದಲ್ಲಿ ನಿಜವಾದ ವೀರ ರಕ್ಷಣೆಯನ್ನು ತೋರಿಸಲಾಗಿದೆ, ಆದರೆ ಇದು 2022ರಲ್ಲಿ ಚೀನಾದಲ್ಲಿ ಸಂಭವಿಸಿದೆ, ಜಪಾನ್ನಲ್ಲಿ ಅಲ್ಲ.
ರೇಟಿಂಗ್/Rating : ದಾರಿತಪ್ಪಿಸುವಂತಿದೆ 
******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.
ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************
ಇತ್ತೀಚೆಗೆ ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು 5ನೇ ಮಹಡಿಯಿಂದ ಬೀಳುತ್ತಿದ್ದ ಮಗುವನ್ನು ರಕ್ಷಿಸಿರುವ ವೀಡಿಯೊವನ್ನು ಹಂಚಿಕೊಂಡಿದ್ದಾರೆ. ದೃಢೀಕೃತ X ಬಳಕೆದಾರ ‘TheWolfman’ ಅಂತಹ ಒಂದು ಪೋಸ್ಟ್ ಅನ್ನು ಈ ಕೆಳಗಿನ ಹೇಳಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ: “ಜಪಾನ್ನಲ್ಲಿ, 3 ವರ್ಷದ ಮಗು 5ನೇ ಮಹಡಿಯಿಂದ ಬಿದ್ದಿತು. ದಾರಿಹೋಕರೊಬ್ಬರು ಮಗುವಿನ ಜೀವವನ್ನು ಉಳಿಸಿದರು. ಆ ವ್ಯಕ್ತಿಯನ್ನು ದೇಶದಲ್ಲಿ ಹೀರೋ ಎಂದು ಪ್ರಶಂಸಿಸಲಾಗಿದೆ.” ಇದರೊಂದಿಗೆ ಸನ್ನಿವೇಶದ 14 ಸೆಕೆಂಡುಗಳ ವೀಡಿಯೊವನ್ನು ಸೇರಿಸಲಾಗಿದೆ, ಇದಕ್ಕೆ 2.6 ಮಿಲಿಯಕ್ಕಿಂತಲೂ ಹೆಚ್ಚು ವೀಕ್ಷಣೆಗಳು ದೊರಕಿವೆ. ಕೆಳಗಿನ ಪೋಸ್ಟ್ ಅನ್ನು ನೋಡಿ-
ಇತರ ಬಳಕೆದಾರರು ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ಕಾಣಬಹುದು
ಸತ್ಯ ಪರಿಶೀಲನೆ
ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಅದು ಸುಳ್ಳು ಎಂದು ಕಂಡುಕೊಂಡಿತು. ಈ ದೃಶ್ಯದಲ್ಲಿ ಚೀನಾದಲ್ಲಿ ಐದನೇ ಮಹಡಿಯ ಫ್ಲಾಟ್ನಿಂದ ಬೀಳುತ್ತಿದ್ದ ಎರಡು ವರ್ಷದ ಬಾಲಕಿಯನ್ನು ರಕ್ಷಿಸಿದ ದೃಶ್ಯವನ್ನು ತೋರಿಸಲಾಗಿದೆ. ಈ ಘಟನೆಯು ನಿಜವಾದ್ದು, ಇದು ಧೈರ್ಯದ ಕ್ಷಣವನ್ನು ಎತ್ತಿ ತೋರುತ್ತದೆ, ಆದರೆ ಇದು 2022ರಲ್ಲಿ ಚೀನಾದಲ್ಲಿ ಸಂಭವಿಸಿದ್ದು, ಹೇಳಿಕೆಯಲ್ಲಿ ಉಲ್ಲೇಖಿಸಿರುವಂತೆ ಜಪಾನ್ನಲ್ಲಿ ಸಂಭವಿದ್ದಲ್ಲ.
ಸನ್ನಿವೇಶದ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ನಾವು ಮೊದಲು ವೀಡಿಯೊದ ವಿವಿಧ ಕೀಫ್ರೇಮ್ಗಳನ್ನು ತೆಗೆದು ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದೆವು. ಹುಡುಕಾಟದ ಫಲಿತಾಂಶಗಳಲ್ಲಿ ನಮಗೆ ಚೈನಾವ್ಯೂಟಿವಿ ಅಪ್ಲೋಡ್ ಮಾಡಿದ ಯುಟ್ಯೂಬ್ ಕಿರುಚಿತ್ರವು ದೊರಕಿತು, ಅದರ ಶೀರ್ಷಿಕೆ ಹೀಗಿದೆ: “ಆರನೇ ಮಹಡಿಯಿಂದ ಬೀಳುತ್ತಿದ್ದ ಎರಡು ವರ್ಷದ ಬಾಲಕಿಯನ್ನು ಇಬ್ಬರು ಯುವಕರು ಹಿಡಿದರು” ವಿವರಣೆಯಲ್ಲಿ “ಪೂರ್ವ ಚೀನಾದ ಝೆಜಿಯಾಂಗ್ನ ಟಾಂಗ್ಸಿಯಾಂಗ್ ನಗರದಲ್ಲಿ ಆರನೇ ಮಹಡಿಯಿಂದ ಬಿದ್ದ ಎರಡು ವರ್ಷದ ಬಾಲಕಿಯನ್ನು ಹಿಡಿಯಲು ಇಬ್ಬರು ಯುವಕರು ಧಾವಿಸಿದರು” ಎಂದು ಉಲ್ಲೇಖಿಸಲಾಗಿದೆ. ಇದರ ವೀಡಿಯೊ ಮತ್ತು ಸ್ಕ್ರೀನ್ಶಾಟ್ ಅನ್ನು ಕೆಳಗೆ ನೋಡಿ-
ಇದರ ನಂತರ ಈ ವಿಷಯವನ್ನು ಇನ್ನಷ್ಟು ಪರಿಶೀಲಿಸಲು, “2 ವರ್ಷದ ಮಗು ಚೀನಾದ 5ನೇ ಮಹಡಿಯಿಂದ ಬೀಳುತ್ತಿದ್ದಾಗ ರಕ್ಷಿಸಲ್ಪಟ್ಟಳು” ಎಂಬ ಪದಗಳೊಂದಿಗೆ ನಾವು ಅಂತರ್ಜಾಲದ ಹುಡುಕಾಟವನ್ನು ನಡೆಸಿದೆವು. ಮೆಟ್ರೊUK ವರದಿಯ ಪ್ರಕಾರ, ಹುಡುಗಿ “ಐದನೇ ಮಹಡಿಯ ಕಿಟಕಿಯಿಂದ ಕೆಳಗೆ ಬಿದ್ದಳು”, ಮೊದಲ ಮಹಡಿಯ ಟೆರೇಸ್ ಮೇಲೆ ಬಿದ್ದಳು, ಮತ್ತು “31 ವರ್ಷದ ಶೆನ್ ಡಾಂಗ್ ರಸ್ತೆಯಾಚೆ ತಮ್ಮ ಕಾರನ್ನು ನಿಲ್ಲಿಸುತ್ತಿದ್ದಾಗ ಜೋರಾದ ಶಬ್ದ ಕೇಳಿ, ಇದನ್ನು ಗಮನಿಸಿ ಮಗು ಕಾಂಕ್ರೀಟ್ಗೆ ಅಪ್ಪಳಿಸುವ ಮೊದಲು ಆಕೆಯನ್ನು ಹಿಡಿದರು.” ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ-
ಆದಾಗ್ಯೂ, ಕನ್ನಡಕ್ಕೆ ಅನುವಾದಿಸಲಾದ ಪೀಪಲ್ಆಪ್ನ ಮತ್ತೊಂದು ವರದಿಯಲ್ಲಿ ಉಲ್ಲೇಖಿಸಿರುವುದೇನೆಂದರೆ, ಹುಡುಗಿ 6ನೇ ಮಹಡಿಯಿಂದ (ಅಥವಾ ಐದನೇ ಮಹಡಿಯ ಫ್ಲಾಟ್ನಿಂದ) ಬಿದ್ದಳು ಮತ್ತು ಈ “ದೃಶ್ಯವು ಝೆಜಿಯಾಂಗ್ ಪ್ರಾಂತ್ಯದ ಜಿಯಾಕ್ಸಿಂಗ್ನ ಟಾಂಗ್ಸಿಯಾಂಗ್ ನಗರದಲ್ಲಿ ನಡೆಯಿತು”. “ಝೆಜಿಯಾಂಗ್ ಪ್ರಾಂತ್ಯದ ಟಾಂಗ್ಸಿಯಾಂಗ್ ನಗರ ಸಾರ್ವಜನಿಕ ಭದ್ರತಾ ಬ್ಯೂರೋದ ಪ್ರಶಂಸಾ ತಂಡವು ಈ ಇಬ್ಬರು ವ್ಯಕ್ತಿಗಳ ಶೂರತೆಯನ್ನು ದೃಢಪಡಿಸಿತು ಮತ್ತು ಅವರಿಗೆ ಮನ್ನಣೆಯ ಪ್ರಮಾಣಪತ್ರಗಳನ್ನು ನೀಡಿತು” ಎಂದು ವರದಿ ಬರೆಯುತ್ತದೆ. ಇದರ ಒಂದು ಭಾಗವನ್ನು ಕೆಳಗೆ ನೋಡಿ-
ಕೊನೆಯದಾಗಿ, ಜಪಾನ್ನಲ್ಲಿ ಐದನೇ/ಆರನೇ ಮಹಡಿಯಿಂದ ಬಿದ್ದ 3 ವರ್ಷದ ಮಗುವಿಗಾಗಿ ನಾವು ಹುಡುಕಾಟ ನಡೆಸಿದೆವು, ಆದರೆ ಯಾವುದೇ ವಿಶ್ವಾಸಾರ್ಹ ವರದಿಗಳು ಸಿಗಲಿಲ್ಲ. ಆನ್ಲೈನ್ನಲ್ಲಿ ಹಂಚಿಕೊಳ್ಳಲಾದ ವೈರಲ್ ರಿಪೋಸ್ಟ್ಗಳಲ್ಲಿ “ಜಪಾನ್” ಎಂದು ತಪ್ಪಾಗಿ ನಮೂದಿಸಿರುವುದು ಪುನರಾವರ್ತಿತ ದೋಷವಾಗಿದೆ.
ಹೀಗಾಗಿ, ಹೇಳಿಕೆ ತಪ್ಪ.
*********************************************************
ಇದನ್ನೂ ಓದಿ:
2,500 ಕೋಟಿ ಜನರು ಸರ್ಕಾರಿ ಸಾಲ ಪಡೆದಿದ್ದಾರೆ ಎಂದು ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಹೇಳಿದರೇ? ಸತ್ಯ ಪರಿಶೀಲನೆ
ಚೀನಾದ ಸಂಪೂರ್ಣ ಮಹಿಳಾ SWAT ತಂಡವು ಭಾರತದ ಪುರುಷರ ತಂಡವನ್ನು ಸೋಲಿಸಿತೇ? ಸತ್ಯ ಪರಿಶೀಲನೆ
ಈ ವೀಡಿಯೊದಲ್ಲಿ ಜಪಾನ್ನಲ್ಲಿ 5ನೇ ಮಹಡಿಯಿಂದ ಬೀಳುವ 3 ವರ್ಷದ ಮಗುವನ್ನು ರಕ್ಷಿಸಿದ್ದನ್ನು ತೋರಿಸಲಾಗಿದೆಯೇ? ಸತ್ಯ ಪರಿಶೀಲನೆ added by Shwetha on
View all posts by Shwetha →