ಈ ವೀಡಿಯೊದಲ್ಲಿ ಅರ್ಚಕರು ದೇಣಿಗೆ ಹಣಕ್ಕಾಗಿ ಜಗಳವಾಡುವುದನ್ನು ತೋರಿಸಲಾಗಿದೆಯೇ? ಸತ್ಯ ಪರಿಶೀಲನೆ

ಹೇಳಿಕೆ/Claim : ಕರ್ನಾಟಕದ ದೇಣಿಗೆ ಪೆಟ್ಟಿಗೆಯಿಂದ ಬಂದ ಹಣಕ್ಕಾಗಿ ಅರ್ಚಕರು ಜಗಳವಾಡುತ್ತಿರುವುದನ್ನು ತೋರಿಸುವ ಒಂದು ವೈರಲ್ ವೀಡಿಯೊ, ದೇವಾಲಯದ ದೇಣಿಗೆಗಳಲ್ಲಿ ಭ್ರಷ್ಟಾಚಾರ ಮತ್ತು ದುರುಪಯೋಗವನ್ನು ಸೂಚಿಸುತ್ತದೆ.

ಕಡೆನುಡಿ/Conclusion : ತಪ್ಪು ನಿರೂಪಣೆ. ಈ ವೀಡಿಯೊ ವಾಸ್ತವವಾಗಿ ಮಂಗಳೂರಿನ ಕಟೀಲ್ ಪಟ್ಟಣದಲ್ಲಿ ನಡೆಯುವ ಸಾಂಪ್ರದಾಯಿಕ ಅಗ್ನಿ ಖೇಲಿ ಅಥವಾ ತೂಟೆದಾರ ಆಚರಣೆಯನ್ನು ಚಿತ್ರಿಸುತ್ತದೆ ಮತ್ತಿದು ದೇವಾಲಯದ ದೇಣಿಗೆಗಾಗಿ ನಡೆದಿರುವ ಜಗಳವಲ್ಲ.

ರೇಟಿಂಗ್/Rating : ತಪ್ಪು ನಿರೂಪಣೆ —

************************************************************************

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ

****************************************************************

ದೇಣಿಗೆ ಪೆಟ್ಟಿಗೆಗಾಗಿ ಅರ್ಚಕರು ಜಗಳವಾಡುತ್ತಿದ್ದಾರೆ ಎಂದು ಸೂಚಿಸುವ ವೈರಲ್ ವೀಡಿಯೊ ಒಂದನ್ನು ವಿವಿಧ ಸಾಮಾಜಿಕ ಮಾಧ್ಯಮ ವೇದಿಕೆಗಳಲ್ಲಿ ಪ್ರಸಾರ ಮಾಡಲಾಗುತ್ತಿದೆ.

ಜುಲೈ 7, 2025 ರಂದು ಸೂರ್ಯ ರಾಜ್ नागवंशी ಎಂಬ ಬಳಕೆದಾರರ ಈ X ಪೋಸ್ಟ್‌ನಲ್ಲಿ ಹಿಂದಿ ಶೀರ್ಷಿಕೆಯೊಂದಿಗೆ ಆಚರಣೆಯ ವೀಡಿಯೊವನ್ನು ಸೇರಿಸಲಾಗಿತ್ತು:

भिखारियों को दान पेटी में से हिस्सा नहीं मिला तो आपस में ही भीड़ गए!!! ये धंधा नहीं तो क्या है????

ಈ ಪೋಸ್ಟ್ ನ ಅನುವಾದ ಹೀಗಿದೆ: “ಅವರಿಗೆ ದೇಣಿಗೆ ಪೆಟ್ಟಿಗೆಯಿಂದ ಪಾಲು ಸಿಗಲಿಲ್ಲ, ಆದ್ದರಿಂದ ಅವರು ತಮ್ಮೊಳಗೆ ಜಗಳವಾಡಿದರು!!! ಇದು ವ್ಯವಹಾರವಲ್ಲದಿದ್ದರೆ ಮತ್ತೇನು ????!!!”

भिखारियों को दान पेटी में से हिस्सा नहीं मिला तो आपस में ही भीड़ गए!!!
ये धंधा नहीं तो क्या है????!!! pic.twitter.com/chKzjIoSHQ

— Surya Raj नागवंशी (@su66901) July 7, 2025

ಫೇಸ್‌ಬುಕ್‌ನಲ್ಲಿನ ಮತ್ತೊಂದು ಪೋಸ್ಟ್ ಹೀಗಿದೆ:: “दान पेटी में से हिस्सा नहीं मिला तो आपस में ही भीड़ गए, मंदिर में सारा मामला दान दक्षिण का है ”

ಅನುವಾದ ಹೀಗಿದೆ: “ಕಾಣಿಕೆ ಪೆಟ್ಟಿಗೆಯಿಂದ ಪಾಲು ಸಿಗದಿದ್ದಾಗ ಅವರು ತಮ್ಮೊಳಗೆ ಜಗಳವಾಡಿದರು, ದೇವಸ್ಥಾನದಲ್ಲಿ ಇಡೀ ವಿಷಯ ದಾನ-ದಕ್ಷಿಣೆಯದ್ದು.”

 ಸತ್ಯ ಪರಿಶೀಲನೆ:

ಡಿಜಿಟೈ ಇಂಡಿಯಾ ತಂಡವು ವೀಡಿಯೊದಿಂದ ಪ್ರಮುಖ ಫ್ರೇಮ್ ಗಳನ್ನು ತೆಗೆದುಕೊಂಡು ಈ ಫ್ರೇಮ್ ಗಳ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದಾಗ, ಅದು ನಮ್ಮನ್ನು ಅಗ್ನಿ ಖೇಲಿ ಆಚರಣೆಗೆ ಕೊಂಡೊಯ್ಯಿತು. ತೂಟೆದಾರ ಎಂದೂ ಕರೆಯಲ್ಪಡುವ ಈ ಆಚರಣೆಯು 17 ನೇ ಶತಮಾನಕ್ಕೂ ಹಿಂದಿನದು ಮತ್ತು ಇದನ್ನು ವಾರ್ಷಿಕವಾಗಿ ಏಪ್ರಿಲ್‌ ತಿಂಗಳಿನಲ್ಲಿ ಕರ್ನಾಟಕದ ಮಂಗಳೂರಿನ ಕಟೀಲು ಪಟ್ಟಣದಲ್ಲಿರುವ ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದಲ್ಲಿ ನಡೆಸಲಾಗುತ್ತದೆ.

ತೂಟೆದಾರ ಎಂದರೇನು?

ಮಂಗಳೂರಿನ ಕಟೀಲಿನ ಶ್ರೀ ದುರ್ಗಾ ಪರಮೇಶ್ವರಿ ದೇವಸ್ಥಾನದಲ್ಲಿ ವಾರ್ಷಿಕ ಉತ್ಸವದ ಭಾಗವಾಗಿ ಭಕ್ತರು ಬೆಂಕಿಯೊಂದಿಗೆ ಆಟವಾಡುವ, ಮತ್ತು ಸುಡುವ ತಾಳೆಗರಿಗಳು/ಕೋಲುಗಳನ್ನು ಪರಸ್ಪರ ಎಸೆಯುವ ಆಚರಣೆ ಇದು. ಕೇಸರಿ ಬಣ್ಣದ ಪಂಚೆಗಳನ್ನುಟ್ಟ ಭಕ್ತರು ತಮ್ಮ ದೇಹಕ್ಕೆ ಬೂದಿ ಹಚ್ಚಿಕೊಂಡು ಎದುರಾಳಿ ಗುಂಪಿನಿಂದ 15 ರಿಂದ 20 ಮೀಟರ್ ದೂರದಲ್ಲಿ ನಿಲ್ಲುತ್ತಾರೆ. ಅವರು ಉರಿಯುತ್ತಿರುವ ತಾಳೆಗರಿಗಳನ್ನು ಪರಸ್ಪರ ಎಸೆಯುತ್ತಾರೆ ಮತ್ತು ಈ ಆಚರಣೆಯು ಸುಮಾರು ಹದಿನೈದು ನಿಮಿಷಗಳ ಕಾಲ ನಡೆಯುತ್ತದೆ ಮತ್ತು ನಂತರ ಅವರು ದೇವಾಲಯವನ್ನು ಪ್ರವೇಶಿಸುತ್ತಾರೆ. ಈ ಹಬ್ಬದ ಸಮಯದಲ್ಲಿ, ಭಕ್ತರು 8 ದಿನಗಳ ಕಾಲ ಉಪವಾಸ ಮಾಡಿ ಭವ್ಯವಾಗಿ ಆಚರಿಸುತ್ತಾರೆ. ಈ ಆಚರಣೆಯು ಸಾಂಕೇತಿಕವಾಗಿದ್ದು ನಕಾರಾತ್ಮಕ ಶಕ್ತಿಯನ್ನು ಓಡಿಸುವ ಒಂದು ಮಾರ್ಗವಾಗಿ ಇದನ್ನು ಕಾಣಲಾಗುತ್ತದೆ.

ಈ ಹಬ್ಬದ ಬಗ್ಗೆ ತೆಲುಗಿನಲ್ಲಿ ವಿವರಿಸುವ ಎಬಿಪಿ ದೇಸಮ್ ನ ಯೂಟ್ಯೂಬ್ ವೀಡಿಯೊವನ್ನು ಕೆಳಗೆ ನೋಡಿ.

ಏಪ್ರಿಲ್ 23, 2022 ರಂದು ಪ್ರಕಟವಾದ ಹಿಂದೂಸ್ತಾನ್ ಟೈಮ್ಸ್‌ನ ಒಂದು ಮಾಹಿತಿಯುಕ್ತ ಲೇಖನವು ಕರ್ನಾಟಕದಲ್ಲಿ ಅಗ್ನಿ ಖೇಲಿ ಆಚರಣೆಯ ಬಗ್ಗೆ ಮತ್ತಷ್ಟು ವಿವರಗಳನ್ನು ನೀಡುತ್ತದೆ.

 

ಹೀಗಾಗಿ, ಈ ಅಗ್ನಿ ಖೇಲಿ ಆಚರಣೆಯ ವೀಡಿಯೊವನ್ನು ತಪ್ಪು ನಿರೂಪಣೆ  ಸೃಷ್ಟಿಸಲು ದುರುಪಯೋಗಪಡಿಸಿಕೊಳ್ಳಲಾಗಿದೆ. ಪುರೋಹಿತರು ಜಗಳವಾಡುತ್ತಿದ್ದಾರೆ ಎಂಬ ಹೇಳಿಕೆಯು ಸಂಪೂರ್ಣವಾಗಿ ಕಟ್ಟುಕಥೆಯಾಗಿದ್ದು, ಇದು ಈ ಕಾರ್ಯಕ್ರಮದ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಮಹತ್ವವನ್ನು ತಪ್ಪಾಗಿ ಪ್ರತಿನಿಧಿಸುತ್ತದೆ.

ಆದ್ದರಿಂದ ಈ ಹೇಳಿಕೆ ಸುಳ್ಳು.

ಇದನ್ನೂ ಓದಿ:

ಸೌದಿ ಅರೇಬಿಯಾ ಭಾರತಕ್ಕೆ ಬ್ಲಾಕ್ ವರ್ಕ್ ವೀಸಾಗಳನ್ನು ಸ್ಥಗಿತಗೊಳಿಸಿರುವುದು ನಮ್ಮ ವಿದೇಶಾಂಗ ನೀತಿಯ ಕುಸಿತವನ್ನು ಸೂಚಿಸುತ್ತದೆಯೇ? ಸತ್ಯ ಪರಿಶೀಲನೆ

ಕ್ಯಾನ್ಸರ್ ವಿರುದ್ಧ ವಿಟಮಿನ್ ಡಿ ಯು ಏಕೈಕ ಅತ್ಯಂತ ಪರಿಣಾಮಕಾರಿ ಔಷಧವೇ? ಸತ್ಯ ಪರಿಶೀಲನೆ