ಟ್ರಂಪ್ ಅಮೆರಿಕದಲ್ಲಿ ಟೆಸ್ಲಾ ಉತ್ಪಾದನೆಯನ್ನು ನಿಷೇಧಿಸಿದ್ದಾರಾ? ವೈರಲ್ ಆದ ವೀಡಿಯೊ; ಸತ್ಯ ಪರಿಶೀಲನೆ

ಹೇಳಿಕೆ/Claim:ಟ್ರಂಪ್ಒಂದು ವೀಡಿಯೊದಲ್ಲಿ ಟೆಸ್ಲಾ ಉತ್ಪಾದನೆಯ ಮೇಲೆ ನಿಷೇಧವನ್ನು ಘೋಷಿಸಿದ್ದಾರೆ..

ಕಡೆನುಡಿ/Conclusion:  ತಪ್ಪು ನಿರೂಪಣೆ. ಸದ್ಯಕ್ಕೆ ಟೆಸ್ಲಾ ಉತ್ಪಾದನೆಯನ್ನು ನಿಷೇಧಿಸುವ ಯಾವುದೇ ಕ್ರಮ ಕೈಗೊಂಡಿಲ್ಲ, ಮತ್ತು ವೀಡಿಯೊವನ್ನು ತಿರುಚಿ, ಧ್ವನಿಯನ್ನು ಬದಲಾಯಿಸಿ ಅಕ್ರಮವಾಗಿ ತಿದ್ದಲಾಗಿದೆ

ರೇಟಿಂಗ್/Rating: ತಪ್ಪು ನಿರೂಪಣೆ —

ವೀಡಿಯೊದಲ್ಲಿ ಸಂಪೂರ್ಣ ಸತ್ಯ ಪರಿಶೀಲನೆಯನ್ನು ನೋಡಲು ಚಿತ್ರದ ಮೇಲೆ ಕ್ಲಿಕ್ಕಿಸಿ.

ಅಥವಾ ಕೆಳಗಿನ ಲೇಖನವನ್ನು ಓದಿ

****************************************************************

ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ದೇಶದಲ್ಲಿ ಟೆಸ್ಲಾ ಕಾರುಗಳ ಉತ್ಪಾದನೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ನಿಷೇಧಿಸಿದ್ದಾರೆ ಎಂಬ ಹೇಳಿಕೆಯೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ವೀಡಿಯೊವೊಂದು ವೈರಲ್ ಆಗುತ್ತಿದೆ. ಟ್ರಂಪ್ ಮತ್ತು ಟೆಸ್ಲಾ ಸಿಇಒ ಎಲಾನ್ ಮಸ್ಕ್ ನಡುವಿನ ಸಂಬಂಧದಲ್ಲಿ ಬಂದ ಬಿರುಕು ಇದಕ್ಕೆ ಕಾರಣ; ಈ ವೀಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹರಡಲು ಪ್ರಾರಂಭಿಸಿತು.

“ದಯವಿಟ್ಟು ಈ ಯುದ್ಧವನ್ನು ನಿಲ್ಲಿಸಿ, ನಿಮ್ಮ ಹೂಡಿಕೆದಾರರಿಗೆ ತುಂಬಾ ನಷ್ಟವಾಗುತ್ತದೆ” ಎಂದು ದೊಡ್ಡ ಅಕ್ಷರಗಳಲ್ಲಿ ಬರೆಯಲಾಗಿದೆ. ಟೆಸ್ಲಾ ಉತ್ಪಾದನೆಯನ್ನು ನಿಷೇಧಿಸುವುದಾಗಿ ಮತ್ತು ಮೂರು ತಿಂಗಳ ಹಿಂದೆ ಉಡುಗೊರೆಯಾಗಿ ಸಿಕ್ಕಿದ್ದ  ಕೆಂಪು ಟೆಸ್ಲಾವನ್ನು ಮಾರಾಟ ಮಾಡುವುದಾಗಿ ಅಧ್ಯಕ್ಷ ಟ್ರಂಪ್ ಹೇಳುತ್ತಿರುವುದನ್ನು ವೀಡಿಯೊ ತೋರಿಸುತ್ತದೆ. ವೀಡಿಯೊ ನೋಡಿ:

STOP THIS WAR PLEASE WILL COST YOUR INVESTORS A LOT PLEASE: pic.twitter.com/toZSM4WxBp

— Market Rebellion (@zakayonoel37) June 8, 2025

ಇದೇ ವೀಡಿಯೊವನ್ನು ಇಲ್ಲಿ ತೋರಿಸಿದಂತೆ ಯೂಟ್ಯೂಬ್ ನಲ್ಲೂ ನೋಡಬಹುದು. :

ಸತ್ಯ ಪರಿಶೀಲನೆ

ಯಾವುದೇ ಪುರಾವೆಗಳು ಅಥವಾ ಗಂಭೀರ ತಾಂತ್ರಿಕ ದೋಷಗಳಿಲ್ಲದೆ ಟೆಸ್ಲಾದ ಉತ್ಪಾದನೆಯನ್ನು ನಿಷೇಧಿಸುವುದು ಅಸಂಭವ, ಏಕೆಂದರೆ ಇದು ನೀತಿಗಳನ್ನಾಧರಿಸಿರುವ ನಿರ್ಧಾರವನ್ನು ಒಳಗೊಂಡಿರುತ್ತದೆ. ಸದ್ಯಕ್ಕೆ ಶ್ವೇತಭವನದಿಂದ ಅಂತಹ ಯಾವುದೇ ಘೋಷಣೆಯಾಗಿಲ್ಲ, ಅಥವಾ ವೀಡಿಯೊದಲ್ಲಿನ ಹೇಳಿಕೆಯನ್ನು ದೃಢೀಕರಿಸುವ ಯಾವುದೇ ಸುದ್ದಿ ವರದಿಯಾಗಿಲ್ಲ. ಮಾತ್ರವಲ್ಲ, ಜೂನ್ 3, 2025 ರಂದು ಟ್ರಂಪ್ 12 ದೇಶಗಳಿಗೆ ಪ್ರಯಾಣ ನಿಷೇಧವನ್ನು ಘೋಷಿಸಿದ ಅವರ ಅಧಿಕೃತ ವೀಡಿಯೊವನ್ನು ತಿರುಚಿ ಅವರು ಮಸ್ಕ್ ವಿರುದ್ಧ ಮಾತನಾಡುತ್ತಿರುವ ರೀತಿಯಲ್ಲಿ ತೋರಿಸಲಾಗಿದೆ.

ಎರಡನೆಯದಾಗಿ, ಮಸ್ಕ್ DOGE ಕಚೇರಿಯಿಂದ ಹೊರಬಂದಾಗ ನಡೆದ ಪ್ರಮುಖ ಸಮಾರಂಭದ ವೀಡಿಯೊವನ್ನು ಎಲ್ಲಾ ರೀತಿಯಲ್ಲೂ ತಿರುಚಲಾಗಿದೆ, ಉತ್ಪ್ರೇಕ್ಷಿತ ಶೈಲಿಯಿಂದ, ನಾಟಕೀಯ ಉಪಶೀರ್ಷಿಕೆಗಳು, ಚಿತ್ರದ ತಿರುಗಿಸುವಿಕೆ, ಹಿನ್ನೆಲೆ ಬದಲಾವಣೆ ಮತ್ತು ಎಮೋಜಿಗಳವರೆಗಿನ ಬದಲಾವಣೆಯು, ಇದು ಕಾಲ್ಪನಿಕವಾಗಿದ್ದು ನಿಜವಾದ ವೀಡಿಯೊ ಅಲ್ಲ ಎಂಬುದನ್ನು ಸೂಚಿಸುತ್ತದೆ.

ಮಸ್ಕ್ ಜೊತೆಗಿನ ಬಹಿರಂಗ ಜಗಳದಿಂದಾಗಿ ಟ್ರಂಪ್ ತಮ್ಮ ಕೆಂಪು ಟೆಸ್ಲಾ ಕಾರನ್ನು ಕೈಬಿಡಲು ಯೋಚಿಸುತ್ತಿದ್ದಾರೆ ಎಂಬ ಸುದ್ದಿಯನ್ನು ಜೂನ್ 6, 2025 ರಂದು ಶ್ವೇತಭವನದ ಓರ್ವ ಅಧಿಕಾರಿಯನ್ನು ಉಲ್ಲೇಖಿಸಿ USA ಟುಡೇ ವರದಿ ಮಾಡಿದೆ. ಶ್ವೇತಭವನದ ಪಾಲಿಸಿಗಳ ಪ್ರಕಾರ, ಟ್ರಂಪ್ ವಿದ್ಯುತ್ ವಾಹನ ಸಬ್ಸಿಡಿಗಳನ್ನು ಬದಲಾಯಿಸುವುದಾಗಿ ಘೋಷಿಸಿದರೂ, ನಿರ್ದಿಷ್ಟವಾಗಿ ಟೆಸ್ಲಾವನ್ನು ನಿಷೇಧಿಸುವ ಬಗ್ಗೆ ಎಂದಿಗೂ ಉಲ್ಲೇಖಿಸಲಿಲ್ಲ. ಆದ್ದರಿಂದ, ವೀಡಿಯೊ ಸುಳ್ಳು.

ಇದನ್ನೂ ಓದಿ:

ಭಾರತದ ರಫೇಲ್ ಜೆಟ್ ಅನ್ನು ಪಾಕಿಸ್ತಾನ ಹೊಡೆದುರುಳಿಸಿದೆ ಎಂಬ ನಕಲಿ ವೀಡಿಯೊ ಹಂಚಿಕೊಳ್ಳಲಾಗುತ್ತಿದೆ; ಸತ್ಯ ಪರಿಶೀಲನೆ

ಟ್ರಂಪ್ ಆಡಳಿತವನ್ನು ಟೀಕಿಸುವ ಖಾತೆಗಳನ್ನು ರದ್ದು ಮಾಡುವ ಕುರಿತು X ನಲ್ಲಿ ಮಸ್ಕ್ ಪೋಸ್ಟ್ ಮಾಡಿದ್ದರೇ? ಸತ್ಯ-ಪರಿಶೀಲನೆ