ಕಾರ್ಯವಿಧಾನ

ಡಿಜಿಟೈ ಇಂಡಿಯಾ (www.digiteye.in) ಎಂಬುದು ರಾಯಿಟರ್ಸ್ ಮತ್ತಿತರ ಅಂತಾರಾಷ್ಟ್ರೀಯ ಮತ್ತು ಭಾರತೀಯ ಸುದ್ದಿ ಘಟಕಗಳಲ್ಲಿ ಎರಡು ದಶಕಗಳಿಗೂ ಹೆಚ್ಚಿನ ಕಾಲ ಕಾರ್ಯನಿರ್ವಹಿಸಿ ಅನುಭವ ಪಡೆದಿರುವ ಅನುಭವಿ ಪತ್ರಕರ್ತರ ತಂಡವನ್ನು ಹೊಂದಿರುವ ಒಂದು ಸ್ವತಂತ್ರ, ಪೂರ್ಣ ಪ್ರಮಾಣದ ಸತ್ಯ ಪರಿಶೀಲನಾ ಉಪಕ್ರಮ.

ಕಾರ್ಯವಿಧಾನ:

1. . ಸತ್ಯ ಪರಿಶೀಲನೆಗಾಗಿ ಹೇಳಿಕೆಗಳನ್ನು ಗುರುತಿಸುವುದು:

ಸುದ್ದಿಗಳಿಗಾಗಿ ಡಿಜಿಟೈ ಇಂಡಿಯಾ ಸಾಮಾಜಿಕ ಮಾಧ್ಯಮ ಮತ್ತು ಮುಖ್ಯವಾಹಿನಿಗಳ ಮೇಲೆ ನಿರಂತರವಾಗಿ ಕಣ್ಣಿಟ್ಟಿರುತ್ತದೆ. ಆದರೆ, ಸತ್ಯ-ಪರಿಶೀಲನೆಗಳ ಆಯ್ಕೆ ಮಾಡುವಾಗ ನಾವು ಕ್ಷುಲ್ಲಕ ಮನರಂಜನೆ ಅಥವಾ ವಿಡಂಬನೆ-ಆಧಾರಿತ ಸುದ್ದಿಗಳಿಂದ ದೂರ ಉಳಿಯುತ್ತೇವೆ. ಅದರ ವಿನಃ, ನಾವು ಪ್ರಸ್ತುತ ಸತ್ಯ ಪರಿಶೀಲನೆಗಾಗಿ ಈ ಕೆಳಗಿನ ಕ್ಷೇತ್ರಗಳ ಮೇಲೆ ಗಮನ ಹರಿಸುತ್ತಲಿದ್ದೇವೆ:

ನಾವು ಯಾವುದರ ಸತ್ಯ ಪರಿಶೀಲನೆ ಮಾಡುತ್ತೇವೆ?

•ನಾಯಕರು, ರಾಜಕಾರಣಿಗಳು ಮತ್ತು ರಾಜಕೀಯ ಪಕ್ಷಗಳು, ಸಂಸ್ಥೆಗಳು ಮತ್ತು ಅಧಿಕಾರಿಗಳು ಮಾಡುವ ಎಲ್ಲಾ ರಾಜಕೀಯ, ಸಾಮಾಜಿಕ ಮತ್ತು ಧಾರ್ಮಿಕ ಹೇಳಿಕೆಗಳು ಮತ್ತು ಟೀಕೆಗಳನ್ನು ಸತ್ಯ-ಪರಿಶೀಲನೆಗಾಗಿ ಕೈಗೆತ್ತಿಕೊಳ್ಳಲಾಗುತ್ತದೆ.

• ಒಬ್ಬ ನಿರ್ದಿಷ್ಟ ರಾಜಕೀಯ ನಾಯಕರ ಪರವಾದ ಅಥವಾ ವಿರುದ್ಧವಾದ ಸಾರ್ವಜನಿಕ ಅಭಿಪ್ರಾಯದ ಮೇಲೆ ಪ್ರಭಾವ ಬೀರಲು ಸಾಮಾಜಿಕ ಮಾಧ್ಯಮದಲ್ಲಿ ಕಾಣುವ ಪ್ರಚೋದನಕಾರಿ ಹ್ಯಾಶ್‌ಟ್ಯಾಗ್‌ಗಳು ನಮ್ಮ ಸತ್ಯ ಪರಿಶೀಲನೆಯ ಭಾಗವಾಗಿವೆ.

• ಸುಳ್ಳು ಸುದ್ದಿಯನ್ನು ಅಥವಾ ಸಮುದಾಯಗಳ ನಡುವೆ ದ್ವೇಷ ಹರಡುವ ಗುರಿಯನ್ನು ಹೊಂದಿರುವ ಅಥವಾ ಪ್ರಚೋದನಕಾರಿ ರೂಪದ ಎಲ್ಲಾ ಹೇಳಿಕೆಗಳನ್ನು ಸತ್ಯ ಪರಿಶೀಲನೆಗಾಗಿ ಕೈಗೆತ್ತಿಕೊಳ್ಳಲಾಗುತ್ತದೆ.

• ಕಳೆದ ಸ್ವಲ್ಪ ಸಮಯದಲ್ಲಿ, ಟ್ವಿಟರ್, ಫೇಸ್ಬುಕ್ ಮತ್ತಿನ್ನೂ ಕೆಲವು ವೆಬ್‌ಸೈಟ್‌ಗಳಲ್ಲಿ ನಾವು ಹಲವಾರು ಸಾಮಾಜಿಕ ಮಾಧ್ಯಮದ ಕುಕರ್ಮಿಗಳನ್ನು ಗುರುತಿಸಿದ್ದೇವೆ, ಅವರನ್ನು ನಾವು ನಿರಂತರವಾಗಿ ಗಮನಿಸುತ್ತೇವೆ ಮತ್ತು ಅವರ ಸಂದೇಶಗಳನ್ನು ಪ್ರತಿದಿನ ಪರಿಶೀಲಿಸುತ್ತೇವೆ. ನಮ್ಮ ತಂಡದ ಪರಿಣತಿ ಮತ್ತು ಸಾಮರ್ಥ್ಯದ ಆಧಾರದ ಮೇಲೆ, ನಾವು ಸತ್ಯ ಪರಿಶೀಲನೆಗಳ ಸಂಖ್ಯೆಯನ್ನು ನಿರ್ಧರಿಸುತ್ತೇವೆ.

•ನಾವು ಮಾಹಿತಿ ನೀಡುವ ಸಲುವಾಗಿ, ಹೇಳಿಕೆಗಳ ನಿಜರೂಪ ಬಯಲು ಮಾಡಲು ಎಲ್ಲಾ ಲಿಂಕ್‌ಗಳೊಂದಿಗೆ ಸಾರ್ವಜನಿಕ ಡೊಮೇನ್‌ನಲ್ಲಿ ಲೇಖನಗಳನ್ನು ಬರೆಯಲು ಪ್ರಯತ್ನಿಸುತ್ತೇವೆ, ನಮ್ಮ ಓದುಗರು ಮಾಹಿತಿಯನ್ನು ಸ್ವತಃ ಪರಿಶೀಲಿಸಲು ಮತ್ತು ಪ್ರಕ್ರಿಯೆಯನ್ನು ಸ್ವತಃ ಪುನರಾವರ್ತಿಸಲು ಅನುವು ಮಾಡಿಕೊಡುತ್ತೇವೆ. ಮಾಹಿತಿಯು ಸಾಕಷ್ಟಿಲ್ಲ ಎಂದು ನಾಮಗನಿಸಿದಾಗಲೆಲ್ಲಾ, ನಾವು ಯಾವುದೇ ನಿರ್ಣಾಯಕ ತೀರ್ಪು ನೀಡುವುದನ್ನು ಮತ್ತು ಸುದ್ದಿಯನ್ನು ಸ್ಪಷ್ಟಪಡಿಸುವುದರಿಂದ ದೂರ ಉಳಿಯುತ್ತೇವೆ.

• ತಮ್ಮನ್ನು ಚಕಿತಗೊಳಿಸಿರುವಂತಹ ಮತ್ತು ಸತ್ಯ ಪರಿಶೀಲನೆ ಮಾಡಬೇಕಾಗಿದೆಯೆಂದು ಅನಿಸುವ ಸಂದೇಶಗಳನ್ನು ಮತ್ತು ಹೇಳಿಕೆಗಳನ್ನು ನಮಗೆ ಕಳುಹಿಸಲು ನಾವು ನಮ್ಮ ಓದುಗರನ್ನು ಪ್ರೋತ್ಸಾಹಿಸುತ್ತೇವೆ. ಈ ಉದ್ದೇಶಕ್ಕಾಗಿ ನಾವು ಪ್ರತಿ ಸುದ್ದಿಯಲ್ಲಿ ಸಂಪರ್ಕ ಫಾರ್ಮ್ ಅನ್ನು ಒದಗಿಸಿದ್ದೇವೆ. ಇದಲ್ಲದೆ, IFCN ಸಹಿದಾರರಿಗಾಗಿರುವ ಮೀಸಲಾದ ಸಂಖ್ಯೆಯನ್ನೊಳಗೊಂಡ (9632830256) ಪ್ರತ್ಯೇಕ ವಾಟ್ಸಾಪ್ ವ್ಯಾಪಾರ ಖಾತೆಯನ್ನು ಸಹ ನಾವು ಹೊಂದಿದ್ದೇವೆ, ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳಲಾಗುತ್ತಿರುವ ಸಂದೇಶಗಳ ಲಿಂಕ್‌ಗಳನ್ನು ಓದುಗರು ನಮಗೆ ಇಲ್ಲಿ ಕಳುಹಿಸಬಹುದು.

•ನಮಗೆ ಯಾವುದೇ ಸುದ್ದಿಯ ಸುಳಿವು ಸಿಕ್ಕಿದೊಡನೆ, ಆ ಸುದ್ದಿಯ ಮೌಲ್ಯ, ಹೆಚ್ಚಿನ ಜನರ ಮೇಲೆ ಅದರ ಪ್ರಭಾವ ಮತ್ತು ಅಂತಹ ಹೇಳಿಕೆಗಳ ಹಿಂದಿನ ಉದ್ದೇಶಕ್ಕಾಗಿ ನಾವು ಹೇಳಿಕೆಗಳು ಮತ್ತು ಸಂದೇಶಗಳನ್ನು ಪರಿಶೀಲಿಸುತ್ತೇವೆ. ಒಂದು ಸುದ್ದಿಯ ಸತ್ಯ-ಪರಿಶೀಲನೆಗೆ ಮುಖ್ಯ ಮಾನದಂಡವೆಂದರೆ ಅದರಿಂದ ಉಂಟಾಗಬಹುದಾದ ಹಾನಿ ಮತ್ತು ಪರಿಶೀಲಿಸದೆ ಬಿಟ್ಟರೆ ಆ ಹೇಳಿಕೆ ಸಾರ್ವಜನಿಕರಲ್ಲಿ ಹರಡಬಹುದಾದ ಮಟ್ಟ.

• ನಾವು ಎಲ್ಲಾ ಹೇಳಿಕೆಗಳನ್ನೂ ಒಂದೇ ರೀತಿಯ ಮಾನದಂಡಗಳನ್ನು ಬಳಸಿ ಪರಿಶೀಲಿಸುತ್ತೇವೆ, ಆದರೆ ಹೆಚ್ಚು ಸೂಕ್ಷ್ಮ ಮತ್ತು ವದಂತಿಯನ್ನು ಹುಟ್ಟುಹಾಕುವ ಸಾಮಾಜಿಕ ಮಾಧ್ಯಮದ ಸಂದೇಶಗಳನ್ನು ತಕ್ಷಣವೇ ಪರಿಶೀಲಿಸುವ ಅಗತ್ಯವಿರುತ್ತದೆ, ಹಾಗಾಗಿ ಅವುಗಳನ್ನು ಪ್ರಕಟಿಸುವ ಮುನ್ನ ಆಳವಾದ ಮತ್ತು ಸಮಯೋಚಿತ ಆನ್‌ಲೈನ್ ಸಂಶೋಧನೆಯನ್ನು ಕೈಗೊಳ್ಳಲಾಗಿದೆ ಎಂದು ನಾವು ಖಚಿತಪಡಿಸಿಕೊಳ್ಳುತ್ತೇವೆ.

2. ಪ್ರಾಥಮಿಕ ಮೂಲದ ಪರಿಶೀಲನೆ:

ಸುದ್ದಿ ಸಂಸ್ಥೆ ಅಥವಾ ಬೇರೊಂದು ಪ್ರತಿಷ್ಠಾಪಿತ ಸುದ್ದಿ ವಾಹಿನಿಗಯಂತಹ ದ್ವಿತೀಯ ಹಂತದ ಮೂಲಗಳ ಆಧಾರದ ಮೇಲೆ ಬಳಕೆದಾರರಿಂದ ವಿನಂತಿಗಳನ್ನು ಸ್ವೀಕರಿಸಿದರೂ ಸಹ ನಾವು ಮುಖ್ಯವಾಗಿ ಪ್ರಾಥಮಿಕ ಮೂಲವನ್ನೇ ಹುಡುಕುತ್ತೇವೆ. ಸತ್ಯ-ಪರಿಶೀಲನೆಗಾಗಿ ಸುದ್ದಿ ಅಥವಾ ಹೇಳಿಕೆಯನ್ನು ಆಯ್ಕೆ ಮಾಡಿಕೊಂಡ ನಂತರ, ಆ ಸುದ್ದಿ ಅಥವಾ ಹೇಳಿಕೆಯ ಮೂಲವನ್ನು ಪತ್ತೆಹಚ್ಚಲು ನಾವು ಕೂಲಂಕುಷವಾಗಿ ಆನ್‌ಲೈನ್ ಸಂಶೋಧನೆಯನ್ನು ನಡೆಸುತ್ತೇವೆ. ಮೂಲವನ್ನು ದೃಢಪಡಿಸಿಕೊಂಡ ನಂತರ, ವಿಶ್ವಾಸಾರ್ಹತೆಯನ್ನು ಖಚಿತಪಡಿಸಿಕೊಳ್ಳಲು ನಾವು ಅಧಿಕೃತ ಸುದ್ದಿ ಹೇಳಿಕೆಗಳೊಂದಿಗೆ ಅದರ ಪರಿಶೀಲನೆ ನಡೆಸುತ್ತೇವೆ. ಸಾಮಾನ್ಯವಾಗಿ, ಸತ್ಯ ಪರಿಶೀಲನೆಗಳಿಗೆ ಹೆಚ್ಚಿನ ದೃಢೀಕರಣವನ್ನು ನೀಡಲು ನಾವು ಸಮಸ್ಯೆಗಳ ಕುರಿತು ಸರ್ಕಾರದ ಹೇಳಿಕೆಗಳ ಚಿತ್ರಗಳನ್ನು ಪುನರುತ್ಪಾದಿಸಿದ್ದೇವೆ. ಹೆಚ್ಚುವರಿ ಮತ್ತು ಸಹಕಾರಿ ಸಾಕ್ಷ್ಯಕ್ಕಾಗಿ, ಅಧಿಕೃತ ಪತ್ರಿಕೆಗಳು ಪ್ರಕಟಿಸಿದ ಸುದ್ದಿಗಳ ಲಿಂಕ್‌ಗಳನ್ನು ನೀಡುತ್ತೇವೆ.

ಸತ್ಯ-ಪರಿಶೀಲನೆಗಾಗಿ ನಾವು ಗೂಗಲ್ ಹುಡುಕಾಟ, ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟ, ಇನ್‌ವಿಡ್ ಪರಿಶೀಲನಾ ಟೂಲ್, ವೀಡಿಯೊ ತಪಾಸಣೆ ಟೂಲ್ಗಳು, ಗೂಗಲ್ ಅರ್ತ್ ಮತ್ತು ಗೂಗಲ್ ಮ್ಯಾಪ್ಸ್ ನಂತಹ ಜಾಗತಿಕವಾಗಿ ಅಂಗೀಕರಿಸಲ್ಪಟ್ಟ ಪರಿಶೀಲನಾ ಟೂಲ್ಗಳನ್ನು ಬಳಸುತ್ತೇವೆ. ಕಥೆಯನ್ನನುಸರಿಸಿ, ನಾವು ಸತ್ಯ-ಪರಿಶೀಲನೆಯ ಹಲವು ಟೂಲ್ಗಳನ್ನು ಬಳಸುತ್ತೇವೆ ಮತ್ತು ನಮ್ಮ ಓದುಗರಿಗೆ ನಮ್ಮ ಪ್ರಕ್ರಿಯೆಯನ್ನು ವಿವರಿಸುತ್ತೇವೆ, ಇದರಿಂದ ಅವರು ಸತ್ಯ-ಪರಿಶೀಲನೆಯನ್ನು ಸ್ವತಃ ಪುನರಾವರ್ತಿಸಬಹುದು ಮತ್ತು ಭವಿಷ್ಯದಲ್ಲಿ ಅಂತಹ ತಪ್ಪು ಮಾಹಿತಿಯ ಬಗ್ಗೆಯೂ ತಿಳುವಳಿಕೆ ಹೊಂದಬಹುದು.

ಓದುಗರು ತಾವು ಸ್ವತಃ ಪರಿಶೀಲಿಸಲು ಅನುವು ಮಾಡಿಕೊಡಲು, ನಾವು ಮೂರು ಪ್ರಮುಖ ವಿಭಾಗಗಳಲ್ಲಿ ಲೇಖನಗಳನ್ನು ಪ್ರಕಟಿಸಲಾರಂಭಿಸಿದ್ದೇವೆ — ಮೂಲ, ಕಾರ್ಯವಿಧಾನ ಮತ್ತು ರೇಟಿಂಗ್.

• ಮೂಲ: ಇಲ್ಲಿ, ಸುದ್ದಿಯನ್ನು ಎಲ್ಲಿ ಪ್ರಕಟಿಸಲಾಗಿದೆ – ಸಾಮಾಜಿಕ ಜಾಲತಾಣಡಲ್ಲೋ ಅಥವಾ ಸುದ್ದಿ ಅಥವಾ ಮುದ್ರಣ ಮಾಧ್ಯಮದಲ್ಲೊ ಎಂಬುದನ್ನು ಮತ್ತು ಸತ್ಯ-ಪರಿಶೀಲನೆಯ ಅಗತ್ಯತೆಯನ್ನು ದೃಶ್ಯ ಸಾಕ್ಷ್ಯ ಮತ್ತು ಲಿಂಕ್‌ಗಳ ಸಮೇತ ನಾವು ಸ್ಪಷ್ಟವಾಗಿ ಹೇಳುತ್ತೇವೆ.

• ಕಾರ್ಯವಿಧಾನ: ಇಲ್ಲಿ, ನಾವು ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟ ಅಥವಾ ವೀಡಿಯೊ ದೃಢೀಕರಣ ಅಥವಾ ವೀಡಿಯೊ ಕ್ಲಿಪ್ಪಿಂಗ್‌ನಂತಹ ಸತ್ಯ ಪರಿಶೀಲನೆಯ ಟೂಲ್ಗಳನ್ನು ಅನ್ವಯಿಸುತ್ತೇವೆ.

• ರೇಟಿಂಗ್: ಈಗ ನಮ್ಮ ಕಥೆಗಳ ಮತ್ತೊಂದು ಪ್ರಮುಖ ಭಾಗವೆಂದರೆ ಅವುಗಳನ್ನು ವಿವಿಧ ರೇಟಿಂಗ್‌ಗಳ ಅಡಿಯಲ್ಲಿ ವರ್ಗೀಕರಿಸುವುದು. ಇದರಿಂದ, ನಾವು ಪರಿಶೀಲಿಸಿದ ಪ್ರತಿಯೊಂದು ಹೇಳಿಕೆ ಸುಳ್ಳಲ್ಲ, ಅವುಗಳಲ್ಲಿ ನಿರ್ದಿಷ್ಟ ವ್ಯತ್ಯಾಸಗಳಿವೆ ಎಂಬುದನ್ನು ನೋಡಲು ನಮ್ಮ ಓದುಗರಿಗೆ ಸಹಾಯವಾಗುತ್ತದೆ. ಈ ಉದ್ದೇಶಕ್ಕಾಗಿ, ನಾವು ಸತ್ಯ-ಪರಿಶೀಲನೆಯಾದ ಪ್ರತಿಯೊಂದು ಸುದ್ದಿಗೆ ಪ್ರಶ್ನಾರ್ಥಕ ಚಿಹ್ನೆಯೊಂದಿಗೆ ಕೆಳಗಿನ ರೇಟಿಂಗ್ ವ್ಯವಸ್ಥೆಯನ್ನು ಪರಿಚಯಿಸಿದ್ದೇವೆ:

True –

This rating means that the claim is right and the suspicion is baseless.

1. One ? mark – Exaggeration

2. Two ?? marks – Misinterpretation

3. Three ??? marks – Misrepresentation

4. Four ???? marks – Mostly False

5. Five ????? marks – Totally False

ವಿವರಣೆ:

1. One mark –ಉತ್ಪ್ರೇಕ್ಷೆ — ಒಂದು ಘಟನೆ, ವಾಸ್ತವಾಂಶ ಅಥವಾ ಸಂಖ್ಯೆ ಉತ್ಪ್ರೇಕ್ಷೆಗೊಂಡಾಗಲೆಲ್ಲಾ.2. Two marks – ತಪ್ಪು ವ್ಯಾಖ್ಯಾನ — ಘಟನೆ, ವಾಸ್ತವಾಂಶ ಅಥವಾ ಉಲ್ಲೇಖವನ್ನು ತಿಳಿಯದೆಯೇ ತಪ್ಪಾಗಿ ಅರ್ಥೈಸಿಕೊಳ್ಳಲಾಗಿದ್ದರೆ.

3. Three marks – ತಪ್ಪು ನಿರೂಪಣೆ –—- ದ್ವೇಷ ಹರಡುವ ಅಥವಾ ಘರ್ಷಣೆಗಳನ್ನು ಪ್ರಚೋದಿಸುವ ಕೆಟ್ಟ ಉದ್ದೇಶದೊಂದಿಗೆ ಒಂದು ಘಟನೆ, ವಾಸ್ತವಾಂಶ ಅಥವಾ ಸುದ್ದಿಯನ್ನು ಉದ್ದೇಶಪೂರ್ವಕವಾಗಿ ತಿರುಚಲಾಗಿದ್ದರೆ ಅಥವಾ ಬದಲಾಯಿಸಲಾಗಿದ್ದರೆ.

4. Four marks – ಬಹುತೇಕ ಸುಳ್ಳು —- ಎಲ್ಲಾ ರೀತಿಗಳಲ್ಲಿ ಸತ್ಯವನ್ನು ಬುಡಮೇಲು ಮಾಡಲು ಘಟನೆ ಅಥವಾ ಹೇಳಿಕೆ ಮಾಡಿದಾಗಲೆಲ್ಲಾ.

5. Five

marks – ಸಂಪೂರ್ಣವಾಗಿ ಸುಳ್ಳು— ಒಂದು ಹೇಳಿಕೆಯು ಅನುಮಾನಕ್ಕೆ ಎಡೆ ಇಲ್ಲದಸ್ಟು ಸುಳ್ಳು ಎಂದು ಸಾಬೀತಾದಾಗಲೆಲ್ಲಾ.

ನಮ್ಮ ಓದುಗರು ಸುಲಭವಾಗಿ ಸ್ವತಃ ಸತ್ಯ ಪರಿಶೀಲನೆ ಮಾಡಿಕೊಳ್ಳಲು ಅನುವು ಮಾಡಿಕೊಡಲೆಂದು ಚಿತ್ರಗಳು, ಟ್ವೀಟ್‌ಗಳು, ವೆಬ್ ಪುಟಗಳು ಮತ್ತು ಸಂದೇಶಗಳ ಎಲ್ಲಾ ಲಿಂಕ್‌ಗಳನ್ನು ನಮ್ಮ ವೆಬ್‌ಸೈಟ್‌ನಲ್ಲಿ ಸಂಗ್ರಹಿಸಲಾಗಿದೆ ಎಂದು ನಾವು ಖಚಿತಪಡಿಸಿದ್ದೇವೆ. ಮೂಲಗಳನ್ನು ತೆಗೆದುಹಾಕಿದ್ದರೂ ಸಹ, ಈ ಸೆರೆಹಿಡಿಯಲಾದ ಚಿತ್ರಗಳು ನಮ್ಮ ಓದುಗರಿಗೆ ಲಭ್ಯವಿರುತ್ತವೆ.

3. ಆನ್‌ಲೈನ್ ಸಂಶೋಧನಾ ಟೂಲ್ಗಳು:

ನಮ್ಮ ಸತ್ಯ-ಪರಿಶೀಲನಾ ಪ್ರಕ್ರಿಯೆಗಾಗಿ ನಾವು ಬಳಸುವ ಕೆಲವು ಆನ್‌ಲೈನ್ ಸಂಶೋಧನಾ ಟೂಲ್ಗಳು ಇಲ್ಲಿವೆ:

ಗೂಗಲ್ ಹುಡುಕಾಟ, ವಿಶೇಷವಾಗಿ ನಿರ್ದಿಷ್ಟ ಸಮಯದೊಳಗೆ ಕಾಲಾನುಕ್ರಮದ ಹುಡುಕಾಟದ ಸಹಾಯದೊಂದಿಗೆ ನಾವು ಹಿಂದೆ ಪ್ರಕಟವಾದ ಕೆಲವು ಹಳೆಯ ಕಥೆಗಳನ್ನು ಗುರುತಿಸಿ ಘಟನಾವಳಿಗಳಿಗೆ ಹೊಂದಿಸಿ ಪ್ರಸ್ತುತ ನಾವು ಕಂಡುಕೊಂಡ ಅಂಶಗಳನ್ನು ದೃಢೀಕರಿಸಲು ಸಾಧ್ಯವಾಗಿದೆ. ಕೆಲವು ಸಂದರ್ಭಗಳಲ್ಲಿ, ಶ್ರೀಲಂಕಾದ ಸುದ್ದಿಯಲ್ಲಿ ಮಾಡಿದಂತೆ ಸತ್ಯ-ಪರಿಶೀಲನೆಗಳನ್ನು ಸಾಬೀತುಪಡಿಸಲು ಪ್ರಕಟಗೊಂಡ ಇ-ಪತ್ರಿಕೆಗಳು ಕಂಡುಬಂದಿವೆ.
ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟ: ಗೂಗಲ್ ರಿವರ್ಸ್ ಇಮೇಜ್ ಹುಡುಕಾಟದ ಸಹಾಯದೊಂದಿಗೆ, ನಮ್ಮ ಸತ್ಯ ಪರೀಕ್ಷಕರು ರೈಟ್ ಕ್ಲಿಕ್ ವಿಧಾನವನ್ನು ಬಳಸಿಕೊಂಡು ಯಾವುದೇ ಚಿತ್ರದ ಮೂಲವನ್ನು ಮತ್ತು ಪ್ರಪಂಚದಾದ್ಯಂತ ಪ್ರಕಟವಾದ ಸ್ವರೂಪಗಳಲ್ಲಿ ಅದರ ಹಳೆಯ ಬಳಕೆಯನ್ನು ಪರಿಶೀಲಿಸಲು ಸಾಧ್ಯವಾಗುತ್ತದೆ. ಕೆಲವು ಸಂದರ್ಭಗಳಲ್ಲಿ, ರಿವರ್ಸ್ ಇಮೇಜ್ ಹುಡುಕಾಟದಿಂದ ತಪ್ಪಿಸಿಕೊಳ್ಳಲು ಫೋಟೋಗಳನ್ನು ತಿದ್ದಲು ಕಿಡಿಗೇಡಿಗಳು ಫೋಟೋ ಫ್ಲಿಪ್ಪಿಂಗ್ ವಿಧಾನವನ್ನು ಬಳಸಿದ್ದನ್ನೂ ನಾವು ಗುರುತಿಸಲು ಸಾಧ್ಯವಾಗಿದೆ. ರಾಹುಲ್ ಗಾಂಧಿಯವರು ಎಡಗೈಯಿಂದ ತ್ರಿವರ್ಣ ಧ್ವಜಕ್ಕೆ ನಮಸ್ಕರಿಸುತ್ತಿರುವುದನ್ನು ತೋರಿಸುವ ಚಿತ್ರದಲ್ಲಿ ಇದನ್ನು ಮಾಡಲಾಗಿತ್ತು.
ಗೂಗಲ್ ಎಕ್ಸ್‌ಟೆನ್ಶನ್‌ನಲ್ಲಿ ಸಕ್ರಿಯಗೊಳಿಸಲಾಗಿರುವ ಇನ್‌ವಿಡ್ ಪರಿಶೀಲನಾ ಟೂಲ್ ಎಂಬುದು ಫೇಸ್ಬುಕ್/ ಯೂಟ್ಯೂಬ್ / ಇನ್‌ಸ್ಟಾಗ್ರಾಮ್ / ಟ್ವಿಟ್ಟರ್ ಅಥವಾ ಯಾವುದೇ ವೀಡಿಯೊಗಳಲ್ಲಿ ಬಳಸಿರುವ ಯಾವುದೇ ಚಿತ್ರ ಅಥವಾ ವೀಡಿಯೊದ ತ್ವರಿತ ಪರಿಶೀಲನೆಗಾಗಿ ಅಥವಾ ಅವುಗಳ ಸಂದರ್ಭವನ್ನು ಅರ್ಥ ಮಾಡಿಕೊಳ್ಳಲು ಸಹಾಯ ಮಾಡುವ ಮತ್ತೊಂದು ಓಪನ್ ಸೋರ್ಸ್ ವೀಡಿಯೊ / ಚಿತ್ರ ಪರಿಶೀಲನಾ ಟೂಲ್ ಆಗಿದೆ . ಇದು ಬೈದು ಅಥವಾ ಯಾಂಡೆಕ್ಸ್ ಸರ್ಚ್ ಇಂಜಿನ್‌ಗಳನ್ನೂ ಸಹ ಹುಡುಕುತ್ತದೆ.
ನಮ್ಮ ಸತ್ಯ-ಪರಿಶೀಲನಾ ಪ್ರಕ್ರಿಯೆಯ ಮತ್ತೊಂದು ಪ್ರಮುಖ ಅಂಶವೆಂದರೆ ಚಿತ್ರ ತಪಾಸಣೆ. ನಾವು ಸಮಯವನ್ನು ಅಂದಾಜು ಮಾಡಲು ಸಮಯ, ಸ್ಥಳ, ನೆರಳಿನ ಕೋನದಂತಹ ಸುಳಿವುಗಳನ್ನು ಮತ್ತು ಗಾಳಿಯ ದಿಕ್ಕು, ಮಳೆ, ವಾಹನಗಳ ನಂಬರ್ ಪ್ಲೇಟ್‌ಗಳು, ವಾಹನಗಳ ಮೇಲಿನ ಭಾಷೆ, ರಸ್ತೆಗಳಲ್ಲಿನ ಗುರುತಿನ ಫಲಕಗಳು, ವಾಹನದ ತಯಾರಿಕೆ, ಹೋರ್ಡಿಂಗ್‌ಗಳು, ನಾಮಫಲಕಗಳು ಇತ್ಯಾದಿಗಳನ್ನು ಹುಡುಕುತ್ತೇವೆ.
ನಾವು ನಕಲಿ ಸಂದೇಶಗಳು, ತಿರುಚಿದ ಮಾಹಿತಿ, ತಪ್ಪು ಚಿತ್ರಗಳು, ವೀಡಿಯೊಗಳು ಮತ್ತು ಪದಗಳನ್ನು ಹುಡುಕಲು ಸಾಮಾಜಿಕ ಜಾಲತಾಣಗಳನ್ನು ಪ್ರಮುಖವಾಗಿ ಬಳಸುತ್ತೇವೆ. ಇದಲ್ಲದೆ, ಸಾಮಾನ್ಯ ಜನರಲ್ಲಿ ತಪ್ಪು ಕಲ್ಪನೆಗಳನ್ನು ಪ್ರಚೋದಿಸುವ ಉದ್ದೇಶದಿಂದ, ಸುಳ್ಳು ಸುದ್ದಿಗಳು ಅಥವಾ ಪಕ್ಷಪಾತವುಳ್ಳ ಅಭಿಪ್ರಾಯಗಳು ಅಥವಾ ತಿರುಚಿದ ದೃಷ್ಟಿಕೋನಗಳನ್ನು ಸಕ್ರಿಯವಾಗಿ ಹರಡುವ ಸಾಮಾಜಿಕ ಜಾಲತಾಣ ಬಳಕೆದಾರರ ದೊಡ್ಡ ಪಟ್ಟಿಯನ್ನೇ ನಾವು ಹೊಂದಿದ್ದೇವೆ.
ಎಲ್ಲಾ ಸುದ್ದಿಗಳಲ್ಲಿ ಸ್ಥಳದಲ್ಲೇ ವರದಿ ಮಾಡುವುದು ಸಾಧ್ಯವಾಗದಿರುವುದರಿಂದ ಮೊದಲಿನ ಮತ್ತು ನಂತರದ ಸ್ಥಳದ ಸತ್ಯವನ್ನು ಪರಿಣಾಮಕಾರಿಯಾಗಿ ಕಂಡುಹಿಡಿಯಲು ಸಾಮಾನ್ಯವಾಗಿ ಗೂಗಲ್ ಅರ್ತ್, ಗೂಗಲ್ ಮ್ಯಾಪ್ಸ್, ರಸ್ತೆ ಚಿತ್ರಗಳು ಸಹಾಯ ಮಾಡುತ್ತವೆ. ವಿಮಾನ ನಿಲ್ದಾಣಗಳು, ನಗರಗಳ ನಡುವಿನ ಅಂತರ, ಅಗತ್ಯವಿರುವ ಸಾರಿಗೆ ವಿಧಾನದಂತಹ ಹಲವಾರು ಸುಳಿವುಗಳನ್ನು ಸಹ ಗೂಗಲ್ ಮ್ಯಾಪ್ಸ್ ಒದಗಿಸುತ್ತದೆ.

4. ಪತ್ರಿಕೋದ್ಯಮ ಸಂಪರ್ಕಗಳು:

ನಮ್ಮ ಗಮನ ಯಾವಾಗಲೂ ಪ್ರಾಥಮಿಕ ಮೂಲದ ಮೇಲೆಯೇ ಕೇಂದ್ರೀಕೃತವಾಗಿರುತ್ತದೆ. ಆದರೆ ಕ್ಷೇತ್ರದ ತಜ್ಞರು ಸಂಗ್ರಹಿಸಿದ ಮತ್ತು ದೃಢೀಕರಿಸಿದ ವಿಶ್ವಾಸಾರ್ಹ ಪುರಾವೆಗಳ ಆಧಾರದ ಮೇಲೆ ದ್ವಿತೀಯ ಹಂತದ ಮೂಲವನ್ನು ಅವಲಂಬಿಸಬಹುದಾಗಿದೆ. ಪರಿಚಯ ಬಹಿರಂಗಪಡಿಸಲು ಸಿದ್ಧರಿರುವವರನ್ನು ನಮ್ಮ ಕಥೆಗಳಲ್ಲಿ ಉಲ್ಲೇಖಿಸಲಾಗುತ್ತದೆ (ಸುರಕ್ಷತೆಯ ಆಧಾರದ ಮೇಲೆ ಅನಾಮಧೇಯತೆಯನ್ನು ಬಯಸುವವರ ಹೊರತು). ಈ ನಿಟ್ಟಿನಲ್ಲಿ, ಕೋವಿಡ್ ಸಾಂಕ್ರಾಮಿಕ ರೋಗ ಹರಡಿದ್ದ ಸಮಯದಲ್ಲಿ ನಾವು ಹಲವಾರು ವೈದ್ಯರನ್ನು ನೇರವಾಗಿ ಸಂಪರ್ಕಿಸಲು ಸಾಧ್ಯವಾಗಿತ್ತು. ತಮ್ಮ ಗುರುತನ್ನು ಗೌಪ್ಯವಾಗಿರಿಸಬೇಕೆಂಬ ಅವರ ಕೋರಿಕೆಯ ಮೇರೆಗೆ ಅವರ ಹೆಸರನ್ನು ಬಳಸಲು ಸಾಧ್ಯವಾಗದಿದ್ದಾಗ, ನಮ್ಮ ನಿರ್ಧಾರಗಳನ್ನು ಬಲಪಡಿಸಲು ನಾವು ಇತರ ಸಾಕ್ಷ್ಯಾಧಾರಗಳನ್ನು ಬಳಸುತ್ತಿದ್ದೆವು.

ಅಗತ್ಯವಿದ್ದಾಗ ಗಣ್ಯರು ಅಥವಾ ತಜ್ಞರು ಮತ್ತು ಅಧಿಕಾರಿಗಳನ್ನು ಅವರ ಅಭಿಪ್ರಾಯಗಳಿಗಾಗಿ ಸಂಪರ್ಕಿಸಲು ನಾವು ನಮ್ಮ ತಂಡವನ್ನು ಪ್ರೋತ್ಸಾಹಿಸುತ್ತೇವೆ. ಅಷ್ಟೇ ಅಲ್ಲದೆ, ಸುದ್ದಿ ಅಥವಾ ಸಾಮಾಜಿಕ ಜಾಲತಾಣದಳ ಸಂದೇಶಗಳಲ್ಲಿ ಬಳಸಿದ ವಾಸ್ತವಾಂಶಗಳನ್ನು ಪರಿಶೀಲಿಸಲು ನಾವು ಧಾರ್ಮಿಕ ಸಂಸ್ಥೆಗಳು ಮತ್ತು ಲಾಭರಹಿತ ಸಂಶೋಧನಾ ಸಂಸ್ಥೆಗಳನ್ನು ಸಂಪರ್ಕಿಸುತ್ತೇವೆ. ಕೋವಿಡ್-19 ಸಾಂಕ್ರಾಮಿಕ ರೋಗದ ಸಮಯದಿಂದ, ಸುದ್ದಿಗಳನ್ನು ಹೋಲಿಸಿ ಸತ್ಯವನ್ನರಿಯುವ ಸಲುವಾಗಿ ನಾವು ವೈದ್ಯರು ಮತ್ತು ಆಯುರ್ವೇದ ವೈದ್ಯರೊಂದಿಗೆ ನಿಕಟ ಸಂಪರ್ಕವನ್ನು ಸ್ಥಾಪಿಸಿದ್ದೇವೆ.

5. ಪತ್ರಿಕೋದ್ಯಮದ ಮಾನದಂಡಗಳ ಅನುಸರಣೆ:

ಎಲ್ಲಾ ಮೂಲಗಳು ಮತ್ತು ಚಿತ್ರಗಳ ಸರಿಯಾದ ಲಿಂಕ್‌ಗಳನ್ನು ಒದಗಿಸುವ ಮೂಲಕ ನಾವು ಸ್ಥಾಪಿತ ಆನ್‌ಲೈನ್ ಪತ್ರಿಕೋದ್ಯಮ ಮಾನದಂಡಗಳನ್ನು ಅನುಸರಿಸುತ್ತೇವೆ ಮತ್ತು ನಮ್ಮ ಸತ್ಯ-ಪರಿಶೀಲನಾ ಪ್ರಕ್ರಿಯೆಯನ್ನು ಎತ್ತಿಹಿಡಿಯಲು ನಾವು ಸಾಮಾಜಿಕ ಮಾಧ್ಯಮ ಮೂಲಗಳು ಅಥವಾ ಸ್ಕ್ರೀನ್ ಶಾಟ್‌ಗಳನ್ನು ಅಳವಡಿಸಿಕೊಳ್ಳುತ್ತೇವೆ. ನಮ್ಮ ಸತ್ಯ ಪರಿಶೀಲನೆಗಳನ್ನು ನಮ್ಮ ಓದುಗರು ಸುಲಭವಾಗಿ ಪುನರಾವರ್ತಿಸಲು ಅನುವುಮಾಡಿಕೊಡಲು, ಚಿತ್ರಗಳು, ಟ್ವೀಟ್‌ಗಳು, ವೆಬ್ ಪುಟಗಳು ಮತ್ತು ಸಂದೇಶಗಳ ಲಿಂಕ್ ಗಳನ್ನೆಲ್ಲಾ ಆನ್‌ಲೈನ್ ಆರ್ಕೈವ್ ಆದ www.archive.orgನಲ್ಲಿ ಸಂಗ್ರಹಿಸಲಾಗಿದೆ ಎಂದು ನಾವು ಖಚಿತಪಡಿಸುತ್ತೇವೆ.

ನಾವು ಒಂದು ಹೇಳಿಕೆಯ ಸತ್ಯಾಸತ್ಯತೆಯನ್ನು ಸಾಧಿಸಲು ಅಥವಾ ನಿರಾಕರಿಸಲು ವಿಫಲಗೊಂಡರೂ, ನಾವು ಅದನ್ನು ಬಹಿರಂಗವಾಗಿ ಹೇಳುತ್ತೇವೆ. ಈ ಸುದ್ದಿಗಳಲ್ಲಿ ಕೆಲವು ಸತ್ಯವಾಗಿರುವುದರಿಂದ ನಾವು ಅವುಗಳಿಗೆ ಸತ್ಯ ಎಂಬ ರೇಟಿಂಗ್ ನೀಡುತ್ತೇವೆ. ನಮಗೆ ಹೆಚ್ಚಿನ ಪುರಾವೆಗಳು ಸಿಕ್ಕಿದೊಡನೆ ನಾವು ಸುದ್ದಿಗಳಲ್ಲಿ ಇತ್ತೀಚಿನ ಮಾಹಿತಿಯನ್ನು ಇರಿಸುತ್ತೇವೆ

ಮತ್ತು ಮರು-ಪ್ರಕಟಿಸಿ ನಂತರ ನವೀಕರಿಸಿದ ಸುದ್ದಿಯಲ್ಲಿ ಮಾಡಿದ ಬದಲಾವಣೆಗಳು ಅಥವಾ ತಿದ್ದುಪಡಿಗಳ ಕುರಿತು ಮಾಹಿತಿಯನ್ನು ಓದುಗರಿಗಾಗಿ ನಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುತ್ತೇವೆ.

6.ಮುಕ್ತ ತಿದ್ದುಪಡಿ ನೀತಿ:

ಸತ್ಯವನ್ನು ಹೊರತರುವುದು ನಮ್ಮ ಪ್ರಾಮಾಣಿಕ ಪ್ರಯತ್ನವಾಗಿದ್ದರೂ, ನಮ್ಮ ಪ್ರಯತ್ನಗಳಲ್ಲಿ ತಪ್ಪುಗಳು ಉಂಟಾಗಬಹುದು. ನಾವು ತಪ್ಪು ಎಂದಾದಲ್ಲೆಲ್ಲಾ ಅದನ್ನು ಮುಕ್ತವಾಗಿ ಹೇಳುತ್ತೇವೆ ಮತ್ತು ತಪ್ಪು ಸುದ್ದಿಗಳನ್ನು ಸರಿಪಡಿಸಿಕೊಳ್ಳುತ್ತೇವೆ. ನಾವು ತಿದ್ದುಪಡಿಯ ಬಗ್ಗೆ ನಮ್ಮ ಓದುಗರಿಗೆ ತಿಳಿಸುತ್ತೇವೆ ಮತ್ತು ಟ್ವಿಟರ್, ಇನ್ಸ್ಟಾಗ್ರಾಮ್ ಮತ್ತು ಫೇಸ್ಬುಕ್ ನಂತಹ ಸಾಮಾಜಿಕ ಜಾಲತಾಣಗಳಲ್ಲಿ ವಾಸ್ತವವನ್ನು ಇರಿಸುತ್ತೇವೆ. ಓದುಗರು ಮತ್ತು ಸಾರ್ವಜನಿಕರಿಂದ ರಚನಾತ್ಮಕ ಪ್ರತಿಕ್ರಿಯೆ ಮತ್ತು ಟೀಕೆಗಳನ್ನು ನಾವು ಸದಾ ಮುಕ್ತ ಮನಸ್ಸಿನಿಂದ ಸ್ವೀಕರಿಸುತ್ತೇವೆ.

ನಾವು ಸುದ್ದಿಗಳನ್ನು ತಕ್ಷಣವೇ ಸರಿಪಡಿಸಲು ಪ್ರಯತ್ನಿಸುತ್ತೇವೆ, ಆದರೂ ಸುದ್ದಿಯ ಪರಿಷ್ಕರಣೆ, ಮರು-ಪರಿಶೀಲನೆ ಮತ್ತು ಮರು-ಪ್ರಕಟಣೆಯ ಪ್ರಕ್ರಿಯೆಗಳು ಕನಿಷ್ಠ ಹತ್ತು ದಿನಗಳನ್ನು ತೆಗೆದುಕೊಳ್ಳಬಹುದು. ಕೆಲವು ಸಂದರ್ಭಗಳಲ್ಲಿ, ಸುದ್ದಿಗೆ ಅಗತ್ಯವಿರುವ ಮಾಹಿತಿಯ ಹುಡುಕಾಟವನ್ನು ಅವಲಂಬಿಸಿ ಅಥವಾ ಕೆಲವು ಅನಿವಾರ್ಯ ಸನ್ನಿವೇಶಗಳ ಕಾರಣದಿಂದ ಹೆಚ್ಚಿನ ಸಮಯ ತೆಗೆದುಕೊಳ್ಳಬಹುದು. ಎಲ್ಲಾ ತಿದ್ದುಪಡಿಗಳನ್ನು ನಮ್ಮ ತಿದ್ದುಪಡಿಗಳ ಪುಟದಲ್ಲಿ ಪ್ರದರ್ಶಿಸಲಾಗುತ್ತದೆ.

————–