ನ್ಯೂ ಯಾರ್ಕ್ ನಗರದ ಮೇಯರ್ ಚುನಾಯಿತ ಜೋಹ್ರಾನ್ ಮಮ್ದಾನಿ ಟ್ರಂಪ್ ಟವರ್ ಅನ್ನು ನಿರಾಶ್ರಿತರ ಆಶ್ರಯ ತಾಣವನ್ನಾಗಿ ಪರಿವರ್ತಿಸಲು ಯೋಜಿಸಿದ್ದಾರೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ನ್ಯೂ ಯಾರ್ಕ್ ನಗರದ ಮೇಯರ್ ಚುನಾಯಿತ ಜೋಹ್ರಾನ್ ಮಮ್ದಾನಿ ಟ್ರಂಪ್ ಟವರ್ ಅನ್ನು ನಿರಾಶ್ರಿತರ ಆಶ್ರಯ ತಾಣವನ್ನಾಗಿ ಪರಿವರ್ತಿಸಲು ಯೋಜಿಸಿದ್ದಾರೆ.

ಕಡೆನುಡಿ/Conclusion:ಹೇಳಿಕೆ ಸುಳ್ಳು. ಜೋಹ್ರಾನ್ ಮಮ್ದಾನಿ ಟ್ರಂಪ್ ಟವರ್ ಅನ್ನು ನಿರಾಶ್ರಿತರ ಆಶ್ರಯ ತಾಣವನ್ನಾಗಿ ಪರಿವರ್ತಿಸಲು ಯೋಜಿಸಿದ್ದಾರೆ ಎಂಬುದನ್ನು ಸಾಬೀತುಪಡಿಸುವ ಯಾವುದೇ ಪುರಾವೆಗಳು ಅಥವಾ ವಿಶ್ವಾಸಾರ್ಹ ವರದಿಗಳಿಲ್ಲ. ಆತ ತಮ್ಮ ಪ್ರಚಾರದ ಸಮಯದಲ್ಲಿ ಅಂತಹ ಹೇಳಿಕೆ ನೀಡಿಲ್ಲ.

ರೇಟಿಂಗ್/Rating: ಸಂಪೂರ್ಣವಾಗಿ ಸುಳ್ಳು–

---

ನ್ಯೂಯಾರ್ಕ್ ಮೇಯರ್ ಜೋಹ್ರಾನ್ ಮಮ್ದಾನಿ ಟ್ರಂಪ್ ಟವರ್ ಅನ್ನು ನಿರಾಶ್ರಿತರ ಆಶ್ರಯ ತಾಣವನ್ನಾಗಿ ಪರಿವರ್ತಿಸಲು ಯೋಜಿಸುತ್ತಿದ್ದಾರೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಂಡಿದ್ದಾರೆ. ದೃಢೀಕೃತ X ಖಾತೆ ‘Pamphlets’ “ಬ್ರೇಕಿಂಗ್ — ಮಮ್ದಾನಿ ಟ್ರಂಪ್ ಟವರ್ ಅನ್ನು ನಿರಾಶ್ರಿತರ ಆಶ್ರಯ ತಾಣವಾಗಿ ಪರಿವರ್ತಿಸಲು ಯೋಜಿಸುತ್ತಿದ್ದಾರೆ” ಎಂಬ ಶೀರ್ಷಿಕೆಯೊಂದಿಗೆ ಅಂತಹ ಹೇಳಿಕೆಯನ್ನು ಮಾಡಿದ್ದಾರೆ. ಇದರ ಕುರಿತು ವಿವರಿಸುವ ಲೇಖನವೊಂದನ್ನು ಪೋಸ್ಟ್‌ನ ಕಾಮೆಂಟ್ ವಿಭಾಗದಲ್ಲಿ ಪಿನ್ ಮಾಡಲಾಗಿದೆ. ಈ ಪೋಸ್ಟ್ ಸುಮಾರು 10.6 ಮಿಲಿಯ ವೀಕ್ಷಣೆಗಳನ್ನು ಗಳಿಸಿದೆ ಮತ್ತು ಅದನ್ನು ಕೆಳಗೆ ಕಾಣಬಹುದು:

🚨🇺🇸 BREAKING — Mamdani Plans To Convert Trump Tower into Homeless Shelter. pic.twitter.com/xwQtURRPND

— Pamphlets (@PamphletsY) November 6, 2025

ಇತರ ಬಳಕೆದಾರರು ಸಹ ಇದೇ ರೀತಿಯ ಹೇಳಿಕೆಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಹೇಳಿಕೆ ಸುಳ್ಳು ಎಂದು ಕಂಡುಕೊಂಡಿತು. ಈ ಹೇಳಿಕೆಯನ್ನು ಬೆಂಬಲಿಸುವ ಯಾವುದೇ ಅಧಿಕೃತ ಹೇಳಿಕೆಗಳು, ನೀತಿ ದಾಖಲೆಗಳು ಅಥವಾ ವಿಶ್ವಾಸಾರ್ಹ ವರದಿಗಳು ಇಲ್ಲ. ಮಮ್ದಾನಿಯವರ ಅಭಿಯಾನವು ಕೈಗೆಟುಕುವ ವಸತಿಗಳನ್ನು ವಿಸ್ತರಿಸುವುದು ಮತ್ತು ನ್ಯೂ ಯಾರ್ಕ್ ನಗರದ ವಸತಿರಹಿತರ ಬಿಕ್ಕಟ್ಟನ್ನು ಪರಿಹರಿಸುವುದರ ಮೇಲೆ ಒತ್ತುನೀಡಿತ್ತು, ಆದರೆ ಪ್ರತಿಷ್ಠಿತ ಟ್ರಂಪ್ ಟವರ್ ಅನ್ನು ಸ್ವಾಧೀನಪಡಿಸಿಕೊಳ್ಳುವ ಬಗ್ಗೆ ಯಾವ ಮಾತೂ ಇರಲಿಲ್ಲ.

ಪ್ಯಾಂಪ್ಲೆಟ್ಸ್ ಪ್ರಕಟಿಸಿದ ಪೋಸ್ಟ್‌ನ ಕಾಮೆಂಟ್ ವಿಭಾಗದಲ್ಲಿ ಉಲ್ಲೇಖಿಸಲಾದ ವರದಿಯನ್ನು ಓದುವ ಮೂಲಕ ನಾವು ಅಧ್ಯಯನ ಪ್ರಾರಂಭಿಸಿದೆವು. ಲೇಖನದಲ್ಲಿ “ಖಾಲಿ ಹೋಟೆಲ್‌ಗಳು ಮತ್ತು ತೊರೆದಿರುವ ಕಾರ್ಪೊರೇಟ್ ಆಸ್ತಿಗಳನ್ನು ಪರಿವರ್ತನೆಗಾಗಿ ಪರಿಗಣಿಸಲಾಗುತ್ತಿದೆ” ಎಂದು ಉಲ್ಲೇಖಿಸಲಾಗಿದೆ. ಟ್ರಂಪ್ ಟವರ್ ಬಗ್ಗೆ ಯಾವುದೇ ಉಲ್ಲೇಖವಿಲ್ಲ ಮತ್ತು ಲೇಖನವು ವಿಶ್ವಾಸಾರ್ಹ ಸುದ್ದಿಯನ್ನು ನೀಡುತ್ತಿರುವಂತೆ ತೋರುವುದಿಲ್ಲ. ಲೇಖನದ ಒಂದು ವಿಭಾಗವನ್ನು ಕೆಳಗೆ ನೋಡಿ –

ಇದರ ನಂತರ, ಟ್ರಂಪ್ ಟವರ್ ಅನ್ನು ಸ್ವಾಧೀನಪಡಿಸಿಕೊಳ್ಳುವ ಬಗ್ಗೆ ಮಮ್ದಾನಿಯವರ ಯಾವುದೇ ಅಧಿಕೃತ ಹೇಳಿಕೆ ಇದೆಯೇ ಎಂದು ನಾವು ಹುಡುಕಿದೆವು. ಸಾರ್ವಜನಿಕ ದಾಖಲೆಗಳು, ಪ್ರಚಾರ ಸಾಮಗ್ರಿಗಳು ಮತ್ತು ಚುನಾವಣಾ ನಂತರದ ಸಂದರ್ಶನಗಳು, ಎಲ್ಲವನ್ನು ಹುಡುಕಿದೆವು, ಆದರೆ ಟ್ರಂಪ್ ಟವರ್ ಅಥವಾ ಆಶ್ರಯಕ್ಕಾಗಿ ಯಾವುದೇ ನಿರ್ದಿಷ್ಟ ಭೂಸ್ವತ್ತಿನ ಬಗ್ಗೆ ಯಾವುದೇ ಉಲ್ಲೇಖ ಕಂಡುಬಂದಿಲ್ಲ. ಅಂತಹ ಹೇಳಿಕೆಯನ್ನು ಹರಡುತ್ತಿರುವ ಇತರ ಖಾತೆಗಳಲ್ಲಿಯೂ ಯಾವುದೇ ಫಲಸ್ವರೂಪ ಉಲ್ಲೇಖ ಅಥವಾ ಪ್ರಸ್ತಾಪವಿಲ್ಲ.

ಮುಂದೆ, ಪ್ರೋತ್ಸಾಹಕಗಳ ಮೂಲಕ 200,000 ಹೊಸ ಕೈಗೆಟುಕುವ ಘಟಕಗಳಿಗೆ ಮಮ್ದಾನಿಯವರ ಪ್ರಸ್ತಾವಿತ ವಸತಿ ನಿಲುವಿನ ಬಗ್ಗೆ ನಾವು ತಿಳಿದುಕೊಂಡೆವು. ಜೋಹ್ರಾನ್ ಫಾರ್ NYC ಯಲ್ಲಿ ಪ್ರಕಟವಾದ ವರದಿಯಿಂದ ತಿಳಿದುಬರುವುದೇನೆಂದರೆ, ಮಮ್ದಾನಿಯ ವಸತಿ ಯೋಜನೆಯು ಪ್ರಮುಖ ಸಾರ್ವಜನಿಕ ವಲಯದ ಪುನರುಜ್ಜೀವನದ ಮೇಲೆ ಕೇಂದ್ರೀಕೃತವಾಗಿದೆ, “ಸಾರ್ವಜನಿಕವಾಗಿ ಸಬ್ಸಿಡಿ ಹೊಂದಿರುವ, ಶಾಶ್ವತವಾಗಿ ಕೈಗೆಟುಕುವ, ಯೂನಿಯನ್-ನಿರ್ಮಿತ, ಬಾಡಿಗೆ-ಸ್ಥಿರಗೊಳಿಸಿದ ಮನೆಗಳ ನಗರದ ಉತ್ಪಾದನೆಯನ್ನು ಮೂರು ಪಟ್ಟು ಹೆಚ್ಚಿಸುವ” ಮತ್ತು ಮುಂದಿನ 10 ವರ್ಷಗಳಲ್ಲಿ 200,000 ಹೊಸ ಘಟಕಗಳನ್ನು ರಚಿಸುವ ಗುರಿಯನ್ನು ಹೊಂದಿದೆ.

ಸಾರ್ವಜನಿಕ ವಸತಿಯಲ್ಲಿ ಹೂಡಿಕೆಯನ್ನು ದ್ವಿಗುಣಗೊಳಿಸಲು ಅವರು ಬದ್ಧರಾಗಿದ್ದಾರೆ ಹಾಗೂ ಹೂಡಿಕೆ ಹಿಂತೆಗೆದುಕೊಳ್ಳುವಿಕೆಯ ಕಾರಣದಿಂದ NYCHA ಬಾಡಿಗೆದಾರರನ್ನು ಶಿಥಿಲ ಕಟ್ಟಡಗಳು ಮತ್ತು ಅನಿಶ್ಚಿತ ಭವಿಷ್ಯಗಳೊಂದಿಗೆ ಬಿಟ್ಟಿದೆ ಎಂದು ಹೇಳುತ್ತಾರೆ. ಈ ಯೋಜನೆಯು 100 ಪ್ರತಿಶತ ಕೈಗೆಟುಕುವ ಯೋಜನೆಗಳನ್ನು ವೇಗಗೊಳಿಸುತ್ತದೆ ಮತ್ತು ವರ್ಷಕ್ಕೆ $70,000 ಕ್ಕಿಂತ ಕಡಿಮೆ ಗಳಿಸುವವರಿಗೆ ಕಟ್ಟಡ ನಿರ್ಮಾಣದತ್ತ ನಗರ ಸಂಸ್ಥೆಗಳನ್ನು ನಿರ್ದೇಶಿಸುತ್ತದೆ. ವರದಿಯ ಒಂದು ಭಾಗವನ್ನು ಕೆಳಗೆ ನೋಡಿ:

ಟ್ರಂಪ್ ಸಂಘಟನೆಯ ಒಡೆತನದ, ಖಾಸಗಿ ವಾಣಿಜ್ಯ ಆಸ್ತಿಯಾದ ಟ್ರಂಪ್ ಟವರ್ ಅನ್ನು ನಿಯಮಗಳ ಪ್ರಕಾರ ಮೇಯರ್ ಏಕಪಕ್ಷೀಯವಾಗಿ ಪರಿವರ್ತಿಸಲು ಸಾಧ್ಯವಿಲ್ಲ. ಇದಲ್ಲದೆ, ನ್ಯೂ ಯಾರ್ಕ್ ಮೇಯರ್ ಆಗಿ ಆಯ್ಕೆಯಾದ ಜೋಹ್ರಾನ್ ಮಮ್ದಾನಿ ಅಂತಹ ಭರವಸೆಯನ್ನು ನೀಡಿಲ್ಲ ಅಥವಾ ಅದರ ಬಗ್ಗೆ ಯಾವುದೇ ಕ್ರಮವನ್ನು ಕೈಗೊಂಡಿಲ್ಲ.

ಆದ್ದರಿಂದ ಈ ಹೇಳಿಕೆ ಸುಳ್ಳು.

******************************************************
ಇದನ್ನೂ ಓದಿ:

ಟೈಮ್ಸ್ ಸ್ಕ್ವೇರ್ ನಿಜವಾಗಿಯೂ ದೈತ್ಯ ಲೇಸರ್ ನಿರ್ಮಿತ ಬೆಳಕಿನ ಶಿಲುಬೆಯನ್ನು ಅನಾವರಣಗೊಳಿಸುತ್ತಿದೆಯೇ? ಸತ್ಯ ಪರಿಶೀಲನೆ

ಅಮೆರಿಕದ ರಕ್ಷಣಾ ಇಲಾಖೆಯನ್ನು ಮರುನಾಮಕರಣ ಮಾಡಿದ ನಂತರ ನೊಬೆಲ್ ಪ್ರಶಸ್ತಿ ಸಮಿತಿಯು ಟ್ರಂಪ್ ರವರನ್ನು ಶಾಶ್ವತವಾಗಿ ಅನರ್ಹಗೊಳಿಸಿತೇ? ಸತ್ಯ ಪರಿಶೀಲನೆ