ಗೌತಮ್ ಗಂಭೀರ್ ನಿಜವಾಗಿಯೂ ಭಾರತ ಪುರುಷರ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim: ಗೌತಮ್ ಗಂಭೀರ್ ಭಾರತ ಪುರುಷರ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಹುದ್ದೆಗೆ ರಾಜೀನಾಮೆ ನೀಡಿದ್ದಾರೆ ಎಂದು ವೈರಲ್ ಪತ್ರ ಹೇಳುತ್ತದೆ.

ಕಡೆನುಡಿ/Conclusion: ಈ ಹೇಳಿಕೆ ಸುಳ್ಳು. ಪತ್ರವು ಕಟ್ಟುಕಥೆಯಾಗಿದ್ದು, ಅದರ ಸತ್ಯಾಸತ್ಯತೆಯನ್ನು ದೃಢೀಕರಿಸಲು ಯಾವುದೇ ವಿಶ್ವಾಸಾರ್ಹ ಪುರಾವೆಗಳಿಲ್ಲ. ಗೌತಮ್ ಗಂಭೀರ್ ಭಾರತೀಯ ಪುರುಷರ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಹುದ್ದೆಗೆ ರಾಜೀನಾಮೆ ನೀಡಿಲ್ಲ.

ರೇಟಿಂಗ್/Rating: ಸಂಪೂರ್ಣವಾಗಿ ಸುಳ್ಳು —

******************************************************
ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ.
******************************************************

ಭಾರತೀಯ ಪುರುಷರ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಗೌತಮ್ ಗಂಭೀರ್ ರಾಜೀನಾಮೆ ನೀಡಿದ್ದಾರೆ ಎಂದು ಹಲವಾರು ಸಾಮಾಜಿಕ ಮಾಧ್ಯಮ ಬಳಕೆದಾರರು ಹೇಳಿಕೊಳ್ಳುತ್ತಿದ್ದಾರೆ. ದೃಢೀಕೃತ X ಬಳಕೆದಾರ ‘pathak_vasu’ “ಗೌತಮ್ ಗಂಭೀರ್ ಅಧಿಕೃತವಾಗಿ ಭಾರತೀಯ ಕೋಚ್ ಹುದ್ದೆಯಿಂದ ಕೆಳಗಿಳಿದಿದ್ದಾರೆ. ಅವರು ಭವಿಷ್ಯದಲ್ಲಿ ಕ್ರಿಕೆಟ್ ಅಭ್ಯಾಸಗಳಲ್ಲಿ ಭಾಗಿಯಾಗುವುದಿಲ್ಲ. ಗೌತಮ್‌ಗೆ ಧನ್ಯವಾದಗಳು ಕ್ರಿಕೆಟ್ ಇಂಡಿಯಾಗೆ ನಿಮ್ಮ ಅಚಲ ಬೆಂಬಲಕ್ಕಾಗಿ” ಎಂಬ ಶೀರ್ಷಿಕೆಯೊಂದಿಗೆ ಅಂತಹ ಒಂದು ಹೇಳಿಕೆಯನ್ನು ಹಂಚಿಕೊಂಡಿದ್ದಾರೆ. ಕೆಳಗಿನ ಪೋಸ್ಟ್ ಅನ್ನು ನೋಡಿ:

Gautam gambhir has officially stepped down as Indian coach. He will not be involved in cricket practices in future.

Thanks gautam for your unwavering support to cricket India.@GautamGambhir pic.twitter.com/84cP3MZvKm

— पाठक तनहा (@pathak_vasu) November 24, 2025

X ನಲ್ಲಿ ಇದೇ ರೀತಿಯ ಪೋಸ್ಟ್ ಅನ್ನು ಇಲ್ಲಿ ನೋಡಿ:

Thank you Gautam Gambhir for everything you gave to Indian cricket. Your passion, honesty and fearless attitude inspired millions. Legends don’t need positions to make an impact — your legacy will always stay with us pic.twitter.com/orTm8UojXv

— pantu (@ShailyUmang) November 24, 2025

ಇತರ ಬಳಕೆದಾರರು ಸಹ ಇದೇ ರೀತಿಯ ಹಕ್ಕುಗಳನ್ನು ಹಂಚಿಕೊಂಡಿದ್ದಾರೆ, ಅವುಗಳನ್ನು ಇಲ್ಲಿ ಮತ್ತು ಇಲ್ಲಿ ನೋಡಬಹುದು.

 ಸತ್ಯ ಪರಿಶೀಲನೆ

ಡಿಜಿಟೈ ಇಂಡಿಯಾ ಈ ಹೇಳಿಕೆಯ ಕುರಿತು ತನಿಖೆ ಮಾಡಲು ನಿರ್ಧರಿಸಿತು ಮತ್ತು ಸುದ್ದಿ ಸುಳ್ಳು ಎಂದು ಕಂಡುಕೊಂಡಿತು. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯಿಂದ (BCCI) ಯಾವುದೇ ವಿಶ್ವಾಸಾರ್ಹ ಪುರಾವೆಗಳು ಅಥವಾ ಪರಿಶೀಲಿಸಿದ ವರದಿಗಳಿಲ್ಲ. ಇದಲ್ಲದೆ, ಈ ಪತ್ರವು ಕಟ್ಟುಕಥೆಯಾಗಿದ್ದು, ಗೌತಮ್ ಗಂಭೀರ್ ಅವರು ಅದನ್ನು ಬಿಡುಗಡೆ ಮಾಡಿಲ್ಲ.

ಹೇಳಿಕೆಯ ಕುರಿತು ಇನ್ನಷ್ಟು ತಿಳಿದುಕೊಳ್ಳಲು ನಾವು “ಗೌತಮ್ ಗಂಭೀರ್ BCCI ರಾಜೀನಾಮೆ” ಎಂಬ ಕೀವರ್ಡ್‌ನೊಂದಿಗೆ ಅಂತರ್ಜಾಲದ ಹುಡುಕಾಟವನ್ನು ನಡೆಸಿದೆವು. ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯು ಅವರ ರಾಜೀನಾಮೆಯ ಕುರಿತು ಯಾವುದೇ ಹೇಳಿಕೆಯನ್ನು ನೀಡಿಲ್ಲ. ಅವರ ಅಧಿಕೃತ ವೆಬ್‌ಸೈಟ್‌ನಲ್ಲಿಯೂ ಈ ಪತ್ರದ ಬಗ್ಗೆ ಯಾವುದೇ ಪತ್ರಿಕಾ ಪ್ರಕಟಣೆ ಅಥವಾ ದೃಢೀಕರಣ ಬಂದಿಲ್ಲ. ಇತ್ತೀಚಿನ ಪತ್ರಿಕಾ ಪ್ರಕಟಣೆಗಳು ನವೆಂಬರ್ 23 ರಂದು ದಕ್ಷಿಣ ಆಫ್ರಿಕಾ ವಿರುದ್ಧದ IDFC ಫಸ್ಟ್ ಬ್ಯಾಂಕ್ ODI ಸರಣಿಗಾಗಿ ಭಾರತದ ತಂಡಕ್ಕೆ ಸಂಬಂಧಿಸಿರುವಂಥದ್ದು. ಕೆಳಗಿನ ಸ್ಕ್ರೀನ್‌ಶಾಟ್ ನೋಡಿ:

ಇದರ ನಂತರ, X ಖಾತೆ ಸೇರಿದಂತೆ ಗೌತಮ್ ಗಂಭೀರ್ ಅವರ ಅಧಿಕೃತ ಚ್ಯಾನೆಲ್‌ಗಳನ್ನು ನಾವು ಪರಿಶೀಲಿಸಿದೆವು, ಮತ್ತು ಅವುಗಳಲ್ಲಿ ಅಂತಹ ಯಾವುದೇ ಘೋಷಣೆಗಳು ಕಂಡುಬಂದಿಲ್ಲ. ನಂತರ ನಾವು ಲೆಟರ್‌ಹೆಡ್, ಅಧಿಕೃತ ಸಹಿ ಅಥವಾ ಸರಿಯಾದ ಸ್ವರೂಪವನ್ನು ಹೊಂದಿರದ ಪತ್ರದತ್ತ ಗಮನ ಹರಿಸಿದೆವು. ಭಾರತೀಯ ಧ್ವಜದ ಎಮೋಜಿ ಸೇರಿದಂತೆ ಈ ಎಲ್ಲಾ ಅಸಂಗತತೆಗಳು ಪತ್ರವನ್ನು ಇನ್ನಷ್ಟು ಅನುಮಾನಾಸ್ಪದವಾಗಿಸುತ್ತದೆ, ಏಕೆಂದರೆ ಎಮೋಜಿಗಳನ್ನು ಅಧೀಕೃತ/ ವೃತ್ತೀಯ ಪತ್ರಗಳಲ್ಲಿ ಬಳಸಲಾಗುವುದಿಲ್ಲ. ಕೆಳಗಿನ ಪತ್ರವನ್ನು ನೋಡಿ:

X ನಲ್ಲಿ ನಮ್ಮ ಮರು-ಪರಿಶೀಲನೆಯ ಸಮಯದಲ್ಲಿ, ನಾವು ಮೂಲ ಪೋಸ್ಟ್ ಅನ್ನು ಪತ್ತೆಹಚ್ಚಿದೆವು ಮತ್ತು ಈ ಹೇಳಿಕೆಯನ್ನು ದೃಢೀಕೃತ ಬಳಕೆದಾರ “imRavY_” ನಿಂದ ಮುಂದುಹಾಕಲಾಗಿದೆ ಎಂದು ಕಂಡುಕೊಂಡೆವು, ಅವರ ಪೋಸ್ಟ್ ಸುಮಾರು 2.9 ಮಿಲಿಯ ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ನಕಲಿ ಪತ್ರವನ್ನು ಹರಡಲು ಬಳಕೆದಾರರು ಉದ್ದೇಶಪೂರ್ವಕವಾಗಿ ಪ್ರದರ್ಶಿತ ಹೆಸರನ್ನು “Gaotam Gambhir” (ಗೌತಮ್ ಗಂಭೀರ್ ಎಂದು ತಪ್ಪಾಗಿ ಬರೆದದ್ದು) ಎಂದು ಬದಲಾಯಿಸಿದ್ದಾರೆ.

ಖಾತೆಯನ್ನು ಈಗ “RavY” ಎಂದು ಮರುನಾಮಕರಣ ಮಾಡಲಾಗಿದೆ, ಆದರೆ ತಪ್ಪು ಮಾಹಿತಿಯನ್ನು ಪ್ರಸಾರ ಮಾಡಿದಾಗ, ಈ ನಕಲಿ ಗುರುತನ್ನು ಬಳಸಲಾಗುತ್ತಿತ್ತು. ನಮ್ಮ ತಂಡವು ನವೆಂಬರ್ 24, 2025 ರಂದು ಸ್ಕ್ರೀನ್‌ಶಾಟ್ ಸೆರೆಹಿಡಿದಿತ್ತು, ಅದು ಕೆಳಗೆ ಕಾಣುವಂತೆ ಸುಳ್ಳು ಹೆಸರಿನ ಖಾತೆಯನ್ನು ತೋರಿಸುತ್ತದೆ.

ಆದ್ದರಿಂದ, ಹೇಳಿಕೆ ಸುಳ್ಳು

********************************************************************

ಇದನ್ನೂ ಓದಿ:

ಈ ವೀಡಿಯೊದಲ್ಲಿ ಆಪರೇಷನ್ ಸಿಂಧೂರ್ ಕುರಿತಂತೆ ಐಶ್ವರ್ಯಾ ರೈ ಬಚ್ಚನ್ ಪ್ರಧಾನಿ ಮೋದಿಯವರನ್ನು ಪ್ರಶ್ನಿಸುತ್ತಿರುವುದು ಕಾಣುತ್ತದೆಯೇ? ಸತ್ಯ ಪರಿಶೀಲನೆ

ಈ ಕ್ಲಿಪ್ ನಲ್ಲಿ ನಿಜವಾಗಿಯೂ ಕೆಳಜಾತಿಯ ಹಿಂದೂಗಳಿಗೆ ನೆಲದ ಮೇಲೆ ಊಟ ಬಡಿಸುವುದನ್ನು ತೋರಿಸಲಗಿದೆಯೇ? ಸತ್ಯ ಪರಿಶೀಲನೆ