ನೊಬೆಲ್ ಸಮಿತಿ ಸದಸ್ಯ ಆಸ್ಲೆ ಟೋಜೆ ಭಾರತದ ಪ್ರಧಾನಿ ಮೋದಿಯವರನ್ನು ಶಾಂತಿಗಾಗಿ ಪ್ರಶಸ್ತಿಗೆ ಸೂಚಿಸಿದರೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ನಾರ್ವೇಜಿಯಾದ ನೊಬೆಲ್ ಸಮಿತಿಯ ಉಪ ನಾಯಕ ಆಸ್ಲೆ ಟೋಜೆಯವರು ಭಾರತದ ಪ್ರಧಾನಿ ನರೇಂದ್ರ ಮೋದಿಯವರು ನೊಬೆಲ್ ಶಾಂತಿ ಪ್ರಶಸ್ತಿಯ “ಅತಿದೊಡ್ಡ ಸ್ಪರ್ಧಿ” ಎಂದು ಹೇಳಿದ್ದಾರೆ.

ಕಡೆನುಡಿ/Conclusion: ಈ ಹೇಳಿಕೆ ದಾರಿ ತಪ್ಪಿಸುವಂಥದ್ದು. ಉಕ್ರೇನ್-ರಷ್ಯಾ ಯುದ್ಧದ ಕುರಿತು ಪ್ರಧಾನಿ ಮೋದಿಯವರ ನಿಲುವನ್ನು ಟೋಜೆ ಶ್ಲಾಘಿಸಿದರಾದರೂ, ಆತ ಮೋದಿಯವರನ್ನು ನೇರವಾಗಿ ಅನುಮೋದಿಸಲಿಲ್ಲ ಮತ್ತು ಇದನ್ನು ಆತ ಅಧಿಕೃತವಾಗಿ ಸ್ಪಷ್ಟಪಡಿಸಿದ್ದಾರೆ.

ರೇಟಿಂಗ್/Rating: ದಾರಿ ತಪ್ಪಿಸುವಂಥದ್ದು —

*****************************************************************
ನೊಬೆಲ್ ಪ್ರಶಸ್ತಿ ಸಮಿತಿಯ ಉಪ ನಾಯಕರಾದ ಆಸ್ಲೆ ಟೋಜೆಯವರು ಭಾರತದ ಪ್ರಧಾನಿ ನರೇಂದ್ರ ಮೋದಿಯವರನ್ನು ನೊಬೆಲ್ ಶಾಂತಿ ಪ್ರಶಸ್ತಿಯ “ಅತಿದೊಡ್ಡ ಸ್ಪರ್ಧಿ” ಎಂದು ಸೂಚಿಸಿದ್ದಾರೆ ಎನ್ನುವ ವೀಡಿಯೊ ಕ್ಲಿಪ್ ಅನ್ನು ತೋರಿಸುವ ಹಲವಾರು ವೀಡಿಯೊ ಹೇಳಿಕೆಗಳನ್ನು ಸಾಮಾಜಿಕ ಜಾಲತಾಣಗಳ ಬಳಕೆದಾರರು ಹಂಚಿಕೊಂಡಿದ್ದಾರೆ.

‘amarDgreat’ ಎಂಬ ದೃಢೀಕೃತ X ಬಳಕೆದಾರರೊಬ್ಬರು ಹಂಚಿಕೊಂಡ ಈ ವೀಡಿಯೊವನ್ನು ಟೈಮ್ಸ್ ನೌ ಟಿವಿ ವಾಹಿನಿಯಿಂದ ತೆಗೆದುಕೊಳ್ಳಲಾಗಿದೆ ಎಂದು ಹೇಳಲಾಗಿದೆ. ಆ ಪೋಸ್ಟ್ ಅನ್ನು ಕೆಳಗೆ ಕಾಣಬಹುದು.

Deputy leader of the Noble Peace Prize committee Asle Toje said:

“Prime Minister Modi is the Biggest contender for Noble prize” 🇮🇳 pic.twitter.com/C4YzcoJfw8

— Stranger (@amarDgreat) September 10, 2025

‘defenceralerts’ ಎಂಬ ಇನ್‌ಸ್ಟಾಗ್ರಾಮ್ ಪುಟವು ಇದೇ ರೀತಿಯ ಹೇಳಿಕೆಯನ್ನು “ನೊಬೆಲ್ ಶಾಂತಿ ಪ್ರಶಸ್ತಿಯ ಉಪನಾಯಕರು ‘#NobelPeacePrize ಗೆ ಪ್ರಧಾನಿ @narendramodi ಅತಿದೊಡ್ಡ ಸ್ಪರ್ಧಿ’ ಎನ್ನುತ್ತಿದ್ದಾರೆ” ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದೆ. ಈ ಪೋಸ್ಟ್ 16,000 ಕ್ಕೂ ಹೆಚ್ಚು ಲೈಕ್‌ಗಳನ್ನು ಗಳಿಸಿದ್ದು ಅದನ್ನು ಇಲ್ಲಿ ನೋಡಬಹುದು:

 

View this post on Instagram

 

A post shared by IDU (@defencealerts)

ಈ ಹೇಳಿಕೆಗಳು ನೊಬೆಲ್ ಶಾಂತಿ ಪ್ರಶಸ್ತಿಗೆ ಸ್ಪರ್ಧಿ ಎನ್ನಲಾಗಿರುವ ಅಮೆರಿಕಾದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್‌ಗೆ ಹೊಸ ಸ್ಪರ್ಧೆಯನ್ನು ಹುಟ್ಟುಹಾಕಿರುವಂತೆ ತೋರುತ್ತಿದೆ. ಪ್ರಧಾನಿ ಮೋದಿಗೆ ನೊಬೆಲ್ ಶಾಂತಿ ಪ್ರಶಸ್ತಿ ದೊರೆತರೆ ಅಧ್ಯಕ್ಷ ಟ್ರಂಪ್ ಕೋಪಗೊಂಡು ಭಾರತದ ಮೇಲೆ ಹೆಚ್ಚುವರಿ 25 ಶೇಕಡಾ ಸುಂಕವನ್ನು ವಿಧಿಸುತ್ತಾರೆ ಎಂದೂ ಸಹ ಕೆಲವು ಪೋಸ್ಟ್‌ಗಳು ಸೂಚಿಸುತ್ತವೆ.

FACT CHECK

ಡಿಜಿಟೈ ಇಂಡಿಯಾ ತಂಡವು ಈ ಹೇಳಿಕೆಯನ್ನು ತನಿಖೆ ಮಾಡಲು ನಿರ್ಧರಿಸಿ ಪರಿಶೀಲಿಸಿದಾಗ ಇದು ದಾರಿತಪ್ಪಿಸುವಂತಹ ಹೇಳಿಕೆ ಎಂದು ಕಂಡುಬಂತು.

ನಾವು ವೀಡಿಯೊ ಮತ್ತು ಚಿತ್ರಗಳ ಕೆಲವು ಪ್ರಮುಖ ಫ್ರೇಮ್ ಗಳನ್ನು ತೆಗೆದುಕೊಂಡು ಗೂಗಲ್ ರಿವರ್ಸ್ ಇಮೇಜ್‌ ಹುಡುಕಾಟ ನಡೆಸಿದಾಗ, ಮಾರ್ಚ್ 2023ರಲ್ಲಿ ಭಾರತ ಭೇಟಿಯ ಕುರಿತು ವೀಡಿಯೊಗಳು ಮತ್ತು ಹೊಸ ವರದಿಗಳು ನಮಗೆ ಕಂಡುಬಂದವು.

ನಾರ್ವೇಜಿಯಾದ ನೊಬೆಲ್ ಸಮಿತಿಯ ಉಪ ನಾಯಕ ಆಸ್ಲೆ ಟೋಜೆಯವರು ಮಾರ್ಚ್ 2023 ರಲ್ಲಿ ಭಾರತಕ್ಕೆ ಭೇಟಿ ನೀಡಿದ್ದರು ಮತ್ತು ತಾವು ಸಮಿತಿಯ ಉಪ ನಾಯಕರಾಗಿ ಅಲ್ಲ, “ಇಂಟರ್ನ್ಯಾಷನಲ್ ಪೀಸ್ ಅಂಡ್ ಅಂಡರ್ಸ್ಟ್ಯಾಂಡಿಂಗ್” ನ ನಿರ್ದೇಶಕರಾಗಿ ಮತ್ತು “ಇಂಡಿಯಾ ಸೆಂಟರ್ ಫೌಂಡೇಶನ್ (ICF)” ನ ಮಿತ್ರರಾಗಿ ಭಾರತದಲ್ಲಿದ್ದಾರೆ ಎಂದು ಆ ಸಮಯದಲ್ಲಿ ಆತ ಹೇಳಿದ್ದರು. ಉಕ್ರೇನ್-ರಷ್ಯಾ ಯುದ್ಧವನ್ನು ಕೊನೆಗೊಳಿಸಲು ಪ್ರಧಾನಿ ಮೋದಿಯವರ ಪ್ರಯತ್ನಗಳನ್ನು ಅವರು ಶ್ಲಾಘಿಸಿದ್ದರು ಆದರೆ ಅದನ್ನು ನೊಬೆಲ್ ಶಾಂತಿ ಪ್ರಶಸ್ತಿಯ ಉಮೇದುವಾರಿಕೆಯ ಬಗ್ಗೆ ಮಾತಾಡಿರಲಿಲ್ಲ.

ಮುಂದುವರೆದಂತೆ, ಆತ ಪ್ರಧಾನಿ ನರೇಂದ್ರ ಮೋದಿಯವರನ್ನು ನೊಬೆಲ್ ಪ್ರಶಸ್ತಿ ಸ್ಪರ್ಧಿಯಾಗಿ ಪರಿಗಣಿಸಿರುವ ಬಗ್ಗೆ ಹೇಳಿಕೆಗಳನ್ನು ನೀಡಿದ್ದಾರೆಂಬುದು ಸುಳ್ಳು ಮತ್ತು ತಾವು ಮಾಧ್ಯಮಗಳ ಮುಂದೆ ಅಂತಹ ಯಾವುದೇ ಹೇಳಿಕೆಯನ್ನು ನೀಡಿಲ್ಲ ಎಂದು ಆತ ಸ್ಪಷ್ಟಪಡಿಸಿದರು. ಟಿವಿ ಸುದ್ದಿ ವಾಹಿನಿಗಳು ಮತ್ತು ವೈರಲ್ ಪೋಸ್ಟ್‌ಗಳು ಸುಳ್ಳು ಸುದ್ದಿಯನ್ನು ಹರಡುತ್ತಿವೆ ಎಂದು ಆತ ಹೇಳಿದರು. ನೊಬೆಲ್ ಸಮಿತಿಯು ತನ್ನ ಕಟ್ಟುನಿಟ್ಟಿನ ನಿಯಮಗಳ ಪ್ರಕಾರ ಯಾವುದೇ ಸ್ಥಾನಕ್ಕೆ ಯಾರನ್ನೂ ಬಹಿರಂಗವಾಗಿ ಹೆಸರಿಸುವುದಿಲ್ಲ ಎಂಬುದನ್ನು ಗಮನಿಸಬಹುದು.

2023 ರಲ್ಲಿ ಹಿಂದೂಸ್ತಾನ್ ಟೈಮ್ಸ್ ಪೋಸ್ಟ್ ಮಾಡಿದ ವೀಡಿಯೊವನ್ನು ನೋಡಿ:

ಭಾರತ ಮತ್ತು ಮೋದಿಯವರ ಬಗ್ಗೆ ಆತ ಏನು ಹೇಳಿದ್ದಾರೆಂದು ನೋಡಲು ಕೆಳಗಿನ ಚಿತ್ರದ ಮೇಲೆ ಕ್ಲಿಕ್ ಮಾಡಿ, ಇದನ್ನು @IndianCompass ಎಂಬ ಮತ್ತೊಂದು ವಾಹಿನಿಯು ಪೋಸ್ಟ್ ಮಾಡಿದೆ.

ಈ ಘಟನೆಯನ್ನು ವರದಿ ಮಾಡಿದ CNBC ನ್ಯೂಸ್ ವರದಿಯಲ್ಲಿ ಅಂತಹ ಹೇಳಿಕೆಯ ಬಗ್ಗೆ ಯಾವುದೇ ಉಲ್ಲೇಖವನ್ನು ನೀಡುವುದಿಲ್ಲ. ಹಿಂದೂಸ್ತಾನ್ ಟೈಮ್ಸ್‌ನ ವಿಸ್ತೃತ ವರದಿಯನ್ನು ಇಲ್ಲಿ ನೋಡಿ.

ಮಾರ್ಚ್ 16, 2023 ರಂದು, ನ್ಯೂಸ್‌ಲಾಂಡ್ರಿ ತನ್ನ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಟೈಮ್ಸ್ ನೌ ಪ್ರಸಾರ ಮಾಡಿದ ನಕಲಿ ಟ್ವೀಟ್ ಮತ್ತು ಸುದ್ದಿಗಳನ್ನು ಎತ್ತಿತೋರಿಸಿತು. ಪೋಸ್ಟ್ ಅನ್ನು ಇಲ್ಲಿ ನೋಡಬಹುದು.

ಆಸ್ಲೆ ಟೋಜೆಯವರು ಪ್ರಧಾನಿ ಮೋದಿಯವರನ್ನು ಸ್ಪರ್ಧಿಯಾಗಿ ಸೂಚಿಸಿಲ್ಲ ಮತ್ತು ಆತ ಇದನ್ನು ಸ್ಪಷ್ಟಪಡಿಸಿದ್ದಾರೆ. ಆದ್ದರಿಂದ, ಈ ಹೇಳಿಕೆ ದಾರಿತಪ್ಪಿಸುವಂಥದ್ದು.